ਅੰਮ੍ਰਿਤਸਰ

ਕਾਂਗਰਸੀਆਂ ਦਾ ਰੋਸ ਧਰਨਾ ਆਮ ਰਾਹਗੀਰਾਂ ਲਈ ਬਣਿਆ ਜਾਨ ਦਾ ਖੌਅ : ਸ਼ਹਿਰ 'ਚ ਸਾਰਾ ਦਿਨ ਰਿਹਾ ਆਵਾਜਾਈ ਜਾਮ <br/>

ਸਾਰਾ ਦਿਨ ਸ਼ਹਿਰ 'ਚ ਆਵਾਜਾਈ ਜਾਮ ਵਰਗੀ ਸਥਿਤੀ ਬਣੀ ਰਹਿਣ ਕਾਰਨ ਲੱਗਾ ਟ੍ਰੈਫਿਕ ਜਾਮ ਅਤੇ ਜਾਮ 'ਚ ਫਸੀ ਐਂਬੂਲੈਂਸ ਗੱਡੀ ਤੇ ਹੋਰ ਵਾਹਨ | ਤਸਵੀਰ: ਨਿਰਮਲ ਸਟੂਡੀਓ <br/> 28-04-2026

ਅੰਮਿ੍ਤਸਰ, 27 ਅਪ੍ਰੈਲ (ਰੇਸ਼ਮ ਸਿੰਘ)-ਅੱਜ ਸ਼ਹਿਰ ਦੀ ਟ੍ਰੈਫਿਕ ਦੀ ਰੀੜ ਦੀ ਹੱਡੀ ਭੰਡਾਰੀ ਪੁਲ 'ਤੇ ਕਾਂਗਰਸੀਆਂ ਵਲੋਂ ਪੁਲਿਸ ਦੀ ਧੱਕੇਸ਼ਾਹੀ ਖਿਲਾਫ ਲਾਇਆ ਰੋਸ ਧਰਨਾ ਆਮ ਰਾਹਗੀਰਾਂ ਦੀ ਜਾਨ ਦਾ ਖੌਅ ਬਣਿਆ ਰਿਹਾ | ਇਸ ਰੋਸ ਧਰਨੇ 'ਚ ਹਾਜ਼ਰ ਕਾਂਗਰਸੀਆਂ ਨੇ ਸ਼ਿਰਕਤ ਕੀਤੀ ਤੇ ਸਰਕਾਰ ਖਿਲਾਫ ਜੰਮ ਕੇ ਰੋਸ ਧਰਨਾ ਦਿੱਤਾ | ਦੂਜੇ ਪਾਸੇ ਇਹ ਰੋਸ ਧਰਨਾ ਭੰਡਾਰੀ ਪੁੱਲ 'ਤੇ ਹੋਣ ਕਾਰਨ ਸਮੁਚੇ ਜ਼ਿਲ੍ਹੇ ਦੀ ਆਵਾਜਾਈ ਪ੍ਰਭਾਵਿਤ ਹੋਈ | ਸਵੇਰੇ ਸਾਢੇ 10 ਤੋਂ ਸ਼ਾਮ 4 ਵਜੇ ਦੇ ਕਰੀਬ ਧਰਨਾ ਲੱਗਾ ਰਹਿਣ ਕਾਰਨ ਸ਼ਹਿਰ 'ਚ ਆਵਾਜਾਈ ਜਾਮ ਰਿਹਾ ਤੇ ਪੁਲਿਸ ਵਲੋਂ ਬਦਲਵੇਂ ਪ੍ਰਬੰਧ ਕਰਨ ਤੋਂ ਲਗਭਗ ਫੇਲ੍ਹ ਸਾਬਤ ਹੋਈ ਜਿਸ ਕਾਰਨ ਇਸ ਜਾਮ 'ਚ ਐਂਬੂਲੈਂਸ ਗੱਡੀਆਂ, ਸਕੂਲੀ ਬੱਚਿਆਂ ਦੀਆਂ ਵੈਨਾਂ ਤੇ ਸ਼ਰਧਾਲੂਆਂ ਦੇ ਵਾਹਨ ਵੀ ਫਸੇ ਤੇ ਲੋਕ ਸਰਕਾਰ ਨੂੰ ਕੋਸਦੇ ਰਹੇ | ਇਹ ਆਵਾਜਾਈ ਜਾਮ ਦਾ ਮੁੱਢ ਭੰਡਾਰੀ ਪੁਲ ਤੋਂ ਐਲੀਵੇਟਿਡ ਰੋਡ, ਕੁਈਨਜ਼ ਰੋਡ, ਤੋਂ ਕਚਿਹਰੀ ਚੌਂਕ ਤੇ ਰੇਲਵੇ ਸਟੇਸ਼ਨ ਤੋਂ ਭੰਡਾਰੀ ਪੁਲ ਰਾਮ ਬਾਗ ਤੇ ਬੱਸ ਸਟੈਂਡ ਤੋਂ ਨਿਊ ਅੰਮਿ੍ਤਸਰ ਆਦਿ ਇਲਾਕਿਆਂ ਤੱਕ ਰਿਹਾ | ਜਦੋਂ ਇਹ ਧਰਨਾ ਦੁਪਹਿਰ ਵੇਲੇ ਖਤਮ ਹੋਣ ਦੇ ਕੰਢੇ 'ਤੇ ਆਇਆ ਤਾਂ ਉਸ ਵੇਲੇ 2 ਕਿਲੋਮੀਟਰ ਤੱਕ ਲੰਮਾਂ ਜਾਮ ਲਗ ਗਿਆ | ਲੋਕ ਅੱਤ ਦੀ ਗਰਮੀ 'ਚ ਜਾਮ 'ਚ ਫਸੇ ਰਹੇ | ਹਾਲਾਂਕਿ ਕਾਂਗਰਸੀਆਂ ਵਲੋਂ ਲਾਏ ਧਰਨੇ ਦੇ ਸੂਤਰਧਾਰ ਦਿਲਰਾਜ ਸਿੰਘ ਸਰਕਾਰੀਆ ਨੇ ਕਿਹਾ ਕਿ ਲੋਕਾਂ ਨੂੰ ਹੋਈ ਖੱਜਲ ਖੁਆਰੀ ਦਾ ਉਨ੍ਹਾਂ ਨੂੰ ੂ ਅਫਸੋਸ ਹੈ ਪਰ ਸਰਕਾਰ ਦੀਆਂ ਅੱਖਾਂ ਖੋਲਣ ਲਈ ਇਹ ਧਰਨਾ ਲਾਉਣਾ ਜ਼ਰੂਰੀ ਹੋ ਗਿਆ ਸੀ ਤੇ ਪੁਲਿਸ ਆਮ ਆਦਮੀ ਪਾਰਟੀ ਦੇ ਹੱਥਾਂ 'ਚ ਖੇਡ ਰਹੀ ਹੈ | ਉਨ੍ਹਾਂ ਕਿਹਾ ਕਿ ਇਹ ਛੋਟਾ ਜਿਹਾ ਧਰਨਾ ਸੀ ਜੇਕਰ ਸਰਕਾਰ ਨੇ ਉਨ੍ਹਾਂ ਦਾ ਮੰਗਾਂ ਨਾ ਮੰਨੀਆਂ ਤਾਂ ਸੰਘਰਸ਼ ਹੋਰ ਤੇਜ਼ ਕੀਤਾ ਜਾਵੇਗਾ |

