ਪਠਾਨਕੋਟ, 10 ਅਪ੍ਰੈਲ (ਸੰਧੂ)- ਯੂਥ ਐਂਡ ਸਪੋਰਟਸ ਕਲੱਬ ਵਲੋਂ 38ਵੇਂ ਸਾਲਾਨਾ ਜਾਗਰਨ ਤੇ ਭੰਡਾਰੇ ਦੇ ਸਬੰਧ ਵਿਚ ਇਕ ਕਾਰਡ ਜਾਰੀ ਕੀਤਾ ਗਿਆ | ਇਹ ਸਮਾਗਮ ਡਾਇਰੈਕਟਰ ਸਤਪਾਲ ਸੱਤਾ ਦੀ ਅਗਵਾਈ ਹੇਠ ਕਰਵਾਇਆ ਗਿਆ | ਇਸ ਮੌਕੇ 'ਦ ਹਿੰਦੂ ਕੋਆਪਰੇਟਿਵ ਬੈਂਕ' ਦੇ ਚੇਅਰਮੈਨ ਸਤੀਸ਼ ਮਹਿੰਦਰੂ ਮੁੱਖ ਮਹਿਮਾਨ ਵਜੋਂ ਸ਼ਾਮਿਲ ਹੋਏ ਜਦਕਿ ਕਲੱਬ ਦੇ ਚੇਅਰਮੈਨ ਰਾਕੇਸ਼ ਖੰਨਾ ਨੇ ਵਿਸ਼ੇਸ਼ ਤੌਰ 'ਤੇ ਹਾਜ਼ਰੀ ਭਰੀ | ਕਲੱਬ ਦੇ ਚੇਅਰਮੈਨ ਆਰ.ਕੇ. ਖੰਨਾ ਤੇ ਪ੍ਰਧਾਨ ਲੱਕੀ ਨੇ ਦੱਸਿਆ ਕਿ 1 ਮਈ ਨੂੰ ਵਿਸ਼ਾਲ ਭੰਡਾਰਾ ਕਰਵਾਇਆ ਜਾਵੇਗਾ ਜਦਕਿ 2 ਮਈ ਨੂੰ ਢਾਕੀ ਰੋਡ ਸਥਿਤ ਸ਼ਿਵ ਨਗਰ ਵਿਚ ਜਾਗਰਨ ਹੋਵੇਗਾ | ਜਾਗਰਨ ਵਿਚ ਅੰਤਰਰਾਸ਼ਟਰੀ ਪੱਧਰ ਦੇ ਪ੍ਰਸਿੱਧ ਗਾਇਕ ਕਲੇਰ ਕੰਠ ਤੇ ਬੱਬੂ ਖਾਨਪੁਰੀਆ ਮਾਤਾ ਰਾਣੀ ਦਾ ਗੁਣਗਾਨ ਕਰਨਗੇ | ਮੁੱਖ ਮਹਿਮਾਨ ਸਤੀਸ਼ ਮਹਿੰਦਰੂ ਨੇ ਕਲੱਬ ਮੈਂਬਰਾਂ ਦੀ ਪ੍ਰਸ਼ੰਸਾ ਕੀਤੀ | ਇਸ ਮੌਕ ਵਿਨੋਦ ਮਹਾਜਨ, ਸੀ.ਐਸ. ਲਾਇਲਪੁਰੀ, ਰਮੇਸ਼ ਚੌਧਰੀ, ਸੰਨੀ, ਬੌਬੀ, ਗੌਰਵ, ਮਿੰਟੂ, ਲਾਡੀ, ਮੰਨੂ ਬਸਰਾ, ਰਾਹੁਲ, ਕਰਨ ਸਿੰਘ, ਅਜੇ, ਸੁਧੀਰ, ਅਨੀਸ਼ ਸੈਣੀ, ਵਿਨੈ, ਵਿਕੀ ਅਤੇ ਦਮਨ ਸਿੰਘ ਆਦਿ ਹਾਜ਼ਰ ਸਨ |
