ਜਲਾਲਾਬਾਦ ਦੇ ਡਿਪਸ ਸਕੂਲ (ਆਈ ਜੇ ਸਕੂਲ) ਦੀ ਪ੍ਰਾਪਰਟੀ ਮਾਮਲੇ ਵਿਚ ਫ਼ਾਜ਼ਿਲਕਾ ਵਾਸੀ ਔਰਤ ਵਲੋਂ ਹਲਕਾ ਵਿਧਾਇਕ 'ਤੇ ਲਗਾਏ ਦੋਸ਼ਾਂ ਦਾ ਮਾਮਲਾ ਭਖਿਆ

ਅ

ਅਜੀਤ ਡੈਸਕ 23-04-2026

ਜਲਾਲਾਬਾਦ,22ਅਪ੍ਰੈਲ(ਜਤਿੰਦਰ ਪਾਲ ਸਿੰਘ)-ਜਲਾਲਾਬਾਦ ਦੇ ਫ਼ਾਜ਼ਿਲਕਾ ਸੜਕ 'ਤੇ ਹਲਕਾ ਵਿਧਾਇਕ ਜਗਦੀਪ ਕੰਬੋਜ ਦੀ ਕੋਠੀ ਦੇ ਕੋਲ ਸਥਿਤ ਡਿਪਸ ਸਕੂਲ ਪੁਰਾਣਾ ਆਈ ਜੇ ਸਕੂਲ ਦੀ ਪ੍ਰਾਪਰਟੀ 'ਤੇ ਫ਼ਾਜ਼ਿਲਕਾ ਵਾਸੀ ਇਕ ਔਰਤ ਵਲ਼ੋਂ ਬੀਤੀ ਰਾਤ ਸੋਸ਼ਲ ਮੀਡੀਆ 'ਤੇ ਵੀਡੀਓ ਰਾਹੀਂ ਹਲਕਾ ਵਿਧਾਇਕ ਤੇ ਪ੍ਰਾਪਰਟੀ ਨੂੰ ਜ਼ਬਰਦਸਤੀ ਖ਼ਰੀਦਣ ਲਈ ਦਬਾਅ ਪਾਉਣ ਦੇ ਦੋਸ਼ ਲਗਾਏ ਗਏ ਹਨ | ਜਿਸ ਤੋਂ ਬਾਅਦ ਭਾਰਤੀ ਜਨਤਾ ਪਾਰਟੀ ਦੇ ਜ਼ਿਲ੍ਹਾ ਪ੍ਰਧਾਨ ਸੁਖਵਿੰਦਰ ਸਿੰਘ ਕਾਕਾ ਕੰਬੋਜ ਵਲੋਂ ਦਿੱਤੇ ਬਿਆਨਾਂ ਵਿਚ ਮਾਮਲੇ ਨੂੰ ਹੋਰ ਚੁੱਕਿਆ ਗਿਆ | ਫ਼ਾਜ਼ਿਲਕਾ ਨਿਵਾਸੀ ਔਰਤ ਵਲੋਂ ਲਗਾਏ ਦੋਸ਼ਾਂ ਅਤੇ ਭਾਜਪਾ ਦੇ ਜ਼ਿਲ੍ਹਾ ਪ੍ਰਧਾਨ ਵਲ਼ੋਂ ਦਿੱਤੇ ਬਿਆਨਾਂ 'ਤੇ ਇਸ਼ਾਨ ਮੱਕੜ ਪੁੱਤਰ ਇੰਦਰਜੀਤ ਮੱਕੜ ( ਜਿਨ੍ਹਾਂ ਨੇ ਆਈ ਜੇ ਸਕੂਲ ਦੀ ਸਥਾਪਨਾ ਕੀਤੀ) ਵਲ਼ੋਂ ਪੈੱ੍ਰਸ ਕਾਨਫ਼ਰੰਸ ਕਰਕੇ ਆਪਣਾ ਪੱਖ ਰੱਖਿਆ ਗਿਆ¢ਇਸ਼ਾਨ ਮੱਕੜ ਨੇ ਦੱਸਿਆ ਕਿ ਉਨ੍ਹਾਂ ਦੇ ਪਿਤਾ ਨੇ ਸਕੂਲ ਬਣਾਇਆ ਸੀ ਅਤੇ ਸ਼ਹਿਰਵਾਸੀਆਂ ਨੂੰ ਉੱਚ ਗੁਣਵੱਤਾ ਦੀ ਸਿੱਖਿਆ ਮੁਹੱਈਆ ਕਰਵਾਈ ਸੀ¢ ਮੇਰੇ ਪਿਤਾ ਦੀ ਮੌਤ ਤੋਂ ਬਾਅਦ, ਮੇਰੀ ਉਮਰ ਛੋਟੀ ਹੋਣ ਕਰਕੇ ਮੈਂ ਸਕੂਲ ਚਲਾਉਣ ਵਿਚ ਅਸਮਰਥ ਸੀ, ਜਿਸ ਕਰਕੇ ਮੇਰੇ ਪਿਤਾ ਦੇ ਦੋਸਤ ਭੁਪਿੰਦਰ ਸਿੰਘ ਮੱਕੜ ਨੇ ਡਿਪਸ ਸਕੂਲ ਵਾਲੇ ਤਲਵਿੰਦਰ ਸਿੰਘ ਨੂੰ ਸਕੂਲ ਠੇਕੇ 'ਤੇ ਦਿਲਵਾ ਦਿੱਤਾ¢ ਪਰ ਇਨ੍ਹਾਂ ਨੇ ਮਿਲ ਕੇ ਜਾਅਲਸਾਜ਼ੀ ਕਰਦੇ ਹੋਏ ਅਤੇ ਮੈਨੂੰ ਧੋਖਾ ਦਿੰਦੇ ਹੋਏ ਸਕੂਲ ਦੀ ਸੁਸਾਇਟੀ ਦੇ ਮੈਂਬਰਾਂ ਦੇ ਜਾਅਲੀ ਦਸਖ਼ਤ ਕਰਕੇ ਅਤੇ ਹੋਰ ਜਾਅਲੀ ਦਸਤਾਵੇਜ਼ ਬਣਾ ਕੇ ਪ੍ਰਾਪਰਟੀ ਆਪਣੇ ਨਾਂ 'ਤੇ ਕਰ ਲਈ¢ ਜਿਸ ਬਾਬਤ ਮੈਂ ਬਹੁਤ ਸੰਘਰਸ਼ ਕੀਤਾ ਅਤੇ ਮੇਰੇ 'ਤੇ ਅਕਾਲੀ ਦਲ ਦੀ ਸਰਕਾਰ ਵੇਲੇ ਪਰਚਾ ਵੀ ਕਰਵਾਇਆ ਗਿਆ¢ ਮੇਰੇ ਵਲ਼ੋਂ ਇਨ੍ਹਾਂ ਖ਼ਿਲਾਫ਼ ਦਰਖਾਸਤ ਦਿੱਤੀ ਗਈ ਅਤੇ ਬੜੀ ਮਿਹਨਤ ਤੋਂ ਬਾਅਦ ਅਤੇ ਪੁਲਿਸ ਵਿਭਾਗ ਵਲ਼ੋਂ ਗਹਿਰੀ ਜਾਂਚ ਦੇ ਬਾਅਦ ਇਨ੍ਹਾਂ ਤੇ ਮੁਕੱਦਮਾ ਦਰਜ ਹੋਇਆ¢ ਇਨ੍ਹਾਂ ਨਾਲ ਲਗਭਗ 1 ਮਹਿਨਾ ਪਹਿਲਾ ਹੋਈ ਮੀਟਿੰਗ ਵਿਚ ਸਾਡਾ ਰਾਜ਼ੀਨਾਮਾ ਹੋਇਆ ਅਤੇ ਪ੍ਰਾਪਰਟੀ ਮੈਨੂੰ ਵਾਪਸ ਕਰ ਦਿੱਤੀ ਗਈ¢ ਇਨ੍ਹਾਂ ਤੇ ਪਰਚਾ ਹੋਣ ਤੋਂ ਪਹਿਲਾ ਮੈਂ ਦਰਖਾਸਤ ਦੇ ਕੇ ਇਸ ਪ੍ਰਾਪਰਟੀ ਤੇ ਸਟੇਅ ਲੈ ਲਿਆ ਸੀ ਤਾਂ ਜੋ ਇਸ ਨੇ ਵੇਚਿਆ ਜਾਂ ਖ਼ਰੀਦਿਆ ਨਾ ਜਾ ਸਕੇ¢ ਪ੍ਰਾਪਰਟੀ ਦੇ ਇੰਤਕਾਲ ਵਿਚ ਵੀ ਇਹ ਦਰਜ ਕਰਵਾਇਆ ਗਿਆ ਅਤੇ ਪ੍ਰਾਪਰਟੀ ਦੇ ਬਾਹਰ ਵੀ ਨੋਟਿਸ ਚਸਪਾ ਕੀਤਾ ਗਿਆ¢ ਹੁਣ ਫ਼ਾਜ਼ਿਲਕਾ ਵਾਸੀ ਔਰਤ ਵਲ਼ੋਂ ਇਸ ਪ੍ਰਾਪਰਟੀ ਸੰਬੰਧੀ ਗ਼ਲਤ ਬਿਆਨਬਾਜ਼ੀ ਕਰਕੇ ਹਲਕਾ ਵਿਧਾਇਕ ਤੇ ਗ਼ਲਤ ਦੋਸ਼ ਲਗਾਏ ਜਾ ਰਹੇ ਹਨ¢ ਔਰਤ ਦਾ ਕਹਿਣਾ ਹੈ ਕਿ ਉਸ ਨੇ ਇਸ ਪ੍ਰਾਪਰਟੀ ਦਾ ਸੌਦਾ ਤਲਵਿੰਦਰ ਸਿੰਘ ਨਾਲ ਕੀਤਾ ਹੈ ਅਤੇ ਇਸ ਵਿਚ ਜਲਾਲਾਬਾਦ ਦਾ ਇਕ ਪ੍ਰਾਪਰਟੀ ਡੀਲਰ ਵੀ ਸ਼ਾਮਲ ਹੈ ¢ ਜਦ ਕਿ ਉਹ ਪ੍ਰਾਪਰਟੀ ਦੇ ਮਾਲਕ ਹੀ ਨਹੀਂ ਹਨ ਅਤੇ ਪ੍ਰਾਪਰਟੀ ਤੇ ਸਟੇਅ ਲੱਗਿਆ ਹੋਇਆ ਹੈ¢ ਜਿਸ ਕਰਕੇ ਉਕਤ ਔਰਤ ਦੇ ਬਿਆਨ ਸਾਰੇ ਝੂਠੇ ਹਨ¢ ਪ੍ਰਾਪਰਟੀ ਡੀਲਰ ਨੇ ਸਗੋਂ ਸਕੂਲ ਤੇ ਧੱਕੇ ਨਾਲ ਕਬਜ਼ੇ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ ਅਤੇ ਮੇਰੇ ਵਲ਼ੋਂ ਉਸ ਵਿਰੁੱਧ ਵੀ ਦਰਖਾਸਤ ਦਿੱਤੀ ਹੋਈ ਹੈ¢ ਈਸ਼ਾਨ ਮੱਕੜ ਨੇ ਸਪਸ਼ਟ ਕੀਤਾ ਕਿ ਵਿਧਾਇਕ ਉੱਤੇ ਲਗਾਏ ਗਏ ਦੋਸ਼ ਸਿਰਫ਼ ਸਿਆਸੀ ਬਦਨਾਮੀ ਕਰਨ ਦੀ ਨੀਅਤ ਨਾਲ ਲਗਾਏ ਗਏ ਹਨ¢ ਉਨ੍ਹਾਂ ਕਿਹਾ ਕਿ ਪੁਲਿਸ ਨੇ ਸਾਰੇ ਤੱਥਾਂ ਅਤੇ ਦਸਤਾਵੇਜ਼ਾਂ ਦੀ ਜਾਂਚ ਤੋਂ ਬਾਅਦ ਹੀ ਐੱਫ਼.ਆਈ.ਆਰ. ਦਰਜ ਕੀਤੀ ਹੈ¢ ਜਾਅਲੀ ਵਸੀਅਤ ਅਤੇ ਫ਼ਰਜ਼ੀ ਦਸਤਖ਼ਤ ਦਾ ਸੱਚ ਸਾਹਮਣੇ ਆ ਚੁੱਕਾ ਹੈ, ਜਿਸ ਕਾਰਨ ਹੁਣ ਵਿਰੋਧੀ ਧਿਰ ਅਜਿਹੇ ਕੋਝੇ ਹੱਥਕੰਡੇ ਅਪਣਾ ਰਹੀ ਹੈ¢
ਕੀ ਕਹਿਣਾ ਹੈ ਹਲਕਾ ਵਿਧਾਇਕ ਜਗਦੀਪ ਗੋਲਡੀ ਕੰਬੋਜ ਦਾ
ਉੱਧਰ ਜਦੋਂ ਹਲਕਾ ਵਿਧਾਇਕ ਜਗਦੀਪ ਗੋਲਡੀ ਕੰਬੋਜ ਨਾਲ ਗੱਲਬਾਤ ਕੀਤੀ ਗਈ ਤਾਂ ਉਨ੍ਹਾਂ ਨੇ ਸਾਰੇ ਦੋਸ਼ਾਂ ਨੂੰ ਨਕਾਰਿਆ ਤੇ ਕਿਹਾ ਕਿ ਤੁਸੀਂ ਇਸ਼ਾਨ ਮੱਕੜ ਵਲ਼ੋਂ ਦਿੱਤੇ ਬਿਆਨਾਂ ਅਤੇ ਉਸ ਵਲ਼ੋਂ ਦਿੱਤੇ ਜਾ ਰਹੇ ਦਸਤਾਵੇਜ਼ ਚੈੱਕ ਕਰਵਾਓ, ਸੱਚ ਤੁਹਾਡੇ ਸਾਹਮਣੇ ਹੋਵੇਗਾ¢ ਉਨ੍ਹਾਂ ਕਿਹਾ ਕਿ ਮੇਰੀ ਬਦਨਾਮੀ ਕਰਕੇ ਸਿਆਸੀ ਰੋਟੀਆਂ ਸੇਕੀਆਂ ਜਾ ਰਹੀਆਂ ਹਨ, ਉਹ ਇਸ ਖ਼ਿਲਾਫ਼ ਕਾਨੂੰਨੀ ਕਾਰਵਾਈ ਵੀ ਕਰਵਾਉਣਗੇ¢

ਸੰਬੰਧਿਤ ਖ਼ਬਰਾਂ