ਪਠਾਨਕੋਟ, 13 ਮਈ (ਵਿਨੋਦ)-ਕੈਬਨਿਟ ਮੰਤਰੀ ਪੰਜਾਬ ਗੁਰਮੀਤ ਸਿੰਘ ਖੁੱਡੀਆਂ ਦੀ ਯੋਗ ਅਗਵਾਈ ਹੇਠ ਤੇ ਪ੍ਰਮੁੱਖ ਸਕੱਤਰ ਰਾਹੁਲ ਭੰਡਾਰੀ ਅਤੇ ਡਾਇਰੈਕਟਰ ਪਸ਼ੂ ਪਾਲਨ ਵਿਭਾਗ ਪੰਜਾਬ ਡਾ: ਪਰਮਦੀਪ ਸਿੰਘ ਵਾਲੀਆ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਪਸ਼ੂ ਪਾਲਕਾਂ ਦੀ ਬਿਹਤਰੀ ਲਈ ਪਸ਼ੂ ਪਾਲਨ ਵਿਭਾਗ ਵਲੋਂ ਸਬਸਿਡੀ ਰੇਟਾਂ 'ਤੇ ਯੂਰੋਮਿਨ ਲਿਕਸ਼ ਜ਼ਿਲ੍ਹਾ ਪਠਾਨਕੋਟ ਦੀਆਂ ਸਮੂਹ ਪਸ਼ੂ ਸੰਸਥਾਵਾਂ ਵਿਖੇ ਉਪਲੱਬਧ ਹੋ ਗਈ ਹੈ | ਇਸ ਗੱਲ ਦਾ ਪ੍ਰਗਟਾਵਾ ਡਿਪਟੀ ਡਾਇਰੈਕਟਰ ਪਸ਼ੂ ਪਾਲਨ ਵਿਭਾਗ ਪਠਾਨਕੋਟ ਡਾ: ਵਿਜੇ ਕੁਮਾਰ ਵਲੋਂ ਕੀਤਾ | ਉਨ੍ਹਾਂ ਵਲੋਂ ਦੱਸਿਆ ਗਿਆ ਕਿ ਇਸ ਯੂਰੋਮਿਨ ਲਿਕਸ਼ ਨੂੰ ਪਸ਼ੂਆਂ ਨੂੰ ਦੇਣ ਦੇ ਹਜ਼ਾਰਾਂ ਫ਼ਾਇਦੇ ਹਨ | ਡਾ: ਵਿਜੇ ਕੁਮਾਰ ਵਲੋਂ ਜ਼ਿਲ੍ਹਾ ਪਠਾਨਕੋਟ ਦੇ ਸਮੂਹ ਪਸ਼ੂ ਪਾਲਕਾਂ ਨੂੰ ਅਪੀਲ ਹੈ ਕਿ ਉਹ ਆਪਣੀ ਨਜ਼ਦੀਕੀ ਪਸ਼ੂ ਸੰਸਥਾ ਦੇ ਇੰਚਾਰਜ ਨਾਲ ਤਾਲਮੇਲ ਕਰਕੇ ਇਹ ਯੂਰੋਮਿਨ ਲਿਕਸ਼ ਜ਼ਰੂਰੀ ਲੈਣਾ ਲਾਜ਼ਮੀ ਬਣਾਉਣ, ਇਸ ਯੂਰੋਮਿਨ ਲਿਕਸ਼ ਜੋ ਗਾਂ, ਮੱਝ, ਬੱਕਰੀ ਆਦਿ ਲਈ ਪੋਸ਼ਣ ਸਪਲੀਮੈਂਟ ਵਜੋਂ ਵਰਤਿਆ ਜਾਂਦਾ ਹੈ | ਪਸ਼ੂ ਇਸ ਨੂੰ ਚੱਟ ਕੇ ਖਾਂਦੇ ਹਨ | ਆਮ ਤੌਰ 'ਤੇ ਇਸ ਵਿਚ ਯੂਰੀਆ, ਗੁੜ/ਮੋਲੇਸਿਸ ਮਿਨਰਲ ਮਿਕਸਚਰ, ਨਮਕ, ਕੈਲਸ਼ੀਅਮ, ਫਾਸਫੋਰਸ, ਮੈਗਨੀਸ਼ੀਅਮ, ਟਰੇਸ ਮਿਨਰਲ, ਵਿਟਾਮਿਨ, ਬਾਈਾਡਰ ਅਤੇ ਚੋਕਰ ਆਦਿ ਉਪਯੋਗ ਦੁੱਧ ਦੀ ਉਤਪਾਦਨ ਸਮਰੱਥਾ ਵਧਾਉਣ ਵਿਚ ਮਦਦ, ਭੁੱਖ ਅਤੇ ਚਾਰਾ ਖਾਣ ਦੀ ਸਮਰੱਥਾ ਵਧਾਉਂਦਾ ਹੈ, ਰੂਮਨ ਮਾਈਕਰੋਫ਼ਲੋਰਾ ਨੂੰ ਸੁਧਾਰਦਾ ਹੈ, ਕਮਜ਼ੋਰੀ ਅਤੇ ਪੋਸ਼ਣ ਦੀ ਘਾਟ ਵਿਚ ਲਾਭਕਾਰੀ ਸੁੱਕੇ ਚਾਰੇ ਦੀ ਪਾਚਣ ਸ਼ਕਤੀ ਵਧਾਉਂਦਾ ਹੈ, ਮਿਨਰਲ ਅਤੇ ਪ੍ਰੋਟੀਨ ਦੀ ਘਾਟ ਪੂਰੀ ਕਰਦਾ ਹੈ, ਬਾਡੀ ਕੰਡੀਸ਼ਨ ਸੁਧਾਰਦਾ ਹੈ |
