ਗੁਰਦਾਸਪੁਰ, 4 ਅਪ੍ਰੈਲ (ਚੱਕਰਾਜਾ)- ਕਾਮਰੇਡ ਤੇਜਾ ਸਿੰਘ ਸੁਤੰਤਰ ਯਾਦਗਾਰੀ ਕਮੇਟੀ ਦੀ ਮੀਟਿੰਗ ਗੁਰਨਾਮ ਸਿੰਘ ਅਲੂਣਾ ਦੀ ਪ੍ਰਧਾਨਗੀ ਹੇਠ ਪਿੰਡ ਅਲੂਣਾ ਵਿਖੇ ਹੋਈ | ਇਸ ਮੌਕੇ ਕਾਮਰੇਡ ਗੁਲਜ਼ਾਰ ਸਿੰਘ ਬਸੰਤਕੋਟ ਨੇ ਵਿਸ਼ੇਸ਼ ਤੌਰ 'ਤੇ ਹਾਜ਼ਰੀ ਭਰੀ | ਮੀਟਿੰਗ ਦੀ ਸ਼ੁਰੂਆਤ ਮੌਕੇ ਪਿਛਲੇ ਦਿਨੀਂ ਵਿੱਛੜੇ ਆਗੂ ਸੁਖਦੇਵ ਸਿੰਘ ਭਾਗੋਕਾਵਾਂ, ਕਾ: ਵਰਿੰਦਰ ਸਿੰਘ ਕੱਤੋਵਾਲ, ਸਤਨਾਮ ਸਿੰਘ ਮੂਲਿਆਂਵਾਲ ਤੇ ਉਨ੍ਹਾਂ ਦੀ ਪਤਨੀ ਤੇ ਵੇਅਰ ਹਾਊਸ ਦੇ ਐਮ.ਡੀ. ਗਗਨਦੀਪ ਸਿੰਘ ਰੰਧਾਵਾ ਨੰੂ ਸ਼ਰਧਾਂਜਲੀ ਭੇਟ ਕੀਤੀ ਗਈ | ਇਸ ਮੌਕੇ ਆਗੂਆਂ ਨੇ ਕਾਮਰੇਡ ਤੇਜਾ ਸਿੰਘ ਸੁਤੰਤਰ ਤੇ ਕਾਮਰੇਡ ਮੇਦਨ ਸਿੰਘ ਮੇਦਨ ਦੀ ਬਰਸੀ 12 ਅਪ੍ਰੈਲ ਨੰੂ ਧੂਮਧਾਮ ਨਾਲ ਮਨਾਉਣ ਦਾ ਫ਼ੈਸਲਾ ਕੀਤਾ | ਆਗੂਆਂ ਨੇ ਕਿਹਾ ਕਿ ਇਸ ਸਮਾਗਮ ਸੰਬੰਧੀ 15 ਮੈਂਬਰਾਂ 'ਤੇ ਅਧਾਰਿਤ ਕਮੇਟੀ ਦਾ ਗਠਨ ਕੀਤਾ ਗਿਆ ਹੈ ਜਿਸ ਦਾ ਕਨਵੀਨਰ ਜਗਜੀਤ ਸਿੰਘ ਅਲੂਣਾ ਨੰੂ ਨਿਯੁਕਤ ਕੀਤਾ ਹੈ | ਸਮੂਹ ਆਗੂਆਂ ਨੇ 12 ਅਪ੍ਰੈਲ ਦੇ ਬਰਸੀ ਸਮਾਗਮ ਨੰੂ ਸਫਲ ਬਣਾਉਣ ਦਾ ਭਰੋਸਾ ਦਿੱਤਾ | ਇਸ ਮੌਕੇ ਕਾ: ਅਸ਼ਵਨੀ ਕੁਮਾਰ ਲੱਖਣ ਕਲਾਂ, ਹਰਚਰਨ ਔਜਲਾ, ਸੁਖਦੇਵ ਸਿੰਘ ਗੋਸਲ, ਰਣਵੀਰ ਸਿੰਘ ਡੁਗਰੀ, ਕਾ: ਬਲਵੀਰ ਸਿੰਘ ਰੰਧਾਵਾ, ਕਾ: ਲਖਵਿੰਦਰ ਔਜਲਾ, ਸੁੱਚਾ ਸਿੰਘ ਬਲੱਗਣ, ਜਗਜੀਤ ਸਿੰਘ ਅਲੂਣਾ, ਬਲਵੀਰ ਸਿੰਘ ਬਾਜਵਾ, ਕਾ: ਰਤਨ ਸਿੰਘ ਕਿਲ੍ਹਾ ਨੱਥੂ ਸਿੰਘ, ਜਰਨੈਲ ਸਿੰਘ ਸਪਰਾ ਕੋਠੀ, ਕੁਲਦੀਪ ਸਿੰਘ, ਗੁਰਮੀਤ ਸਿੰਘ, ਬਲਵਿੰਦਰ ਸਿੰਘ, ਕਸ਼ਮੀਰ ਸਿੰਘ, ਗੁਰਪਿੰਦਰ ਸਿੰਘ, ਅਮਨਦੀਪ ਸਿੰਘ ਚੌਹਾਨ, ਮਾ: ਸੁਖਵਿੰਦਰਪਾਲ, ਪ੍ਰਭਜੋਤ ਸਿੰਘ, ਕੁਲਜੀਤ ਸਿੰਘ, ਸੁਖਵਿੰਦਰ ਸਿੰਘ ਅੱਲੜਪਿੰਡੀ, ਗੁਰਦੀਪ ਸਿੰਘ, ਅਵਤਾਰ ਸਿੰਘ, ਬਲਵੀਰ ਸਿੰਘ, ਅਰਜਿੰਦਰ ਸਿੰਘ ਕਾਹਲੋਂ ਆਦਿ ਹਾਜ਼ਰ ਸਨ |
