ਘਰੋਟਾ, 21 ਅਪ੍ਰੈਲ (ਸੰਜੀਵ ਗੁਪਤਾ)- ਸ੍ਰੀ ਲਕਸ਼ਮੀ ਨਰਾਇਣ ਪਵਨ ਧਾਮ ਪਚੋਵਾਲ ਵਿਖੇ ਸ੍ਰੀਮਦ ਭਾਗਵਤ ਮਹਾਂਪੁਰਾਣ ਕਥਾ ਧਾਰਮਿਕ ਸ਼ਰਧਾ ਨਾਲ ਸਮਾਪਤ ਹੋਈ ਜਿਸ ਵਿਚ ਭਗਤੀ, ਵਿਸ਼ਵਾਸ ਤੇ ਅਧਿਆਤਮਿਕ ਊਰਜਾ ਦਾ ਇਕ ਸ਼ਾਨਦਾਰ ਸੰਗਮ ਵਾਤਾਵਰਨ 'ਚ ਫੈਲਿਆ ਹੋਇਆ ਹੈ | ਕਥਾਵਿਆਸ ਅਸ਼ੋਕ ਸ਼ਾਸਤਰੀ ਨੇ ਆਪਣੇ ਪ੍ਰਵਚਨਾਂ ਵਿਚ ਧਰਮ, ਸਭਿਆਚਾਰ ਅਤੇ ਸਨਾਤਨ ਪਰੰਪਰਾਵਾਂ ਦੀ ਮਹੱਤਤਾ ਬਾਰੇ ਵਿਸਥਾਰ ਨਾਲ ਦੱਸਿਆ | ਉਨ੍ਹਾਂ ਕਿਹਾ ਕਿ ਸਨਾਤਨ ਧਰਮ ਸਿਰਫ਼ ਇਕ ਆਸਥਾ ਨਹੀਂ ਹੈ, ਸਗੋਂ ਇਕ ਸੰਪੂਰਨ ਜੀਵਨ ਢੰਗ ਹੈ | ਉਨ੍ਹਾਂ ਨੇ ਮਾਤਾ-ਪਿਤਾ ਦੀ ਸੇਵਾ ਨੂੰ ਸਭ ਤੋਂ ਵੱਡਾ ਧਰਮ ਦੱਸਿਆ, ਇਹ ਵੀ ਕਿਹਾ ਕਿ ਜੋ ਲੋਕ ਆਪਣੇ ਮਾਤਾ-ਪਿਤਾ ਦੀ ਸੇਵਾ ਕਰਦੇ ਹਨ, ਉਨ੍ਹਾਂ ਨੂੰ ਹੀ ਪ੍ਰਮਾਤਮਾ ਦਾ ਆਸ਼ੀਰਵਾਦ ਮਿਲਦਾ ਹੈ |
