ਘਰੋਟਾ, 10 ਅਪ੍ਰੈਲ (ਸੰਜੀਵ ਗੁਪਤਾ)- ਗੋਸਵਾਮੀ ਸ੍ਰੀ ਗੁਰੂ ਨਾਭਾ ਦਾਸ ਦਾ ਜਨਮ ਦਿਹਾੜਾ ਘਰੋਟਾ ਖੇਤਰ 'ਚ ਉਤਸ਼ਾਹ ਨਾਲ ਮਨਾਇਆ ਗਿਆ | ਇਸ ਮੌਕੇ ਵਿਸ਼ਾਲ ਸ਼ੋਭਾ ਯਾਤਰਾ ਨੇ ਪੂਰੇ ਸ਼ਹਿਰ ਨੂੰ ਭਗਤੀ ਭਰੇ ਮਾਹੌਲ ਨਾਲ ਭਰ ਦਿੱਤਾ | ਇਹ ਸਮਾਗਮ ਜਨਰਲ ਸਕੱਤਰ ਯਸ਼ਪਾਲ ਭਰਿਆਲ ਦੀ ਅਗਵਾਈ ਹੇਠ ਕਰਵਾਇਆ ਗਿਆ ਜਿਸ ਵਿਚ ਮਹੰਤ ਵਿਸ਼ਨੂੰ ਗਿਰੀ ਅਤੇ ਜ਼ਿਲ੍ਹਾ ਪ੍ਰਧਾਨ ਪਿ੍ੰਸ ਕਲੋਤਰਾ ਮੁੱਖ ਮਹਿਮਾਨ ਵਜੋਂ ਸ਼ਾਮਿਲ ਹੋਏ | ਪ੍ਰੋਗਰਾਮ ਦੀ ਸ਼ੁਰੂਆਤ ਵਿਚ ਮੰਦਿਰ ਵਿਚ ਇਕ ਧਾਰਮਿਕ ਇਕੱਠ ਕੀਤਾ ਗਿਆ ਜਿੱਥੇ ਵਿਦਵਾਨਾਂ ਤੇ ਬੁਲਾਰਿਆਂ ਨੇ ਗੁਰੂ ਨਾਭਾ ਦਾਸ ਮਹਾਰਾਜ ਦੇ ਜੀਵਨ, ਉਨ੍ਹਾਂ ਦੀਆਂ ਮਹਾਨ ਸਿੱਖਿਆਵਾਂ ਅਤੇ ਉਨ੍ਹਾਂ ਦੀ ਪ੍ਰਸਿੱਧ ਗ੍ਰੰਥ ਭਗਤਮਲ ਦੀ ਮਹੱਤਤਾ ਬਾਰੇ ਵਿਸਥਾਰ ਨਾਲ ਦੱਸਿਆ | ਬੁਲਾਰਿਆਂ ਨੇ ਦੱਸਿਆ ਕਿ ਗੁਰੂ ਜੀ ਦਾ ਜੀਵਨ ਭਗਤੀ, ਸਮਾਨਤਾ ਤੇ ਮਨੁੱਖਤਾ ਦੇ ਸੰਦੇਸ਼ ਦੀ ਉਦਾਹਰਨ ਹੈ, ਜੋ ਅੱਜ ਵੀ ਸਮਾਜ ਨੂੰ ਪ੍ਰੇਰਿਤ ਕਰਦਾ ਹੈ | ਗਾਇਕਾ ਵੀਨਾ ਅੰਜਾਨ ਦੁਆਰਾ ਗਾਏ ਗਏ ਭਜਨਾਂ ਦੇ ਨਾਲ-ਨਾਲ ਢੋਲ ਤੇ ਸੰਗੀਤਕ ਸਾਜ਼ਾਂ ਦੀਆਂ ਸੁਰੀਲੀਆਂ ਧੁਨਾਂ ਨੇ ਮਾਹੌਲ ਨੂੰ ਸ਼ਰਧਾ ਨਾਲ ਭਰ ਦਿੱਤਾ | ਇਸ ਮੌਕੇ ਮਹਾਸ਼ਾ ਏਕਤਾ ਮੰਚ ਦੇ ਪ੍ਰਧਾਨ ਰਾਜ ਕੁਮਾਰ ਜਨੋਤਰਾ, ਡੀ.ਈ.ਓ. ਸੁਰਿੰਦਰ ਜਸਵਾਲ, ਕੈਸ਼ੀਅਰ ਵਿਜੇ ਭਰਿਆਲ, ਪ੍ਰਧਾਨ ਰਮੇਸ਼, ਬੱਬਲੂ, ਪ੍ਰਦੀਪ ਕੁਮਾਰ, ਵਿਨੋਦ ਭੰਡਾਰੀ, ਦਰਸ਼ਨਾ ਕੁਮਾਰੀ, ਆਸ਼ਾ, ਸੁਮਨ, ਆਸ਼ੂ, ਜੰਨੂ, ਰੇਣੂ, ਅੰਮਿ੍ਤੂ, ਨੇਮੋ, ਰਜਨੀ ਅਤੇ ਵੱਡੀ ਗਿਣਤੀ ਵਿਚ ਪਤਵੰਤੇ ਅਤੇ ਸ਼ਰਧਾਲੂ ਮੌਜੂਦ ਸਨ |
