ਕੋਟਲੀ ਸੂਰਤ ਮੱਲ੍ਹੀ, 6 ਮਈ (ਕੁਲਦੀਪ ਸਿੰਘ ਨਾਗਰਾ)-ਭਾਰਤੀ ਜਨਤਾ ਪਾਰਟੀ ਦੀ ਪੱਛਮੀ ਬੰਗਾਲ ਤੇ ਅਸਾਮ ਵਿਚ ਹੋਈ ਸ਼ਾਨਦਾਰ ਜਿੱਤ ਦੀ ਖੁਸ਼ੀ 'ਚ ਭਾਰਤੀ ਜਨਤਾ ਪਾਰਟੀ ਦੇ ਜ਼ਿਲ੍ਹਾ ਟਰੇਡ ਸੈੱਲ ਦੇ ਕਨਵੀਨਰ ਤੇ ਉੱਘੇ ਕਾਰੋਬਾਰੀ ਵਿਜੇ ਕੁਮਾਰ ਸੋਨੀ ਨੇ ਬੀਤੀ ਦੇਰ ਸ਼ਾਮ ਅੱਡਾ ਕੋਟਲੀ ਸੂਰਤ ਮੱਲ੍ਹੀ 'ਚ ਲੱਡੂ ਵੰਡੇ ਤੇ ਆਤਿਸ਼ਬਾਜ਼ੀ ਚਲਾ ਕੇ ਵਰਕਰਾਂ ਨਾਲ ਜਿੱਤ ਦੇ ਜਸ਼ਨ ਮਨਾਏ | ਇਸ ਮੌਕੇ ਸ੍ਰੀ ਸੋਨੀ ਨੇ ਕਿਹਾ ਕਿ ਅਸਾਮ ਤੇ ਪੱਛਮੀ ਬੰਗਾਲ ਤੋਂ ਬਾਅਦ ਸਾਡਾ ਇਕੋ ਸੁਪਨਾ ਹੈ ਕਿ ਪੰਜਾਬ 'ਚ ਭਾਜਪਾ ਦੀ ਸਰਕਾਰ ਹੋਵੇ | ਉਨ੍ਹਾਂ ਕਿਹਾ ਕਿ ਅਸਾਮ ਵਿਚ ਭਾਜਪਾ ਦੀ ਲਗਾਤਾਰ ਮਜ਼ਬੂਤ ਵਾਪਸੀ ਅਤੇ ਪੱਛਮੀ ਬੰਗਾਲ ਵਿਚ ਇਤਿਹਾਸਕ ਜਿੱਤ ਇਹ ਦਰਸਾਉਂਦੀ ਹੈ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਹਰ ਦੇਸ਼ ਵਾਸੀ ਦੀ ਪਸੰਦ ਹਨ | ਉਨ੍ਹਾਂ ਕਿਹਾ ਕਿ ਅਸਾਮ ਤੇ ਬੰਗਾਲ ਤੋਂ ਬਾਅਦ ਹੁਣ ਸਾਡੇ ਪੰਜਾਬ ਦੀ ਵਾਰੀ ਹੈ | ਉਨ੍ਹਾਂ ਕਿਹਾ ਕਿ ਭਾਜਪਾ ਵਰਕਰਾਂ ਦੀ ਅਣਥੱਕ ਮਿਹਨਤ ਨਾਲ ਅਸਾਮ ਵਿਚ ਮਜ਼ਬੂਤ ਵਾਪਸੀ ਤੇ ਪੱਛਮੀ ਬੰਗਾਲ ਵਿਚ ਇਤਿਹਾਸਕ ਪ੍ਰਦਰਸ਼ਨ ਦੇਖਣ ਨੂੰ ਮਿਲਿਆ ਹੈ | ਇਸ ਮੌਕੇ ਕੰਵਲਜੀਤ ਸਿੰਘ ਗੱਗੂ, ਧਰਮਪਾਲ ਸ਼ਰਮਾ ਕੋਟਲੀ, ਮਾਸਟਰ ਨੰਦ ਕਿਸ਼ੋਰ, ਲਾਲੀ ਸਰਪੰਚ ਸੰਗਤੂਵਾਲ, ਬਲਵਿੰਦਰ ਕੁਮਾਰ ਧਿਆਨਪੁਰ, ਹਰਬੰਸ ਲਾਲ, ਗੁਰਮੇਜ ਬਸਤੀ ਬਾਜੀਗਰ, ਗੁਰਮੀਤ ਸਿੰਘ ਭੁੱਲਰ, ਮਲਕੀਤ ਸਿੰਘ ਮੰਮਣ, ਮੰਗਪਾਲ ਸੇਠੀ, ਮੰਗਾ ਸਬਜ਼ੀ ਵਾਲਾ, ਬਿੱਕਾ, ਹੈਪੀ ਅਰੋੜਾ, ਲਾਲੀ ਫਰੂਟ ਵਾਲਾ, ਸੋਨੂੰ ਰਾਏਚੱਕ, ਰਮਨ ਕੁਮਾਰ ਪੰਚ, ਨਵਪ੍ਰੀਤ ਸਿੰਘ ਧਾਲੀਵਾਲ, ਸੰਜੀਵ ਠਾਕਰ ਆਦਿ ਹਾਜਰ ਸਨ |