ਪੰਜਾਬ ਸਰਕਾਰ ਵਲੋਂ ਡੀ.ਏ ਬਾਰੇ ਜਾਰੀ ਪੱਤਰ ਭੰਬਲਭੂਸੇ ਵਾਲਾ-ਉਦੀਪੁਰ

ਗੁਰਦਾਸਪੁਰ, 28 ਸਤੰਬਰ (ਅਸ਼ੋਕ ਸ਼ਰਮਾ)-ਪੰਜਾਬ ਸਰਕਾਰ ਦੇ ਵਿੱਤ ਵਿਭਾਗ ਵਲੋਂ ਪੰਜਾਬ ਦੇ ਮੁਲਾਜ਼ਮਾਂ ਤੇ ਪੈਨਸ਼ਨਰਾਂ ਨੂੰ ਮਿਲਦੇ ਮਹਿਗਾਈ ਭੱਤੇ ਵਿਚ 8 ਫ਼ੀਸਦੀ ਵਾਧਾ ਕਰਨ ਬਾਰੇ 23 ਸਤੰਬਰ ਨੂੰ ਜਾਰੀ ਕੀਤਾ ਪੱਤਰ ਭੰਬਲਭੂਸੇ ਵਾਲਾ ਹੈ। ਇਸ ਸਬੰਧੀ ਬਿਜਲੀ ਕਾਮਿਆਂ ਤੇ ਪੈਨਸ਼ਨਰਾਂ ਦੇ ਟਰੇਡ ਯੂਨੀਅਨਾਂ ਦੇ ਆਗੂ ਕਾਮਰੇਡ ਬਲਵਿੰਦਰ ਸਿੰਘ ਉਦੀਪੁਰ ਨੇ ਦੱਸਿਆ ਕਿ ਜਨਵਰੀ 2023 ਦੀ ਕਿਸ਼ਤ 4 ਫ਼ੀਸਦੀ ਤੇ ਜੁਲਾਈ 2023 ਦੀ ਕਿਸ਼ਤ 4 ਫ਼ੀਸਦੀ ਦੀਆਂ ਦੋ ਕਿਸ਼ਤਾਂ 8 ਫ਼ੀਸਦੀ ਬਣਦੀਆਂ ਹਨ ਜਿਨਾਂ ਦਾ ਪੱਤਰ ਵਿਚ ਕੋਈ ਜ਼ਿਕਰ ਨਹੀਂ ਹੈ।