ਸ਼ਾਹਪੁਰ ਕੰਢੀ, 11 ਮਾਰਚ (ਰਣਜੀਤ ਸਿੰਘ)- ਸ੍ਰੀ ਸਨਾਤਨ ਧਰਮ ਸਭਾ ਸ਼ਾਹਪੁਰ ਕੰਢੀ ਟਾਊਨਸ਼ਿਪ ਵਲੋਂ ਸ੍ਰੀ ਰਾਮਨੌਮੀ ਦਾ ਪਵਿੱਤਰ ਤਿਉਹਾਰ ਮਨਾਉਣ ਦੀਆਂ ਤਿਆਰੀਆਂ ਜ਼ੋਰਾਂ ਨਾਲ ਚੱਲ ਰਹੀਆਂ ਹਨ | ਪ੍ਰਧਾਨ ਸ਼ਿਵ ਪ੍ਰਕਾਸ਼ ਤੇ ਜਨਰਲ ਸੈਕਟਰੀ ਸੁਰਜੀਤ ਸਿੰਘ ਨੇ ਦੱਸਿਆ ਕਿ ਸ੍ਰੀ ਰਾਮਨੌਮੀ ਦੇ ਸਬੰਧ ਵਿਚ ਪ੍ਰਭਾਤਫੇਰੀਆਂ ਸ਼ੁਰੂ ਕੀਤੀਆਂ ਗਈਆਂ ਹਨ, ਜੋ ਕਿ 24 ਮਾਰਚ ਤੱਕ ਜਾਰੀ ਰਹਿਣਗੀਆਂ | ਉਨ੍ਹਾਂ ਦੱਸਿਆ ਕਿ ਸੰਗਤਾਂ ਸਵੇਰੇ 4 ਵਜੇ ਹੀ ਮੰਦਿਰ ਪਹੁੰਚ ਜਾਂਦੀਆਂ ਹਨ | ਅੱਜ ਦੀ ਪ੍ਰਭਾਤਫੇਰੀ ਦੀ ਸੇਵਾ ਓਮ ਬਹਾਦਰ ਵਲੋਂ ਨਿਭਾਈ ਗਈ | ਇਸ ਮੌਕੇ ਸੁਮੇਸ਼ ਸ਼ਰਮਾ, ਸੋਮਰਾਜ, ਸੁਰਿੰਦਰ ਕੋਹਲੀ, ਜਤਿਨ ਮਹਿਤਾ, ਕੇਵਲ ਸਿੰਘ, ਅਸ਼ੋਕ ਕੁਮਾਰ, ਸ਼ੰਭੂ ਨਾਥ, ਡਿੰਪਲ, ਗੋਪੀ, ਆਸ਼ਾ ਰਾਣੀ, ਵਿਨੀਤਾ ਅਤੇ ਕਮਲੇਸ਼ ਆਦਿ ਹਾਜ਼ਰ ਸਨ |