ਵਿਅਕਤੀ ਨੂੰ ਅਫੀਮ ਸਮੇਤ ਕੀਤਾ ਗ੍ਰਿਫ਼ਤਾਰ
ਪਠਾਨਕੋਟ, 9 ਅਕਤੂਬਰ (ਵਿਨੋਦ)-ਸਦਰ ਥਾਣਾ ਪੁਲਿਸ ਪਠਾਨਕੋਟ ਨੇ 70. 80 ਗ੍ਰਾਮ ਅਫੀਮ ਜ਼ਬਤ ਕਰਕੇ ਇਕ ਵਿਅਕਤੀ ਵਿਰੁੱਧ ਮਾਮਲਾ ਦਰਜ ਕੀਤਾ ਹੈ ।
ਪਠਾਨਕੋਟ, 9 ਅਕਤੂਬਰ (ਵਿਨੋਦ)-ਸਦਰ ਥਾਣਾ ਪੁਲਿਸ ਪਠਾਨਕੋਟ ਨੇ 70.80 ਗ੍ਰਾਮ ਅਫੀਮ ਜ਼ਬਤ ਕਰਕੇ ਇਕ ਵਿਅਕਤੀ ਵਿਰੁੱਧ ਮਾਮਲਾ ਦਰਜ ਕੀਤਾ ਹੈ । ਦੋਸ਼ੀ ਦੀ ਪਹਿਚਾਣ ਰਵੀ ਕੁਮਾਰ ਪੁੱਤਰ ਅਸ਼ੋਕ ਕੁਮਾਰ ਵਾਸੀ ਥਾਣਾ ਕਾਦੀਆਂ ਜ਼ਿਲ੍ਹਾ ਬਟਾਲਾ ਵਜੋਂ ਹੋਈ ਹੈ । ਏ.ਐਸ.ਆਈ. ਬਲਵਿੰਦਰ ਕੁਮਾਰ ਆਪਣੀ ਟੀਮ ਨਾਲ ਨਹਿਰ ਦੇ ਨੇੜੇ ਗਸ਼ਤ ‘ਤੇ ਸੀ । ਉਹ ਵਾਹਨਾਂ ਦੀ ਜਾਂਚ ਕਰ ਰਹੇ ਸਨ ਤਾਂ ਗੁਰਦਾਸਪੁਰ ਤੋਂ ਮੋਟਰਸਾਈਕਲ ’ਤੇ ਸਵਾਰ ਇਕ ਵਿਅਕਤੀ ਨੂੰ ਆਉਂਦੇ ਦੇਖਿਆ ਗਿਆ । ਪੁਲਿਸ ਟੀਮ ਨੂੰ ਵਾਹਨਾਂ ਦੀ ਜਾਂਚ ਕਰਦੇ ਦੇਖ ਕੇ ਮੋਟਰਸਾਈਕਲ ਸਵਾਰ ਪਿੱਛੇ ਮੁੜ ਗਿਆ । ਫਿਰ ਉਸ ਨੇ ਆਪਣੀ ਜੇਬ ’ਚੋਂ ਇਕ ਲਿਫਾਫਾ ਕੱਢਿਆ ਤੇ ਸੜਕ ਕਿਨਾਰੇ ਸੁੱਟ ਦਿੱਤਾ । ਸਾਥੀ ਅਧਿਕਾਰੀਆਂ ਦੀ ਮਦਦ ਨਾਲ ਪੁਲਿਸ ਟੀਮ ਨੇ ਉਸ ਨੂੰ ਫੜ ਲਿਆ ਤੇ ਪੁੱਛਗਿੱਛ ਕੀਤੀ । ਜਾਂਚ ਦੌਰਾਨ ਸੁੱਟੇ ਹੋਏ ਲਿਫਾਫੇ ਵਿਚੋਂ 70.80 ਗ੍ਰਾਮ ਅਫੀਮ ਬਰਾਮਦ ਹੋਈ । ਪੁਲਿਸ ਨੇ ਦੋਸ਼ੀ ਵਿਰੁੱਧ ਮਾਮਲਾ ਦਰਜ ਕਰਕੇ ਅਗਲੇਰੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ।
