ਅੰਮਿ੍ਤਸਰ, 3 ਫਰਵਰੀ (ਰੇਸ਼ਮ ਸਿੰਘ)-ਕਨੇਡਾ ਭੇਜਣ ਦਾ ਝਾਂਸਾ ਦੇ ਕੇ ਇਕ ਨੌਜਵਾਨ ਪਾਸੋਂ 46 ਹਜ਼ਾਰ 8 ਸੋ ਰੁਪਏ ਦੀ ਠੱਗੀ ਮਾਰਨ ਦੇ ਮਾਮਲੇ 'ਚ ਏਜੰਟ ਕੁੜੀ ਖਿਲਾਫ ਥਾਣਾ ਗੇਟ ਹਕੀਮਾਂ ਦੀ ਪੁਲਿਸ ਵਲੋਂ ਪਰਚਾ ਦਰਜ ਕਰ ਲਿਆ ਗਿਆ ਹੈ | ਇਹ ਸ਼ਿਕਾਇਤ ਸ਼ਹੀਦ ਊਧਮ ਸਿੰਘ ਕਲੌਨੀ ਝਬਾਲ ਰੋਡ ਦੇ ਰਹਿਣ ਵਾਲੇ ਸੂਰਜ ਸ਼ਰਮਾ ਵਲੋਂ ਦਰਜ ਕਰਵਾਈ ਹੈ ਜਿਸ ਨੇ ਦਸਿਆ ਕਿ ਲੜਕੀ ਅਵਨੀਤ ਕੌਰ ਗਰੇਵਾਲ ਨੇ ਕਿਹਾ ਕਿ ਉਹ ਲੜਕੇ ਤੇ ਲੜਕੀਆਂ ਨੂੰ ਵਿਦੇਸ਼ ਭੇਜਣ ਦਾ ਕੰਮ ਕਰਦੀ ਹੈ ਅਤੇ ਉਸਨੂੰ ਵੀ ਕਨੇਡਾ ਭੇਜ ਸਕਦੀ ਹੈ ਜਿਸ ਉਪਰੰਤ ਨਵਨੀਤ ਕੌਰ ਨੇ ਉਸ ਪਾਸੋਂ ਆਪਣੇ ਗੂਗਲ ਪੇਅ ਖਾਤੇ 'ਤੇ 46 ਹਜ਼ਾਰ 800 ਰੁਪਏ ਲਏ ਤੇ ਬਾਅਦ 'ਚ ਉਸਨੂੰ ਕਨੇਡਾ ਨਹੀਂ ਭੇਜਿਆ ਤੇ ਲਾਰੇ ਲਾਏ ਗਏ | ਬਾਰ ਬਾਰ ਲਾਰੇ ਲਾਉਣ ਤੋਂ ਬਾਅਦ ਪਤਾ ਲੱੱਗਾ ਕਿ ਉਸ ਨਾਲ ਲੜਕੀ ਨੇ ਠੱਗੀ ਮਾਰੀ ਹੈ | ਪੁਲਿਸ ਵਲੋਂ ਲੜਕੀ ਖਿਲਾਫ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ |
