ਪੰਜਾਬ ਭਰ ਤੋਂ ਲੱਖ ਤੋਂ ਵੱਧ ਸ਼ਰਧਾਲੂਆਂ ਨੇ ਕੀਤੀ ਸ਼ਮੂਲੀਅਤ
ਧਾਰੀਵਾਲ, 2 ਅਕਤੂਬਰ (ਸਵਰਨ ਸਿੰਘ)-ਧਾਰੀਵਾਲ ਬਿਧੀਪੁਰ ਵਿਖੇ ਸਾਬਕਾ ਚੇਅਰਮੈਨ ਪੰਜਾਬ ਬਾਊ ਮੁਨੱਵਰ ਮਸੀਹ ਦੇ ਯਤਨਾਂ ਤੇ ਯੋਗ ਅਗਵਾਈ ਅਤੇ ਯੂਥ ਆਗੂ ਪ੍ਰਿੰਸ ਮਸੀਹ ਦੀ ਦੇਖ-ਰੇਖ ਹੇਠ 4 ਰੋਜ਼ਾ ਸਾਂਝਾ ਮਸੀਹ ਸੰਮੇਲਨ ਪੂਰੀ ਸ਼ਾਨੋ-ਸ਼ੌਕਤ ਨਾਲ ਕਰਵਾਇਆ ਗਿਆ। ਧਾਰਮਿਕ ਸਮਾਗਮ ’ਚ ਪੂਰੇ ਭਾਰਤ ਤੋਂ ਪਾਸਟਰ, ਫਾਦਰ ਤੇ ਵੱਖ-ਵੱਖ ਮਸੀਹੀ ਮਿਸ਼ਨਾਂ ਨਾਲ ਜੁੜੀਆਂ ਸ਼ਖ਼ਸੀਅਤਾਂ ਨੇ ਸ਼ਮੂਲੀਅਤ ਕੀਤੀ।
ਧਾਰੀਵਾਲ, 2 ਅਕਤੂਬਰ (ਸਵਰਨ ਸਿੰਘ)-ਧਾਰੀਵਾਲ ਬਿਧੀਪੁਰ ਵਿਖੇ ਸਾਬਕਾ ਚੇਅਰਮੈਨ ਪੰਜਾਬ ਬਾਊ ਮੁਨੱਵਰ ਮਸੀਹ ਦੇ ਯਤਨਾਂ ਤੇ ਯੋਗ ਅਗਵਾਈ ਅਤੇ ਯੂਥ ਆਗੂ ਪ੍ਰਿੰਸ ਮਸੀਹ ਦੀ ਦੇਖ-ਰੇਖ ਹੇਠ 4 ਰੋਜ਼ਾ ਸਾਂਝਾ ਮਸੀਹ ਸੰਮੇਲਨ ਪੂਰੀ ਸ਼ਾਨੋ-ਸ਼ੌਕਤ ਨਾਲ ਕਰਵਾਇਆ ਗਿਆ। ਧਾਰਮਿਕ ਸਮਾਗਮ ’ਚ ਪੂਰੇ ਭਾਰਤ ਤੋਂ ਪਾਸਟਰ, ਫਾਦਰ ਤੇ ਵੱਖ-ਵੱਖ ਮਸੀਹੀ ਮਿਸ਼ਨਾਂ ਨਾਲ ਜੁੜੀਆਂ ਸ਼ਖ਼ਸੀਅਤਾਂ ਨੇ ਸ਼ਮੂਲੀਅਤ ਕੀਤੀ। 4 ਦਿਨ ਚੱਲੇ ਇਸ ਸੰਮੇਲਨ ਦੌਰਾਨ ਸੰਗਤਾਂ ਵਲੋਂ ਪ੍ਰਭੂ ਬੰਦਗੀ ਕੀਤੀ ਗਈ ਤੇ ਪ੍ਰਭੂ ਯਿਸੂ ਮਸੀਹ ਦਾ ਗੁਣਗਾਨ ਕੀਤਾ ਗਿਆ। ਆਯੋਜਕਾਂ ਅਨੁਸਾਰ ਸੰਗਤਾਂ ਨੇ ਧਾਰਮਿਕ ਉਪਦੇਸ਼ਾ ਤੇ ਪ੍ਰਾਰਥਨਾ ਰਾਹੀਂ ਆਪਣੇ ਜੀਵਨ ’ਚ ਆਤਮਿਕ ਸ਼ਾਤੀ ਤੇ ਮੁਕਤੀ ਦੀ ਪ੍ਰਾਪਤੀ ਲਈ ਪ੍ਰਾਰਥਨਾ ਕੀਤੀ। ਸੰਮੇਲਨ ਦੇ ਮੁੱਖ ਪ੍ਰਬੰਧਕ ਬਾਊ ਮੁਨੱਵਰ ਮਸੀਹ ਤੇ ਪਿ੍ੰਸ ਮਸੀਹ ਨੇ ਮਸੀਹ ਆਗੂਆਂ ਨਾਲ ਸੰਮੇਲਨ ਸਬੰਧੀ ਵਿਸਥਾਰ ਪੂਰਵਕ ਜਾਣਕਾਰੀ ਸਾਂਝੀ ਕੀਤੀ ਤੇ ਇਸ ਧਾਰਮਿਕ ਸਮਾਗਮ ਨੂੰ ਸਫ਼ਲ ਬਣਾਉਣ ਲਈ ਸਹਿਯੋਗ ਦੇਣ ਵਾਲੇ ਸਾਰੇ ਸਹਿਯੋਗੀਆਂ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਮਸੀਹ ਆਗੂ ਪਿ੍ੰਸ ਮਸੀਹ, ਪ੍ਰੀਆ ਸਹੋਤਾ, ਪ੍ਰੋਮਲਾ ਯੂ.ਐਸ.ਏ., ਡਾ. ਅਲੀਸਾ ਸਹੋਤਾ, ਡਾ. ਰਾਹੁਲ ਸਮੇਤ ਵੱਖ-ਵੱਖ ਮਿਸ਼ਨਾਂ ਦੇ ਪਾਦਰੀ, ਸੰਸਥਾਵਾਂ ਦੇ ਮੁਖੀ, ਕਿ੍ਸ਼ਚਨ ਭਾਈਚਾਰੇ ਦੇ ਆਗੂ, ਮਾਸਟਰ ਤੇ ਫਾਦਰ ਹਾਸ਼ਰ ਸਨ। ਆਯੋਜਕਾਂ ਵਲੋਂ ਸਾਂਝੇ ਸੰਮੇਲਨ ਨੂੰ ਕਾਮਯਾਬ ਬਣਾਉਣ ਵਿਚ ਯੋਗਦਾਨ ਪਾਉਣ ਵਾਲੇ ਸਾਰੇ ਧਾਰਮਿਕ ਆਗੂਆਂ ਤੇ ਸਹਿਯੋਗੀਆਂ ਦਾ ਵਿਸ਼ੇਸ਼ ਤੌਰ ’ਤੇ ਧੰਨਵਾਦ ਕੀਤਾ ਗਿਆ। ਸੰਮੇਲਨ ਦੌਰਾਨ ਵੱਡੀ ਗਿਣਤੀ ’ਚ ਸੰਗਤਾਂ ਦੀ ਸ਼ਮੂਲੀਅਤ ਨੇ ਸਮਾਗਮ ਨੂੰ ਵਿਸ਼ੇਸ਼ ਬਣਾਇਆ।
