ਫ਼ਾਜ਼ਿਲਕਾ, 27 ਜੂਨ (ਦਵਿੰਦਰ ਪਾਲ ਸਿੰਘ)-ਪੰਜਾਬ ਦੀ ਭਗਵੰਤ ਸਿੰਘ ਮਾਨ ਸਰਕਾਰ ਵਲੋਂ ਗ਼ਰੀਬ ਅਤੇ ਲੋੜਵੰਦ ਲੋਕਾਂ ਦੀ ਭਲਾਈ ਲਈ ਚਲਾਈਆਂ ਜਾ ਰਹੀਆਂ ਲੋਕ-ਪੱਖੀ ਸਕੀਮਾਂ ਤਹਿਤ ਖ਼ੁਸ਼ੀ ਫਾਊਂਡੇਸ਼ਨ ਦੀ ਚੇਅਰਪਰਸਨ ਮੈਡਮ ਖ਼ੁਸ਼ਬੂ ਸਾਵਣ ਸੁੱਖਾਂ ਵਲੋਂ ਹਲਕੇ ਦੇ ਵੱਖ-ਵੱਖ ਪਿੰਡਾਂ ’ਚ ਲੋੜਵੰਦ ਪਰਿਵਾਰਾਂ ਨੂੰ ਰਾਸ਼ਨ ਕਿੱਟਾਂ ਦੀ ਵੰਡ ਕੀਤੀ ਗਈ। ਇਸ ਮੁਹਿੰਮ ਤਹਿਤ ਉਨ੍ਹਾਂ ਵਲੋਂ ਪਿੰਡ ਸਾਬੂਆਣਾ, ਸ਼ਤੀਰ ਵਾਲਾ, ਮੁਰਾਦ ਵਾਲਾ, ਜੋੜਕੀ ਕੰਕਰ ਅਤੇ ਚੁਵਾੜਿਆਂ ਵਾਲੀ ਵਿਖੇ ਜਾ ਕੇ ਖ਼ੁਦ ਲੋੜਵੰਦ ਪਰਿਵਾਰਾਂ ਨੂੰ ਰਾਸ਼ਨ ਕਿੱਟਾਂ ਭੇਟ ਕੀਤੀਆਂ ਗਈਆਂ। ਇਸ ਮੌਕੇ ਗੱਲਬਾਤ ਕਰਦਿਆਂ ਮੈਡਮ ਖ਼ੁਸ਼ਬੂ ਸਾਵਣ ਸੁੱਖਾਂ ਨੇ ਕਿਹਾ ਕਿ ਪੰਜਾਬ ਸਰਕਾਰ ਹਰ ਵਰਗ ਦੀ ਭਲਾਈ ਲਈ ਪੂਰੀ ਤਰ੍ਹਾਂ ਵਚਨਬੱਧ ਹੈ ਅਤੇ ਹਲਕੇ ਵਿਚ ਕਿਸੇ ਵੀ ਲੋੜਵੰਦ ਪਰਿਵਾਰ ਨੂੰ ਰਾਸ਼ਨ ਤੋਂ ਵਾਂਝਾ ਨਹੀਂ ਰਹਿਣ ਦਿੱਤਾ ਜਾਵੇਗਾ। ਇਸ ਮੌਕੇ ਪਿੰਡ ਸਾਬੂਆਣਾ ਦੇ ਸਰਪੰਚ ਸੰਜੇ ਦਾਮੂ, ਅਸ਼ਵਨੀ ਕੁਮਾਰ, ਬੰਟੀ, ਮੁਰਾਦ ਵਾਲਾ ਦੇ ਸਰਪੰਚ ਮਦਨ ਲਾਲ, ਭੀਮ ਸੈਨ, ਵਾਰਡ ਇੰਚਾਰਜ ਦੀਪਕ ਸ਼ਰਮਾ, ਵਿਜੈ ਨਾਗਪਾਲ, ਸਰਪੰਚ ਮਹਿੰਦਰ ਕੁਮਾਰ, ਮੈਂਬਰ ਪਰਮਜੀਤ ਕੌਰ, ਤੁਲਸੀ ਰਾਮ,ਸਰਪੰਚ ਜਗਦੀਸ਼ ਕੁਮਾਰ, ਮੈਂਬਰ ਰਾਮਦੇਵ, ਮੈਂਬਰ ਇਕਬਰ ਕੌਰ, ਖ਼ੁਸ਼ਹਾਲ ਚੰਦ, ਸ਼ੇਖਰ, ਬਲਾਕ ਪ੍ਰਧਾਨ ਯੋਗੇਸ਼ ਸ਼ਰਮਾ, ਬਲਾਕ ਪ੍ਰਧਾਨ ਸੋਨੀਆ ਅਤੇ ਹਰੀਸ਼ ਠਾਕੁਰ ਸਮੇਤ ਵੱਡੀ ਗਿਣਤੀ ਵਿਚ ਇਲਾਕਾ ਨਿਵਾਸੀ ਹਾਜ਼ਰ ਸਨ।
