ਅਭਿਸ਼ੇਕ ਕਾਲਜ 'ਚ ਰਵਨੀਤ ਸਿੰਘ ਦੇ 'ਕੈਂਟੀਨੀ ਮੰਡੀਰ' ਸ਼ੋਅ ਨੇ ਮਚਾਈ ਧੂਮ, ਵਿਦਿਆਰਥੀਆਂ ਨੇ ਦਿਖਾਏ ਜੌਹਰ
ਅਭਿਸ਼ੇਕ ਕਾਲਜ ਵਿਚ 'ਕੈਂਟੀਨੀ ਮੰਡੀਰ' ਸ਼ੋਅ ਦੌਰਾਨ ਪ੍ਰਸਿੱਧ ਹੋਸਟ ਰਵਨੀਤ ਸਿੰਘ ਨੂੰ ਸਨਮਾਨਿਤ ਕਰਦੇ ਹੋਏ ਡਾਇਰੈਕਟਰ ਸ਼ਕੁੰਤਲਾ ਮਿੱਢਾ ਅਤੇ ਕਾਲਜ ਸਟਾਫ਼ | (ਸੱਜੇ) ਸ਼ੋਅ ਦੌਰਾਨ ਹੋਸਟ ਰਵਨੀਤ ਸਿੰਘ ਨਾਲ ਉਤਸ਼ਾਹ ਵਿਚ ਵਿਦਿਆਰਥੀ ਅਤੇ ਕਾਲਜ ਸਟਾਫ਼ | ਅਜੀਤ ਤਸਵੀਰਾਂ
<br/>
06-02-2026
ਪ੍ਰੋਗਰਾਮ ਦਾ ਆਗਾਜ਼ ਕਾਲਜ ਦੀ ਐਗਜ਼ੀਕਿਊਟਿਵ ਡਾਇਰੈਕਟਰ ਸ਼੍ਰੀਮਤੀ ਸ਼ਕੁੰਤਲਾ ਮਿੱਢਾ ਦੇ ਸਵਾਗਤੀ ਭਾਸ਼ਣ ਨਾਲ ਹੋਇਆ | ਸ਼ੋਅ ਦੌਰਾਨ ਵਿਦਿਆਰਥੀਆਂ ਨੇ ਡਾਂਸ, ਗਿੱਧਾ, ਸ਼ਾਇਰੀ ਅਤੇ ਕਵਿਤਾਵਾਂ ਰਾਹੀਂ ਆਪਣੀ ਪ੍ਰਤਿਭਾ ਦਾ ਲੋਹਾ ਮਨਵਾਇਆ | ਕਾਲਜ ਸਟਾਫ਼ ਨੇ ਵੀ ਮੰਚ 'ਤੇ ਆਪਣੀਆਂ ਪੇਸ਼ਕਾਰੀਆਂ ਦੇ ਕੇ ਪ੍ਰੋਗਰਾਮ ਨੂੰ ਹੋਰ ਵੀ ਯਾਦਗਾਰ ਬਣਾ ਦਿੱਤਾ | ਇਸ ਸ਼ੋਅ ਨੂੰ ਦੇਖਣ ਲਈ ਨਾ ਸਿਰਫ਼ ਕਾਲਜ ਦੇ ਵਿਦਿਆਰਥੀ, ਸਗੋਂ ਦੂਰ-ਦਰਾਜ਼ ਤੋਂ ਵੀ ਲੋਕ ਪਹੁੰਚੇ ਹੋਏ ਸਨ, ਜਿਸ ਕਾਰਨ ਪੂਰੇ ਕੈਂਪਸ ਵਿਚ ਮੇਲੇ ਵਰਗਾ ਮਾਹੌਲ ਬਣਿਆ ਰਿਹਾ | ਪ੍ਰੋਗਰਾਮ ਨੂੰ ਸਫਲ ਬਣਾਉਣ ਵਿਚ ਡਾ.ਰਾਜਵੀਰ ਕੌਰ, ਪਿ੍ਅੰਕਾ ਜੁਨੇਜਾ, ਤਨੂ ਕੁੱਕੜ, ਰਜਨੀ ਬਾਲਾ, ਸੰਦੀਪ ਸਿੰਘ ਅਤੇ ਹੋਰ ਸਮੂਹ ਸਟਾਫ਼ ਮੈਂਬਰਾਂ ਦਾ ਵਿਸ਼ੇਸ਼ ਯੋਗਦਾਨ ਰਿਹਾ | ਪ੍ਰੋਗਰਾਮ ਦੇ ਅਖੀਰ ਵਿਚ ਕਾਲਜ ਪ੍ਰਬੰਧਕਾਂ ਵਲੋਂ ਰਵਨੀਤ ਸਿੰਘ ਅਤੇ ਐਮ.ਐੱਚ.1 ਚੈਨਲ ਦੀ ਪੂਰੀ ਟੀਮ ਨੂੰ ਯਾਦਗਾਰੀ ਚਿੰਨ੍ਹ (ਟਰਾਫ਼ੀ) ਦੇ ਕੇ ਸਨਮਾਨਿਤ ਕੀਤਾ ਗਿਆ |