ਗੁਰਦਾਸਪੁਰ, 28 ਮਾਰਚ (ਚੱਕਰਾਜਾ)- ਰਣਜੀਤ ਸਾਗਰ ਡੈਮ ਅਤੇ ਪਠਾਨਕੋਟ ਜ਼ੋਨ ਦੀ ਜ਼ਰੂਰੀ ਮੀਟਿੰਗ 2 ਅਪ੍ਰੈਲ ਨੰੂ ਸਵੇਰੇ 11.30 ਵਜੇ ਪੰਜਾਬੀ ਬਾਗ਼ ਰੈਸਟੋਰੈਂਟ ਜੀ.ਟੀ. ਰੋਡ ਦੀਨਾਨਗਰ ਵਿਖੇ ਹੋਵੇਗੀ | ਜ਼ੋੋਨ ਪ੍ਰਧਾਨ ਇੰਜ: ਲਖਵੀਰ ਸਿੰਘ ਬੱਬੇਹਾਲੀ ਤੇ ਜ਼ੋਨ ਜਨਰਲ ਸਕੱਤਰ ਇੰਜ: ਲਖਵਿੰਦਰ ਸਿੰਘ ਪੰਨੂ ਨੇ ਦੱਸਿਆ ਕਿ ਪੰਜਾਬ ਸਰਕਾਰ ਦੀਆਂ ਪੈਨਸ਼ਨਰਾਂ ਤੇ ਮੁਲਾਜ਼ਮ ਵਿਰੋਧੀ ਨੀਤੀਆਂ ਵਿਰੁੱਧ ਵਿਚਾਰਾਂ ਚਰਚਾ ਕਰਨ ਤੇ ਜਥੇਬੰਦੀ ਦੀਆਂ ਸਰਗਰਮੀਆਂ ਨੂੰ ਤੇਜ਼ ਕਰਨ ਲਈ ਇਸ ਮੀਟਿੰਗ 'ਚ ਵਿਚਾਰ ਵਟਾਂਦਰਾ ਕੀਤਾ ਜਾਵੇਗਾ | ਇਸ ਮੌਕੇ ਸੂਬਾ ਪ੍ਰਧਾਨ ਇੰਜ: ਸੁਖਵਿੰਦਰ ਸਿੰਘ ਬਾਂਗੋਵਾਣੀ ਤੇ ਸੂਬਾ ਜਨਰਲ ਸਕੱਤਰ ਇੰਜ: ਰਣਜੀਤ ਸਿੰਘ ਧਾਲੀਵਾਲ ਵੀ ਸ਼ਾਮਿਲ ਹੋ ਰਹੇ ਹਨ |
