ਬਟਾਲਾ, 7 ਅਪ੍ਰੈਲ (ਰਾਕੇਸ਼ ਰੇਖੀ)-ਪੁਲਿਸ ਨੇ ਇਕ ਮਹਿਲਾ ਦੀ ਸ਼ਿਕਾਇਤ 'ਤੇ ਇਕ ਵਿਅਕਤੀ ਦੇ ਖਿਲਾਫ ਜ਼ਬਰ ਜਨਾਹ ਕਰਨ ਦੇ ਦੋਸ਼ ਤਹਿਤ ਮਾਮਲਾ ਦਰਜ਼ ਕੀਤਾ ਹੈ | ਦੋਸ਼ੀ ਉਕਤ ਮਹਿਲਾ ਦੇ ਪਤੀ ਦਾ ਦੋਸਤ ਅਤੇ ਸਹਿਕਰਮੀ ਦੱਸਿਆ ਗਿਆ ਹੈ | ਥਾਣਾ ਸਿਵਲ ਲਾਈਨ ਵਿਚ ਦਰਜ਼ ਮਾਮਲੇ ਦੀ ਜਾਂਚ ਅਧਿਕਾਰੀ ਇੰਸਪੈਕਟਰ ਨਵਨੀਤ ਕੌਰ ਨੇ ਦੱਸਿਆ ਕਿ ਥਾਣਾ ਹੇਠ ਆਉਂਦੇ ਇਕ ਇਲਾਕੇ ਦੀ ਰਹਿਣ ਵਾਲੀ ਔਰਤ ਨੇ ਸ਼ਿਕਾਇਤ ਦਰਜ ਕਰਵਾਈ ਕਿ ਉਸ ਦਾ ਪਤੀ ਵਾਹਨ ਚਾਲਕ ਹੈ ਅਤੇ ਉਸ ਨੇ ਹਰਮਨਦੀਪ ਨੂੰ ਆਪਣੇ ਨਾਲ ਕੰਮ 'ਤੇ ਰੱਖਿਆ ਹੋਇਆ ਸੀ | ਉਸ ਦੇ ਪਤੀ ਕੋਲ ਦੂਸਰੇ ਪ੍ਰਦੇਸ਼ ਵਿਚ ਐਕਸੀਡੇਂਟ ਹੋ ਗਿਆ ਸੀ ਅਤੇ ਉਸ 'ਤੇ ਮਾਮਲਾ ਦਰਜ਼ ਹੈ | ਪਤੀ ਦੀ ਗੈਰ ਮੌਜ਼ੂਦਗੀ ਕਾਰਨ ਹਰਮਨਦੀਪ ਉਸ ਦਾ ਵਾਹਨ ਚਲਾਉਣ ਲੱਗ ਪਿਆ | ਹਰਮਨਦੀਪ ਦਾ ਉਸ ਦੇ ਘਰ ਆਉਣਾ-ਜਾਣਾ ਸੀ ਅਤੇ ਉਹ ਜ਼ਬਰਦਸਤੀ ਬਲੈਕਮੇਲ ਕਰ ਕੇ ਉਸ ਨਾਲ ਸਰੀਰਕ ਸੰਬੰਧ ਬਣਾਉਂਦਾ ਰਿਹਾ | ਉਸ ਨੇ ਤੰਗ ਆ ਕੇ ਇਸ ਦੀ ਸ਼ਿਕਾਇਤ ਪੁਲਿਸ ਨੂੰ ਕੀਤੀ | ਪੁਲਿਸ ਨੇ ਜਾਂਚ ਤੋਂ ਬਾਅਦ ਕਥਿਤ ਹਰਮਨਦੀਪ ਦੇ ਖਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ |
