ਫਤਹਿਗੜ੍ਹ ਚੂੜੀਆਂ, 10 ਮਾਰਚ (ਐਮ.ਐਸ. ਫੁੱਲ)- ਪੰਡਤ ਮੋਹਨ ਲਾਲ ਐਸ.ਡੀ. ਕਾਲਜ ਫਾਰ ਗਰਲਜ਼ ਫਤਹਿਗੜ੍ਹ ਚੂੜੀਆਂ ਵਿਖੇ ਕਾਮਰਸ ਵਿਭਾਗ ਵਲੋਂ ਵਿਦਿਆਰਥਣਾਂ ਲਈ ਭਾਸ਼ਣ ਕਰਵਾਏ | ਕਾਲਜ ਪਿੰ੍ਰਸੀਪਲ ਡਾ. ਮਿ੍ਣਾਲ ਗੁਪਤਾ ਨੇ ਵਿਦਿਆਰਥਣਾਂ ਨੂੰ ਬਲੂ ਓਸ਼ਨ ਨੀਤੀਆਂ ਬਾਰੇ ਭਾਸ਼ਣ ਦਿੱਤਾ | ਜ਼ਿਕਰਯੋਗ ਹੈ ਕਿ ਡਾ. ਮਿ੍ਣਾਲ ਗੁਪਤਾ ਕਾਮਰਸ ਖੇਤਰ ਵਿਚ ਮਾਹਿਰ ਹਨ ਤੇ ਉਨ੍ਹਾਂ ਦਾ ਸੰਪੂਰਨ ਅਧਿਆਪਨ ਕਾਰਜ ਬਿਜ਼ਨਸ ਖੇਤਰ ਦੇ ਆਲੇ-ਦੁਆਲੇ ਹੀ ਕੇਂਦਰਿਤ ਰਿਹਾ ਹੈ | ਇਸ ਦਿਨ ਉਨ੍ਹਾਂ ਵਿਦਿਆਰਥਣਾਂ ਨੂੰ ਦੱਸਿਆ ਕਿ ਬਲੂ ਓਸ਼ਨ ਨੀਤੀ ਦਾ ਅਰਥ ਹੈ, ਉਹ ਨਵੇਂ ਤੇ ਅਣਛੂਹੇ ਬਾਜ਼ਾਰ ਬਣਾਉਣਾ, ਜਿਥੇ ਮੁਕਾਬਲਾ ਬਹੁਤ ਕਰਨ ਦੀ ਬਜਾਏ ਨਵੀਆਂ ਨੀਤੀਆਂ ਮੁੱਲ ਸਿਰਜਣ ਤੇ ਵੱਖਰੇਪਨ ਨੂੰ ਅਪਨਾਉਣਾ ਹੁੰਦਾ ਹੈ | ਇਸ ਮੌਕੇ ਕਾਮਰਸ ਵਿਭਾਗ ਦੇ ਮੁਖੀ ਡਾ. ਰੁਚੀ ਕੋਹਲੀ ਨੇ ਪਿ੍ੰਸੀਪਲ ਡਾ. ਮਿ੍ਣਾਲ ਗੁਪਤਾ ਦਾ ਸਵਾਗਤ ਕੀਤਾ ਤੇ ਉਨ੍ਹਾਂ ਬਾਰੇ ਵਿਦਿਆਰਥਣਾਂ ਨੂੰ ਵਿਸਥਾਰ ਸਹਿਤ ਦੱਸਿਆ | ਪ੍ਰੋ. ਪ੍ਰਭਜੋਤ ਕੌਰ ਨੇ ਪਿ੍ੰਸੀਪਲ ਦਾ ਧੰਨਵਾਦ ਕੀਤਾ ਤੇ ਅੰਤ ਵਿਚ ਕਾਮਰਸ ਵਿਭਾਗ ਨੇ ਡਾ. ਮਿ੍ਣਾਲ ਗੁਪਤਾ ਨੂੰ ਯਾਦਗਾਰੀ ਚਿੰਨ੍ਹ ਭੇਟ ਕਰ ਕੇ ਸਨਮਾਨਿਤ ਕੀਤਾ | ਇਸ ਮੌਕੇ ਪ੍ਰੋ.ਪਰਮਿੰਦਰ ਕੌਰ ਵੀ ਮੌਜੂਦ ਸਨ |
