ਭਾਜਪਾ ਦੇ ਯੂਥ ਆਗੂ ਸਾੲੀਂ ਅੰਸ਼ ਨੂੰ ਮਿਲੀ ਵਿਦੇਸ਼ੀ ਨੰਬਰ ਤੋਂ ਧਮਕੀ <br/>

ਅੰਮਿ੍ਤਸਰ, 28 ਅਪ੍ਰੈਲ (ਰੇਸ਼ਮ ਸਿੰਘ)-ਭਾਜਪਾ ਦੇ ਯੁਵਾ ਆਗੂ ਸਾੲੀਂ ਅੰਸ਼ ਨੇ ਦਾਅਵਾ ਕੀਤਾ ਕਿ ਉਸ ਨੂੰ ਵਿਦੇਸ਼ੀ ਨੰਬਰ ਤੋਂ ਜਾਨੋਂ ਮਾਰਨ ਦੀ ਧਮਕੀ ਮਿਲੀ ਹੈ | ਇਸ ਲਈ ਉਸ ਨੇ ਡੀ.ਜੀ.ਪੀ. ਤੋਂ ਸੁਰਖਿਆ ਦੀ ਗੁਹਾਰ ਲਗਾਈ ਹੈ | ਭਾਜਪਾ ਦੇ ਯੂਥ ਆਗੂ ਸ੍ਰੀ ਅੰਸ਼ ਨੇ ਕਿਹਾ ਕਿ ਅੱਜ ਸਵੇਰੇ ਇਕ ਵਿਦੇਸ਼ੀ ਨੰਬਰ ਤੋਂ ਕਾਲ ਕਰਕੇ ਉਸ ਨੂੰ ਕਿਹਾ ਕਿ ਉਹ ਸ਼ੇਰਾ ਗੈਂਗਸਟਰ ਹੈ ਅਤੇ ਇਕ ਜਥੇਬੰਦੀ ਦਾ ਆਗੂ ਹੈ | ਉਨ੍ਹਾਂ ਕਿਹਾ ਕਿ ਹਾਲ 'ਚ ਹੀ ਗੁਰਦਾਸਪੁਰ ਵਿਚ ਭਾਜਪਾ ਆਗੂ 'ਤੇ ਗ੍ਰੇਨੇਡ ਹਮਲਾ ਹੋਇਆ ਹੈ ਅਤੇ ਹੁਣ ਅਗਲਾ ਨਿਸ਼ਾਨਾ ਉਸ ਨੂੰ ਬਣਾਉਣ ਦੀ ਧਮਕੀ ਦਿੱਤੀ ਗਈ ਹੈ | ਇਸ ਮਾਮਲੇ ਨੂੰ ਗੰਭੀਰਤਾ ਨਾਲ ਲੈਂਦਿਆਂ ਉਸ ਨੇ ਭਾਜਪਾ ਦੀ ਹਾਈਕਮਾਨ ਨੂੰ ਵੀ ਅਪੀਲ ਕੀਤੀ ਹੈ |