ਪਠਾਨਕੋਟ, 16 ਅਪ੍ਰੈਲ (ਸੰਧੂ)-ਗ੍ਰੀਨਲੈਂਡ ਪਬਲਿਕ ਸਕੂਲ ਦੇ 10ਵੀਂ ਜਮਾਤ ਦੇ ਵਿਦਿਆਰਥੀਆਂ ਨੇ 100 ਫੀਸਦੀ ਪਾਸ ਨਤੀਜਾ ਪ੍ਰਾਪਤ ਕੀਤਾ | ਵਿਦਿਆਰਥੀਆਂ ਨੇ ਪ੍ਰੀਖਿਆ ਵਿਚ ਸ਼ਾਨਦਾਰ ਸਫਲਤਾ ਪ੍ਰਾਪਤ ਕਰਕੇ ਸਕੂਲ ਅਤੇ ਉਨ੍ਹਾਂ ਦੇ ਮਾਪਿਆਂ ਦਾ ਮਾਣ ਵਧਾਇਆ | ਚੇਅਰਮੈਨ ਰਣਵੀਰ ਸਿੰਘ, ਸਕੱਤਰ ਕਮਲਜੀਤ ਸਿੰਘ ਤੇ ਪਿ੍ੰਸੀਪਲ ਅਨੁਮੀਤ ਕੌਰ ਨੇ ਵਿਦਿਆਰਥੀਆਂ ਨੂੰ ਉਨ੍ਹਾਂ ਦੀ ਸ਼ਾਨਦਾਰ ਸਫਲਤਾ 'ਤੇ ਵਧਾਈ ਦਿੱਤੀ | ਇਸ ਮੌਕੇ ਪਿ੍ੰਸੀਪਲ ਨੇ ਵਿਦਿਆਰਥੀਆਂ, ਉਨ੍ਹਾਂ ਦੇ ਮਾਪਿਆਂ ਤੇ ਅਧਿਆਪਕਾਂ ਨੂੰ ਵੀ ਵਧਾਈ ਦਿੱਤੀ | ਉਨ੍ਹਾਂ ਦੱਸਿਆ ਕਿ ਆਯੂਸ਼ੀ ਨੇ 96 ਫੀਸਦੀ, ਆਰੁਸ਼ੀ 93.4 ਫੀਸਦੀ, ਸੌਮਿਆ ਨੇ 91.8 ਫੀਸਦੀ, ਸਾਇਨਾ ਨੇ 91.2 ਫੀਸਦੀ, ਸਵਾਂਸ਼ੀ ਨੇ 91 ਫੀਸਦੀ, ਸੋਨਾਲੀ ਨੇ 90.8 ਫੀਸਦੀ, ਕਿ੍ਤਿਕਾ ਨੇ 89.8 ਫੀਸਦੀ, ਮਨਿਕਾ ਨੇ 89.2 ਫੀਸਦੀ, ਵਰਸ਼ਿਕਾ 88.8 ਫੀਸਦੀ, ਮਹੇਸ਼ਵਰ ਨੇ 87. 4 ਫੀਸਦੀ, ਰਿਤਿਕਾ ਨੇ 88.8 ਫੀਸਦੀ, ਦੀਕਸ਼ੀ ਨੇ 86.4 ਫੀਸਦੀ ਅੰਕ ਪ੍ਰਾਪਤ ਕੀਤੇ |
