ਪਾਕਿਸਤਾਨ ਨੇ ਚੀਨ ਤੋਂ ਕੀਤੀ 1.3 ਅਰਬ ਡਾਲਰ ਦੀ ਮੁੜ ਮੰਗ
ਅੰਮ੍ਰਿਤਸਰ, 4 ਅਗਸਤ (ਸੁਰਿੰਦਰ ਕੋਛੜ)-ਅਮਰੀਕਾ ਤੋਂ 10 ਅਰਬ ਡਾਲਰ ਦੀ ਐਕਸਚੇਂਜ ਸਥਿਰਤਾ ਸਹੂਲਤ ਦੀ ਮੰਗ ਕਰਨ ਤੋਂ ਬਾਅਦ ਹੁਣ ਪਾਕਿਸਤਾਨ ਨੇ ਆਪਣੇ ‘ਦੋਸਤ ਦੇਸ਼’ ਚੀਨ ਤੋਂ 1. 3 ਅਰਬ ਡਾਲਰ ਦੇ ਮੁੜ ਵਿੱਤ ਦੀ ਬੇਨਤੀ ਕੀਤੀ ਹੈ।
ਅੰਮ੍ਰਿਤਸਰ, 4 ਅਗਸਤ (ਸੁਰਿੰਦਰ ਕੋਛੜ)-ਅਮਰੀਕਾ ਤੋਂ 10 ਅਰਬ ਡਾਲਰ ਦੀ ਐਕਸਚੇਂਜ ਸਥਿਰਤਾ ਸਹੂਲਤ ਦੀ ਮੰਗ ਕਰਨ ਤੋਂ ਬਾਅਦ ਹੁਣ ਪਾਕਿਸਤਾਨ ਨੇ ਆਪਣੇ ‘ਦੋਸਤ ਦੇਸ਼’ ਚੀਨ ਤੋਂ 1.3 ਅਰਬ ਡਾਲਰ ਦੇ ਮੁੜ ਵਿੱਤ ਦੀ ਬੇਨਤੀ ਕੀਤੀ ਹੈ। ਨਿਯਮਾਂ ਅਤੇ ਸ਼ਰਤਾਂ ਨੂੰ ਅੰਤਿਮ ਰੂਪ ਦੇਣ ਤੋਂ ਬਾਅਦ ਪਾਕਿ ਨੂੰ ਇਹ ਫ਼ੰਡ ਇਸ ਮਹੀਨੇ ਦੇ ਅੰਤ ‘ਚ ਪ੍ਰਾਪਤ ਹੋਣ ਦੀ ਉਮੀਦ ਹੈ। ਪਾਕਿਸਤਾਨ ਦੇ ਵਿੱਤ ਮੰਤਰਾਲੇ ਦੇ ਇਕ ਅਧਿਕਾਰੀ ਦੇ ਅਨੁਸਾਰ ਚੀਨੀ ਅਧਿਕਾਰੀਆਂ ਨਾਲ ਵਿੱਤ ਪ੍ਰਕਿਰਿਆ ਨੂੰ ਤੇਜ਼ ਕਰਨ ਲਈ ਵਿਚਾਰ-ਵਟਾਂਦਰਾ ਚੱਲ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਪ੍ਰਾਪਤ ਕੀਤੇ ਡਾਲਰਾਂ ਦੀ ਵਰਤੋਂ ਦੇਸ਼ ਦੇ ਵਿਦੇਸ਼ੀ ਮੁਦਰਾ ਭੰਡਾਰ ਨੂੰ ਮਜ਼ਬੂਤ ਕਰਦੇ ਹੋਏ ਬਾਹਰੀ ਕਰਜ਼ੇ ਦੀਆਂ ਜ਼ਿੰਮੇਵਾਰੀਆਂ ਨੂੰ ਪੂਰਾ ਕਰਨ ਲਈ ਕੀਤੀ ਜਾਵੇਗੀ। ਦੱਸਿਆ ਜਾ ਰਿਹਾ ਹੈ ਕਿ ਪਾਕਿ ਨੇ ਜੁਲਾਈ ‘ਚ 2.2 ਅਰਬ ਡਾਲਰ ਦੇ ਬਾਹਰੀ ਕਰਜ਼ੇ ਦੀ ਅਦਾਇਗੀ ਕੀਤੀ, ਜਿਸ ‘ਚ 1.3 ਅਰਬ ਡਾਲਰ ਦੇ ਚੀਨੀ ਵਪਾਰਕ ਕਰਜ਼ੇ ਦੀ ਅਦਾਇਗੀ ਵੀ ਸ਼ਾਮਿਲ ਹੈ।
