ਅੰਮਿ੍ਤਸਰ, 22 ਫਰਵਰੀ (ਹਰਮਿੰਦਰ ਸਿੰਘ)-ਗਰਮੀਆਂ ਤੋਂ ਪਹਿਲਾਂ ਹੀ ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ ਸ਼ਰਧਾਲੂਆਂ ਦੀ ਸਹੂਲਤ ਲਈ ਹਵਾ ਨੂੰ ਠੰਢਿਆਂ ਕਰਨ ਲਈ ਹਵਾ ਦੇ ਪਾਣੀ ਦੀ ਬੁਛਾੜ ਕਰਨ ਸ਼ਰਧਾਲੂਆਂ ਦੇ ਸਹਿਯੋਗ ਨੇ ਸ੍ਰੀ ਦਰਬਾਰ ਸਾਹਿਬ ਦੇ ਪ੍ਰਬੰਧਾਂ ਤਹਿਤ ਪੱਖੇ ਲਗਾਏ ਗਏ ਹਨ | ਇਸ ਸੰਬੰਧੀ ਜਾਣਕਾਰੀ ਦਿੰਦੇ ਹੋਏ ਸ੍ਰੀ ਹਰਿਮੰਦਰ ਸਾਹਿਬ ਦੇ ਮੈਨੇਜਰ ਭਗਵੰਤ ਸਿੰਘ ਧੰਗੇੜਾ ਨੇ ਦੱਸਿਆ ਕਿ ਮੁੰਬਈ ਦੇ ਸ਼ਰਧਾਲੂਆਂ ਵਲੋਂ 5 ਅਧੁਨਿਕ ਕਿਸਮ ਦੇ ਇਹ ਪੱਖੇ ਸੇਵਾ 'ਚ ਪਾਏ ਹਨ ਹੋ ਹਵਾ ਦੇ ਨਾਲ ਪਾਣੀ ਦੀ ਭੂਰ ਛੱਡਣਗੇ | ਜਿਸ ਦੇ ਨਾਲ ਹਵਾ ਠੰਢੀ ਹੋਵੇਗੀ ਅਤੇ ਸ਼ਰਧਾਲੂਆਂ ਨੂੰ ਗਰਮੀ ਦੌਰਾਨ ਠੰਢੀ ਹਵਾ ਮਿਲੇਗੀ | ਉਨ੍ਹਾਂ ਦੱਸਿਆ ਕਿ ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ ਸ਼ਰਧਾਲੂਆਂ ਦੀ ਸਹੂਲਤ ਲਈ ਜਿਥੇ ਲੋੜ ਹੋਵੇਗੀ, ਉਸ ਜਗ੍ਹਾ 'ਤੇ ਇਹ ਪੱਖੇ ਲਗਾਏ ਜਾਣਗੇ | ਇਨ੍ਹਾਂ 'ਚੋਂ ਕੁਝ ਪੱਖੇ ਸ੍ਰੀ ਹਰਿਮੰਦਰ ਸਾਹਿਬ ਹਰਿ ਕੀ ਪੌੜੀ ਦੇ ਨੇੜੇ ਲਗਾਏ ਗਏ ਹਨ | ਜਿਕਰਯੋਗ ਹੈ ਕਿ ਇਹ ਚਿੱਟੇ ਅਤੇ ਕਾਲੇ ਰੰਗ ਦੋ ਰੰਗਾਂ ਦੇ ਪੱਖੇ ਹਵਾ 'ਚ ਪਾਣੀ ਦੀ ਫੁਹਾਰ ਛੱਡਦੇ ਹਨ ਅਤੇ ਹਵਾ ਨੂੰ ਠੰਢਿਆਂ ਕਰਦੇ ਹਨ |
