ਨਰੋਟ ਮਹਿਰਾ, 11 ਮਾਰਚ (ਰਾਜ ਕੁਮਾਰੀ)- ਵਿਧਾਨ ਸਭਾ ਹਲਕਾ ਭੋਆ ਅੰਦਰ ਪੈਂਦੇ ਪਿੰਡ ਕੋਟਲੀ ਵਿਖੇ ਚੋਰਾਂ ਵਲੋਂ ਦੁਕਾਨ ਦੇ ਅੱਗੇ ਖੜੀ ਬਲੈਰੋ ਗੱਡੀ ਚੋਰੀ ਕਰ ਲਏ ਜਾਣ ਦੀ ਖ਼ਬਰ ਹੈ | ਗੱਡੀ ਦੇ ਮਾਲਕ ਤਾਰਾ ਚੰਦ ਪੁੱਤਰ ਬੂਆ ਦਿੱਤਾ ਨਿਵਾਸੀ ਕੋਟਲੀ ਨੇ ਦੱਸਿਆ ਕਿ ਰੋਜ਼ਾਨਾ ਦੀ ਤਰ੍ਹਾਂ ਕੰਮਕਾਜ ਕਰਕੇ ਦੁਕਾਨ ਦੇ ਨਾਲ ਖਾਲੀ ਪਈ ਜਗ੍ਹਾ 'ਤੇ ਬਲੈਰੋ ਗੱਡੀ ਨੰਬਰ ਪੀ.ਬੀ.35 ਐਨ. 9064 ਖੜੀ ਕਰਕੇ ਘਰ ਚਲਾ ਗਿਆ ਤੇ ਜਦੋਂ ਸਵੇਰੇ ਆ ਕੇ ਦੇਖਿਆ ਤਾਂ ਗੱਡੀ ਆਪਣੀ ਜਗ੍ਹਾ 'ਤੇ ਨਹੀਂ ਸੀ | ਕਾਫ਼ੀ ਸਮੇਂ ਇੱਧਰ ਉੱਧਰ ਲੱਭਣ ਤੋਂ ਬਾਅਦ ਗੱਡੀ ਨਹੀਂ ਮਿਲੀ ਜਿਸ ਦੀ ਰਿਪੋਰਟ ਥਾਣਾ ਸਦਰ ਵਿਖੇ ਕੀਤੀ ਗਈ ਹੈ |