ਤਿੱਬੜ, 5 ਮਈ (ਸੋਹਨ ਮਲਿਕ)-ਯੁੱਧ ਨਸ਼ਿਆਂ ਵਿਰੁੱਧ ਮਾਨ ਸਰਕਾਰ ਵਲੋਂ ਚਲਾਈ ਮੁਹਿੰਮ ਤਹਿਤ ਨਸ਼ਿਆਂ 'ਤੇ ਸ਼ਿਕੰਜਾ ਪਾਉਣ ਲਈ ਪੰਜਾਬ ਪੁਲਿਸ ਹਰ ਵੇਲੇ ਪਿੰਡ ਪਿੰਡ ਛਾਪੇਮਾਰੀ ਕਰ ਰਹੀ ਹੈ | ਥਾਣਾ ਤਿੱਬੜ ਦੀ ਪੁਲਿਸ ਨਸ਼ੇ ਦੀ ਭੈੜੀ ਲੱਤ ਦੇ ਸ਼ਿਕਾਰ ਹੋਏ ਨੌਜਵਾਨਾਂ ਦੇ ਪਰਿਵਾਰਾਂ ਦੇ ਦਰਦਾਂ ਦੀ ਮਰਹਮ ਬਣਦੇ ਹੋਏ ਲਗਾਤਾਰ ਇਲਾਕੇ ਦਾ ਦੌਰਾ ਕਰਦੀ ਹੈ | ਅੱਜ ਇਲਾਕੇ ਦਾ ਦੌਰਾ ਕਰਨ ਦੌਰਾਨ ਏ.ਐੱਸ.ਆਈ. ਗੁਰਨਾਮ ਸਿੰਘ ਸਮੇਤ ਪੁਲਿਸ ਟੀਮ ਵਲੋਂ ਗਿੱਲ ਪਾਵਰ ਹਾਊਸ ਪੁਲ ਨਹਿਰ ਬੱਬੇਹਾਲੀ ਨੇੜੇ ਸੁਨੀਲ ਪੁੱਤਰ ਬਸੰਤ ਲਾਲ ਵਾਸੀ ਪਿੰਡ ਮੁਸਤਫਾਬਾਦ ਜੱਟਾਂ ਨੂੰ ਸ਼ੱਕ ਦੇ ਆਧਾਰ 'ਤੇ ਕਾਬੂ ਕੀਤਾ ਗਿਆ | ਜਿਸ ਦੀ ਤਲਾਸ਼ੀ ਲੈਣ 'ਤੇ ਦੋਸ਼ੀ ਕੋਲੋਂ ਮੋਮੀ ਲਿਫ਼ਾਫ਼ੇ ਵਿਚੋਂ 5 ਗ੍ਰਾਮ ਹੈਰੋਇਨ ਬਰਾਮਦ ਹੋਈ | ਪੁਲਿਸ ਵਲੋਂ ਦੋਸ਼ੀ ਖ਼ਿਲਾਫ਼ ਤਿੱਬੜ ਥਾਣੇ ਵਿਚ ਮੁਕੱਦਮਾ ਦਰਜ ਕੀਤਾ ਗਿਆ |
