ਊਧਨਵਾਲ, 14 ਜੂਨ (ਪਰਗਟ ਸਿੰਘ)-ਪਿੰਡ ਕੰਡੀਲਾ 'ਚ ਸਮੁੱਚੇ ਨਗਰ ਅਤੇ ਐੱਨ.ਆਰ.ਆਈ. ਵੀਰਾਂ ਦੇ ਸਹਿਯੋਗ ਨਾਲ ਬਾਬਾ ਬਿਰਾਗੇ ਸ਼ਾਹ ਦੀ ਯਾਦ 'ਚ ਸੱਭਿਆਚਾਰਕ ਮੇਲਾ ਤੇ ਕਬੱਡੀ ਟੂਰਨਾਮੈਂਟ 15 ਜੂਨ ਨੂੰ ਕਰਵਾਇਆ ਜਾ ਰਿਹਾ ਹੈ | ਇਸ ਸਬੰਧੀ ਮੇਲਾ ਕਮੇਟੀ ਦੇ ਮੈਂਬਰ ਪੱਪੂ ਭਲਵਾਨ, ਲੱਕੀ ਭੁੱਲਰ, ਹਰਜੀਤ ਭੁੱਲਰ, ਬਾਬਾ ਜਗਤਾਰ ਸਿੰਘ, ਛਿੰਦਪਾਲ ਜਵੰਦਾ ਆਦਿ ਨੇ ਦੱਸਿਆ ਕਿ ਸਭ ਤੋਂ ਪਹਿਲਾਂ ਪੰਜਾਬ ਦੀ ਨਾਮਵਰ ਦੋਗਾਣਾ ਜੋੜੀ ਸੁਰਿੰਦਰ ਮਾਨ ਤੇ ਕਰਮਜੀਤ ਕੰਮੋ ਅਤੇ ਮਲਕੀਤ ਕੰਡੀਲਾ ਆਪਣੇ ਗੀਤਾਂ ਰਾਹੀਂ ਬਾਬਾ ਜੀ ਦੇ ਦਰਬਾਰ 'ਤੇ ਹਾਜ਼ਰੀ ਭਰਨਗੇ | ਉਪਰੰਤ ਸ਼ਾਮ 4 ਵਜੇ ਨਾਮਵਰ ਕਬੱਡੀ ਟੀਮਾਂ 'ਚ ਬਾਬਾ ਨਾਮਦੇਵ ਕਲੱਬ ਘੁਮਾਣ ਅਤੇ ਗੁਰਦਾਸਪੁਰ ਲਾਇੰਸ ਦੀਆਂ ਟੀਮਾਂ ਦੇ ਖਿਡਾਰੀ ਆਪਣੀ ਖੇਡ ਦੇ ਜੌਹਰ ਵਿਖਾਉਣਗੇ |
