ਮੇਅਰ ਚੋਣ ਦੌਰਾਨ ਅਦਾਲਤੀ ਹੁਕਮਾਂ ਦੀ ਉਲਘੰਣਾ ਸੰਬੰਧੀ ਮਾਮਲੇ ਦੀ ਪਈ ਤਰੀਖ਼

ਅੰਮ੍ਰਿਤਸਰ, 21 ਜੁਲਾਈ (ਹਰਮਿੰਦਰ ਸਿੰਘ)-ਮੇਅਰ ਦੀ ਚੋਣ ਨੂੰ ਲੈ ਕੇ ਕਾਂਗਰਸੀ ਕੌਂਸਲਰ ਵਲੋਂ ਅਦਾਲਤੀ ਹੁਕਮਾਂ ਦੇ ਖ਼ਿਲਾਫ਼ ਚੋਣ ਕਰਵਾਉਣ ਸੰਬੰਧੀ ਪਾਈ ਗਈ ਪਟੀਸ਼ਨ ਦੀ ਕਾਂਗਰਸੀ ਕੌਂਸਲਰ ਵਲੋਂ ਇਕ ਵਾਰ ਮੁੜ ਤਰੀਖ਼ ਲੈ ਲਈ ਗਈ ਹੈ। ਨਗਰ ਨਿਗਮ ਅੰਮ੍ਰਿਤਸਰ ਦੇ ਮੇਅਰ ਦੀ ਚੋਣ ਜੋ 27 ਜਨਵਰੀ 2025 ਨੂੰ ਹੋਈ ਸੀ। ਇਸ ਚੋਣ ਨੂੰ ਕਾਂਗਰਸੀ ਕੌਂਸਲਰ ਦਲ ਦੇ ਆਗੂ ਵਿਕਾਸ ਸੋਨੀ ਵਲੋਂ ਚੁਣੌਤੀ ਦਿੱਤੀ ਗਈ ਸੀ। ਇਸ ਤੋਂ ਇਲਾਵਾ ਕਾਂਗਰਸੀ ਕੌਂਸਲਰ ਸ਼ਵੇਤਾ ਛਾਬੜਾ ਵਲੋਂ ਮੇਅਰ ਚੋਣ ਦੌਰਾਨ ਕੰਡੈਪਟ ਆਫ਼ ਕੋਰਟ (ਅਦਾਲਤੀ ਹੁਕਮਾਂ ਦੀ ਉਲੰਘਣਾ ਮਾਮਲਾ) ਸੰਬੰਧੀ ਹਾਈਕੋਰਟ ਵਿਚ ਪਟੀਸ਼ਨ ਦਾਇਰ ਕੀਤੀ ਸੀ। ਵਿਕਾਸ ਸੋਨੀ ਵਲੋਂ ਮੇਅਰ ਦੀ ਚੋਣ ਨੂੰ ਚੁਣੌਤੀ ਦਿੰਦੇ ਹੋਏ ਹਾਈਕੋਰਟ ਵਿਚ ਦਾਇਰ ਕੀਤੀ ਗਈ ਪਟੀਸ਼ਨ ਦੇ ਮਾਮਲੇ ‘ਚ ਵਿਕਾਸ ਸੋਨੀ ਵਲੋਂ ਕਈ ਤਰੀਖਾਂ ’ਤੇ ਵਕੀਲ ਦੇ ਪੇਸ਼ ਨਾ ਹੋਣ ਕਰਕੇ ਇਸੇ ਸਾਲ ਮਈ ਮਹੀਨੇ ਵਿਚ ਉਸ ਪਟੀਸ਼ਨ ਨੂੰ ਖਾਰਿਜ ਕਰ ਦਿੱਤਾ ਗਿਆ ਸੀ। ਸ਼ਵੇਤਾ ਛਾਬੜਾ ਦੀ ਪਟੀਸ਼ਨ ’ਚ ਵਕੀਲ ਦੇ ਪੇਸ਼ ਨਾ ਹੋਣ ਕਰਕੇ ਕੌਂਸਲਰ ਵਲੋਂ ਤਰੀਖ਼ ਲੈ ਲਈ ਗਈ ਹੈ। ਹੁਣ ਇਸ ਮਾਮਲੇ ’ਤੇ ਅਗਲੀ ਸੁਣਵਾਈ 10 ਸਤੰਬਰ ਨੂੰ ਹੋਵੇਗੀ।