ਬਹਿਰਾਮਪੁਰ, 26 ਮਈ (ਪ੍ਰੋ: ਬਲਬੀਰ ਸਿੰਘ ਕੋਲਾ)-ਗਰਾਮ ਸੁਧਾਰ ਸਭਾ ਬਹਿਰਾਮਪੁਰ ਦੀ ਜ਼ਰੂਰੀ ਮੀਟਿੰਗ ਪ੍ਰਧਾਨ ਵਿਜੇ ਸਿੰਘ ਸਲਾਰੀਆ ਦੀ ਪ੍ਰਧਾਨਗੀ ਹੇਠ ਕਸਬਾ ਬਹਿਰਾਮਪੁਰ ਵਿਖੇ ਹੋਈ | ਮੀਟਿੰਗ ਦੌਰਾਨ ਪੀਰ ਬਾਬਾ ਲੁੱਡਣ ਸ਼ਾਹ ਦੀ ਮਜ਼ਾਰ ਤੋਂ ਲੈ ਕੇ ਗਾਹਲੜੀ ਰੋਡ ਤੱਕ ਇਕ ਕਿੱਲੋਮੀਟਰ ਲੰਬੀ ਸੰਪਰਕ ਸੜਕ ਦੀ ਹਾਲਤ ਸਬੰਧੀ ਵਿਚਾਰ ਵਟਾਂਦਰਾ ਕੀਤਾ ਗਿਆ | ਇਸ ਮੌਕੇ ਜਾਣਕਾਰੀ ਦਿੰਦੇ ਹੋਏ ਸਭਾ ਦੇ ਪ੍ਰਧਾਨ ਵਿਜੇ ਸਿੰਘ ਸਲਾਰੀਆ ਨੇ ਦੱਸਿਆ ਕਿ ਇਸ ਸੜਕ ਦੀ ਮਾੜੀ ਹਾਲਤ ਤੇ ਮੁਰੰਮਤ ਦੇ ਸਬੰਧ 'ਚ ਗਰਾਮ ਸੁਧਾਰ ਸਭਾ ਦੇ ਵਫ਼ਦ ਵਲੋਂ ਕਈ ਵਾਰ ਮੰਡੀ ਬੋਰਡ ਦੇ ਉੱਚ ਅਧਿਕਾਰੀਆਂ ਨੰੂ ਮੰਗ ਪੱਤਰ ਵੀ ਦਿੱਤੇ ਗਏ ਹਨ | ਪਰ ਵਿਭਾਗ ਵਲੋਂ ਵੀ ਦਿੱਤੇ ਗਏ ਭਰੋਸੇ ਵੀ ਝੂਠੇ ਸਾਬਤ ਹੋਏ ਹਨ | ਮੀਟਿੰਗ ਦੌਰਾਨ ਸਰਬਸੰਮਤੀ ਨਾਲ 27 ਮਈ ਨੰੂ ਮੰਡੀਕਰਨ ਬੋਰਡ ਦੇ ਐਕਸੀਅਨ ਨੰੂ ਮਿਲਣ ਦਾ ਫ਼ੈਸਲਾ ਕੀਤਾ | ਇਸ ਮੌਕੇ ਕਿਰਤੀ ਕਿਸਾਨ ਯੂਨੀਅਨ ਦੇ ਸੂਬਾ ਆਗੂ ਸਤਿਬੀਰ ਸਿੰਘ ਸੁਲਤਾਨੀ, ਬਲਬੀਰ ਸਿੰਘ ਬੈਂਸ, ਸੁਖਦੇਵ ਰਾਜ, ਪਿ੍ੰਸ: ਜਗਦੀਸ਼ ਭਗਤ, ਦੇਸ ਰਾਜ, ਸੁਨੀਲ ਵਰਮਾ, ਵਿਜੇ ਵਰਮਾ, ਬਲਵੰਤ ਰਾਏ, ਮੈਂਬਰ ਪੰਚਾਇਤ ਠਾਕੁਰ ਸ਼ਕਤੀ ਸਿੰਘ, ਚਰਨ ਦਾਸ, ਬਲਵਿੰਦਰ ਸਿੰਘ, ਮੋਹਨ ਭਗਤ, ਠਾਕੁਰ ਰਾਜ ਸਿੰਘ, ਹੰਸ ਰਾਜ, ਕੁਲਵੰਤ ਸਿੰਘ, ਨਿਰਮਲ ਸਿੰਘ, ਸ਼ਿਵ ਸ਼ਰਮਾ, ਟੀ.ਕੇ ਮਹਿਤਾ ਆਦਿ ਹਾਜ਼ਰ ਸਨ |
