ਹਾਦਸੇ 'ਚ ਦਾਦੀ-ਪੋਤੀ ਗੰਭੀਰ ਜ਼ਖ਼ਮੀ
ਅਜੀਤ ਡੈਸਕ
19-04-2026
ਬਟਾਲਾ, 18 ਅਪ੍ਰੈਲ (ਸਤਿੰਦਰ ਸਿੰਘ)-ਇਕ ਹਾਦਸੇ ਵਿਚ ਦਾਦੀ-ਪੋਤੀ ਦੇ ਗੰਭੀਰ ਜ਼ਖ਼ਮੀ ਹੋ ਗਏ | ਜਾਣਕਾਰੀ ਅਨੁਸਾਰ ਪਿੰਡ ਭਾਮ ਦੀ ਵਸਨੀਕ ਬੀਰੋ ਪਤਨੀ ਸ਼ਿਬ ਸਿੰਘ ਆਪਣੀ ਪੋਤਰੀ ਸਨੇਹਾ ਨਾਲ ਗੈਸ ਸਿਲੰਡਰ ਖ਼ਤਮ ਹੋਣ ਤੋਂ ਬਾਅਦ ਸ੍ਰੀ ਹਰਗੋਬਿੰਦਪੁਰ ਰੋਡ 'ਤੇ ਕਿਸੇ ਦਰਖਤ ਤੋਂ ਬਾਲਣ ਲਈ ਟਹਿਣੀਆਂ ਤੋੜ ਰਹੀਆਂ ਸਨ ਤਾਂ ਅਚਾਨਕ ਇਕ ਟਾਹਣਾ ਡਿੱਗ ਕੇ ਬੀਰੋ ਦੇ ਸਿਰ 'ਤੇ ਵੱਜਾ ਤਾਂ ਉਹ ਗੰਭੀਰ ਜ਼ਖਮੀ ਹੋ ਗਈ, ਜਦਕਿ ਉਸ ਦੀ ਪੋਤੀ ਸਨੇਹਾ ਜਾਨ ਬਚਾ ਕੇ ਸੜਕ ਵੱਲ ਦੋੜੀ ਤਾਂ ਸੜਕ ਵਿਚ ਜਾ ਰਹੀ ਇਕ ਕਾਰ ਦੀ ਲਪੇਟ ਵਿਚ ਆ ਗਈ, ਜਿਸ ਕਾਰਨ ਉਹ ਵੀ ਜ਼ਖ਼ਮੀ ਹੋ ਗਈ | ਜ਼ਖ਼ਮੀਆਂ ਨੂੰ ਜ਼ੇਰੇ ਇਲਾਜ ਲਈ ਬਟਾਲਾ ਸਿਵਲ ਹਸਪਤਾਲ ਵਿਖੇ ਦਾਖਲ ਕਰਵਾਇਆ ਗਿਆ ਹੈ |
