ਮੰਡੀ ਘੁਬਾਇਆ, 18 ਅਪ੍ਰੈਲ (ਅਮਨ ਬਵੇਜਾ)-ਮੰਡੀ ਘੁਬਾਇਆ ਨੇੜਲੇ ਇਕ ਸਰਹੱਦੀ ਢਾਣੀ ਦੇ ਖੇਤਾਂ 'ਚੋਂ ਹੈਰੋਇਨ ਮਿਲਣ ਦੀ ਖ਼ਬਰ ਹੈ | ਜਾਣਕਾਰੀ ਦਿੰਦਿਆਂ ਮੰਡੀ ਘੁਬਾਇਆ ਦੇ ਚੌਂਕੀ ਇੰਚਾਰਜ ਨੇ ਦੱਸਿਆ ਕਿ ਇਹ ਹੈਰੋਇਨ ਪਿੰਡ ਗਹਿਲੇਵਾਲਾ ਨੇੜੇ ਪੈਂਦੀ ਢਾਣੀ ਮਾਘ ਸਿੰਘ ਦੇ ਖੇਤਾਂ 'ਚ ਪੁਲਿਸ ਅਤੇ ਬੀ.ਐੱਸ.ਐਫ਼ ਦੇ ਸਾਂਝੇ ਸਰਚ ਅਪ੍ਰੇਸ਼ਨ ਦੌਰਾਨ ਬਰਾਮਦ ਹੋਈ ਹੈ ਜੋ ਪਾਕਿਸਤਾਨ ਵਾਲੇ ਪਾਸੇ ਤੋਂ ਡਰੋਨ ਰਾਹੀਂ ਪਹੁੰਚੀ ਹੈ | ਇਹ 520 ਗਰਾਮ ਹੈਰੋਇਨ ਦਾ ਇਕ ਪੈਕਟ ਸੀ, ਜੋ ਕਿ ਖੇਤਾਂ 'ਚੋਂ ਮਿਲਿਆ ਹੈ | ਉਨ੍ਹਾਂ ਦੱਸਿਆ ਕਿ ਇਸ ਸਬੰਧੀ ਜਾਂਚ ਕੀਤੀ ਜਾ ਰਹੀ ਹੈ |
