ਰਾਜਾਸਾਂਸੀ, 30 ਜਨਵਰੀ (ਹਰਦੀਪ ਸਿੰਘ ਖੀਵਾ)-ਅੰਮਿ੍ਤਸਰ ਦੇ ਸ੍ਰੀ ਗੁਰੂ ਰਾਮਦਾਸ ਜੀ ਕੌਮਾਂਤਰੀ ਹਵਾਈ ਅੱਡਾ ਰਾਜਾਸਾਂਸੀ ਵਿਖੇ ਰੈਪੀਡੋ ਵਲੋਂ ਮਹੱਤਵਪੂਰਨ ਪਹਿਲ ਕਦਮ ਵਧਾਉਂਦਿਆਂ ਤੇ ਯਾਤਰੀਆਂ ਦੀ ਸਹੂਲਤ ਨੂੰ ਮੁੱਖ ਰੱਖਦਿਆਂ ਰੈਪੀਡੋ ਵਲੋਂ ਟੈਕਸੀ ਸੇਵਾਵਾਂ ਦੀ ਰਸਮੀ ਸ਼ੁਰੂਆਤ ਕੀਤੀ ਗਈ | ਜਿਸ ਦਾ ਉਦਘਾਟਨ ਸ੍ਰੀ ਅਜੈ ਕੁਮਾਰ ਕਪੂਰ ਖੇਤਰੀ ਕਾਰਜਕਾਰੀ ਨਿਰਦੇਸ਼ਕ (ਉੱਤਰੀ ਖੇਤਰ ) ਵਲੋਂ ਕੀਤਾ ਗਿਆ | ਸ਼੍ਰੀ ਅਜੈ ਕੁਮਾਰ ਕਪੂਰ ਨੇ ਉਦਘਾਟਨ ਕਰਨ ਉਪਰੰਤ ਗੱਲਬਾਤ ਕਰਦਿਆਂ ਕਿਹਾ ਕਿ ਇਹ ਸੁਵਿਧਾ ਯਾਤਰੀਆਂ ਨੂੰ ਨਿਰਵਿਘਨ, ਅਤੇ ਕੁਸ਼ਲ ਗਤੀਸ਼ੀਲਤਾ ਸੇਵਾਵਾਂ ਪ੍ਰਦਾਨ ਕਰਨ ਵਿਚ ਇੱਕ ਮਹੱਤਵਪੂਰਨ ਮੀਲ ਪੱਥਰ ਹੈ, ਜਿਸ ਨਾਲ ਹਵਾਈ ਅੱਡੇ ਅਤੇ ਸ਼ਹਿਰ ਵਿਚਕਾਰ ਸੁਚਾਰੂ ਤਬਦੀਲੀ ਯਕੀਨੀ ਬਣਾਈ ਜਾ ਸਕਦੀ ਹੈ | ਇਸ ਨਾਲ ਯਾਤਰੀ ਹੁਣ ਤੇਜ਼ ਅਤੇ ਸੁਵਿਧਾਜਨਕ ਯਾਤਰਾ ਲਈ ਭਰੋਸੇਯੋਗ ਟੈਕਸੀ ਸੇਵਾਵਾਂ ਤੱਕ ਪਹੁੰਚ ਕਰ ਸਕਦੇ ਹਨ | ਉਨ੍ਹਾਂ ਕਿਹਾ ਕਿ ਇਸ ਸਮਾਰਟ ਸੇਵਾਵਾਂ ਦੀ ਪਹਿਲਕਦਮੀਆਂ ਰਾਹੀਂ ਯਾਤਰੀ ਅਨੁਭਵ ਨੂੰ ਬਿਹਤਰ ਬਣਾਉਣ ਲਈ ਹਵਾਈ ਅੱਡੇ ਦੀ ਨਿਰੰਤਰ ਵਚਨਬੱਧਤਾ ਤੇ ਸੇਵਾਵਾਂ ਜਾਰੀ ਰਹਿਣਗੀਆਂ ਤੇ ਰੈਪੀਡੋ ਸੇਵਾਵਾਂ ਦੀ ਸ਼ੁਰੂਆਤ ਹਵਾਈ ਅੱਡੇ ਦੇ ਆਵਾਜਾਈ, ਵਧੀ ਹੋਈ ਪਹੁੰਚਯੋਗਤਾ ਅਤੇ ਆਧੁਨਿਕ ਸ਼ਹਿਰੀ ਗਤੀਸ਼ੀਲਤਾ ਹੱਲਾਂ ਨੂੰ ਉਤਸ਼ਾਹਿਤ ਕਰਨ ਦੇ ਦਿ੍ਸ਼ਟੀਕੋਣ ਨਾਲ ਮੇਲ ਖਾਂਦੀ ਹੈ, ਜੋ ਯਾਤਰੀਆਂ ਦੀਆਂ ਵਿਕਸਤ ਹੋ ਰਹੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਦੇ ਹਨ | ਇਹ ਪਹਿਲਕਦਮੀ ਅੰਮਿ੍ਤਸਰ ਹਵਾਈ ਅੱਡੇ ਰਾਹੀਂ ਯਾਤਰਾ ਕਰਨ ਵਾਲੇ ਯਾਤਰੀਆਂ ਲਈ ਸਮਾਰਟ, ਸੁਚਾਰੂ ਅਤੇ ਵਧੇਰੇ ਜੁੜੇ ਸਫ਼ਰ ਬਣਾਉਣ ਵੱਲ ਇਕ ਹੋਰ ਕਦਮ ਦਰਸਾਉਂਦੀ ਹੈ | ਇਸ ਮੌਕੇ ਰੈਪੀਡੋ ਦੇ ਹੋਰ ਮੈਂਬਰ ਹਾਜ਼ਰ ਸਨ | ਇਸ ਦੌਰਾਨ ਹਵਾਈ ਅੱਡੇ 'ਤੇ ਰੈਪੀਡੋ ਦੇ ਸਟੈਂਡ 'ਤੇ ਕੰਮ ਕਰਨ ਵਾਲੇ ਇੰਚਾਰਜ ਨੇ ਕਿਹਾ ਕਿ ਇਸ ਦੀਆਂ ਸੇਵਾਵਾਂ ਦੂਜੀਆਂ ਆਨ ਲਾਈਨ ਬੁੱਕ ਹੋਣਗੀਆਂ ਅਤੇ ਦੂਸਰੇ ਟੈਕਸੀ ਸਟੈਂਡ ਨਾਲੋਂ ਯਾਤਰੀਆਂ ਲਈ ਸਸਤੀਆਂ ਭਰੋਸੇਯੋਗ ਰਹਿਣਗੀਆਂ |