ਪਿਛਲੀ ਖ਼ਬਰ ਤੇਜ਼ ਰਫ਼ਤਾਰ ਟਰੱਕ ਨੇ ਮਾਂ ਨਾਲ ਜਾ ਰਹੀ ਮਾਸੂਮ ਬੱਚੀ ਨੂੰ ਕੁਚਲਿਆ : ਮੌਕੇ 'ਤੇ ਮੌਤ ਅਗਲੀ ਖ਼ਬਰ ਬਿਜਲੀ ਦਾ ਸਰਕਟ ਸ਼ਾਰਟ ਹੋਣ ਕਰਕੇ ਨਾਗ ਨਵੇਂ ਦੇ ਗ਼ਰੀਬ ਕਿਸਾਨਾਂ ਦੀ ਕਰੀਬ 9 ਏਕੜ ਪੱਕੀ ਕਣਕ ਦੀ ਫਸਲ ਸੜ ਕੇ ਹੋਈ ਸੁਆਹ...

ਕਾਂਗਰਸੀਆਂ ਦਾ ਰੋਸ ਧਰਨਾ ਆਮ ਰਾਹਗੀਰਾਂ ਲਈ ਬਣਿਆ ਜਾਨ ਦਾ ਖੌਅ : ਸ਼ਹਿਰ 'ਚ ਸਾਰਾ ਦਿਨ ਰਿਹਾ ਆਵਾਜਾਈ ਜਾਮ <br/>

ਸੰਬੰਧਿਤ ਖ਼ਬਰਾਂ