'ਅੰਮਿ੍ਤਸਰ ਸਾਹਿਤ ਉਤਸਵ' ਦੇ ਦੂਜੇ ਦਿਨ ਧਰਮ, ਵਿਗਿਆਨ ਅਤੇ ਏ.ਆਈ. ਦੇ ਵਿਸ਼ਿਆਂ 'ਤੇ ਵਿਦਵਾਨਾਂ ਵਲੋਂ ਵਿਚਾਰ ਚਰਚਾ
ਅਜੀਤ ਡੈਸਕ
08-03-2026
ਦੂਜਾ ਸਮਾਗਮ ਪਾਪੂਲਰ ਸੱਭਿਆਚਾਰ, ਏ.ਆਈ. ਅਤੇ ਅਕਾਦਮਿਕਤਾ ਦੁਆਰਾ ਵਿੱਦਿਆ ਦੇ ਪ੍ਰਸਾਰ ਵਿਚ ਪਾਏ ਜਾ ਰਹੇ ਯੋਗਦਾਨ ਨਾਲ ਸੰਬੰਧਿਤ ਸੀ, ਜਿਸ ਵਿਚ ਆਮਿਟੀ ਯੂਨੀਵਰਸਿਟੀ, ਨੋਇਡਾ ਤੋਂ ਡਾ. ਚੇਤਨਾ ਤਿ੍ਵੇਦੀ, ਇਕਨੋਮਿਕ ਐਂਡ ਪੋਲੀਟੀਕਲ ਵੀਕਲੀ ਦੇ ਉਪ ਸੰਪਾਦਕ ਦਿਵਆਨੀ ਜੋਤੀ ਅਤੇ ਹਿੰਦੂ ਕਾਲਜ, ਦਿੱਲੀ ਯੂਨੀਵਰਸਿਟੀ, ਦਿੱਲੀ ਤੋਂ ਡਾ. ਰਾਮ ਕੁਮਾਰ ਠਾਕੁਰ ਨੇ ਭਾਗ ਲਿਆ | ਇਸ ਸਮਾਗਮ ਦੀ ਪ੍ਰਧਾਨਗੀ ਕਰਦੇ ਹੋਏ ਡਾ. ਲੱਲਨ ਬਘੇਲ ਨੇ ਡਿਜ਼ੀਟਲ ਨੈਤਿਕਤਾ ਦਾ ਮਸਲਾ ਉਭਾਰਿਆ ਅਤੇ ਪਾਪੂਲਰ ਸੱਭਿਆਚਾਰ ਦੁਆਰਾ ਇਤਿਹਾਸ ਵਿਚ ਪੈਦਾ ਕੀਤੇ ਜਾ ਰਹੇ ਕੀਤੇ ਗਏ ਮਹੱਤਵਪੂਰਨ ਪੜਾਵਾਂ ਦੀ ਚਰਚਾ ਕੀਤੀ | ਤੀਜਾ ਸੈਸ਼ਨ ਵਿਗਿਆਨ ਦਰਸ਼ਨ ਦੇ ਨਾਲ ਸੰਬੰਧਿਤ ਸੀ ਜਿਸ ਵਿਚ ਪਿ੍ੰ. ਗਗਨਦੀਪ ਸਿੰਘ, ਪਿ੍ੰ. ਦਮਨਜੀਤ ਸਿੰਘ ਅਤੇ ਕੋਮਲਪ੍ਰੀਤ ਸਿੰਘ ਨੇ ਸਮਕਾਲੀ ਵਿਗਿਆਨ ਦੇ ਖੇਤਰ ਵਿਚ ਹੋ ਰਹੀਆਂ ਨਵੀਆਂ ਤਬਦੀਲੀਆਂ ਦੀ ਚਰਚਾ ਕੀਤੀ |
ਪ੍ਰਧਾਨਗੀ ਸ਼ਬਦ ਸਾਂਝੇ ਕਰਦਿਆਂ ਚੰਡੀਗੜ੍ਹ ਯੂਨੀਵਰਸਿਟੀ ਤੋਂ ਡਾ. ਗੁਰਵਿੰਦਰ ਸਿੰਘ ਨੇ ਕਿਹਾ ਕਿ ਵਿਗਿਆਨ ਨੂੰ ਜ਼ਿਆਦਾਤਰ ਟੈਕਨੋਲੋਜੀ ਅਤੇ ਪਦਾਰਥਕ ਤਰੱਕੀ ਨਾਲ ਹੀ ਜੋੜ ਕੇ ਦੇਖਿਆ ਜਾਂਦਾ ਹੈ, ਜਦ ਕਿ ਵਿਗਿਆਨ ਇਸ ਤੋਂ ਬਿਨਾਂ ਵੀ ਬਹੁਤ ਕੁਝ ਹੈ | ਅੱਜ ਡਾ. ਸੁਖਵਿੰਦਰ ਸਿੰਘ ਦੁਆਰਾ ਸੰਪਾਦਿਤ ਪੁਸਤਕ ਅਤੇ ਸ਼ਬਦਾਰਥ ਖੋਜ ਪੱਤਿ੍ਕਾ ਦਾ ਨਵਾਂ ਅੰਕ ਦੀ ਰਿਲੀਜ਼ ਕੀਤਾ ਗਿਆ | ਮੰਚ ਸੰਚਾਲਨ ਦੀ ਜ਼ਿੰਮੇਵਾਰੀ ਡਾ. ਬਿਕਰਮਜੀਤ ਸਿੰਘ, ਡਾ. ਵਰੁਣ ਵਿਗਮਿਲ ਅਤੇ ਜਸਵਿੰਦਰ ਸਿੰਘ ਨੇ ਨਿਭਾਈ | ਪ੍ਰਬੰਧਕਾਂ ਨੇ ਦੱਸਿਆ ਕਿ ਕੱਲ੍ਹ ਉਤਸਵ ਦੇ ਆਖ਼ਰੀ ਦਿਨ ਕਵੀ ਦਰਬਾਰ ਤੋਂ ਇਲਾਵਾ ਸੰਗੀਤਕ ਪੇਸ਼ਕਾਰੀ ਅਤੇ ਬਸੰਤ ਰਾਗ ਗਾਇਨ ਹੋਣਗੇ |
