ਗੁਰਦਾਸਪੁਰ, 7 ਜੂਨ (ਅਸ਼ੋਕ ਸ਼ਰਮਾ)-ਗੁਰਦਾਸਪੁਰ-ਮੁਕੇਰੀਆਂ ਸੜਕ 'ਤੇ ਪੈਂਦੇ ਕਸਬਾ ਪੁਰਾਣਾ ਸ਼ਾਲਾ ਨਜ਼ਦੀਕ ਪੈਂਦੇ ਪੁਲ ਦੀ ਰੇਿਲੰਗ ਟੁੱਟਣ ਨਾਲ ਕਿਸੇ ਸਮੇਂ ਵੀ ਵੱਡਾ ਹਾਦਸਾ ਵਾਪਰ ਸਕਦਾ ਹੈ | ਇਸ ਸਬੰਧੀ ਸਰਪੰਚ ਰਾਮ ਲੁਭਾਇਆ ਜਗਤਪੁਰ ਤੇ ਡਾ: ਬਲਕਾਰ ਸਿੰਘ ਟਾਂਡਾ ਸਾਬਕਾ ਸਰਪੰਚ ਨੇ ਦੱਸਿਆ ਕਿ ਇਸ ਸੜਕ 'ਤੇ ਪੰਜਾਬ ਤੋਂ ਲੈ ਕੇ ਹੋਰਨਾਂ ਰਾਜਾਂ ਨੂੰ ਦਿਨ-ਰਾਤ ਬੱਸਾਂ ਚੱਲਦੀਆਂ ਹਨ ਤੇ ਕਈ ਵਾਰ ਹਨੇਰੇ 'ਚ ਇਕ-ਦੂਜੇ ਦੀਆਂ ਗੱਡੀਆਂ ਦੀਆਂ ਲਾਈਟਾਂ ਪੈਣ ਕਰਕੇ ਹਾਦਸਾ ਹੋਣ ਦਾ ਡਰ ਬਣਿਆ ਰਹਿੰਦਾ ਹੈ | ਉਨ੍ਹਾਂ ਦੱਸਿਆ ਕਿ ਪੁਲ 'ਤੇ ਰੇਲਿੰਗ ਲਗਾਉਣ ਲਈ ਸਬੰਧਿਤ ਵਿਭਾਗ ਨੂੰ ਵੀ ਮਿਲੇ ਹਨ ਤੇ ਪੱਤਰ ਵਿਵਹਾਰ ਵੀ ਕੀਤਾ ਹੈ | ਪਰ ਮਹਿਕਮੇ 'ਤੇ ਕੋਈ ਅਸਰ ਨਹੀਂ ਹੋਇਆ | ਉਨ੍ਹਾਂ ਡਿਪਟੀ ਕਮਿਸ਼ਨਰ ਪਾਸੋਂ ਮੰਗ ਕੀਤੀ ਕਿ ਉਕਤ ਪੁਲ 'ਤੇ ਰੇਿਲੰਗ ਲਗਾਉਣ ਲਈ ਮਹਿਕਮਾ ਲੋਕ ਨਿਰਮਾਣ ਵਿਭਾਗ ਨੂੰ ਹਦਾਇਤਾਂ ਕੀਤੀਆਂ ਜਾਣ |
