ਜਲ੍ਹਿਆਂਵਾਲਾ ਬਾਗ ਪਹੁੰਚੀ ਮਹਿਲਾ ਸੈਲਾਨੀ ਨੇ ਆਟੋ ਚਾਲਕ ’ਤੇ ਲਗਾਇਆ ਠੱਗੀ ਦਾ ਦੋਸ਼
ਪ੍ਰਸ਼ਾਸਨ ਤੋਂ ਦਿਸ਼ਾ-ਸੂਚਕ ਬੋਰਡ ਲਗਾਉਣ ਦੀ ਕੀਤੀ ਮੰਗ
ਅੰਮ੍ਰਿਤਸਰ, 13 ਅਗਸਤ (ਸੁਰਿੰਦਰ ਕੋਛੜ)-ਸ੍ਰੀ ਦਰਬਾਰ ਸਾਹਿਬ ਤੋਂ ਜਲ੍ਹਿਆਂਵਾਲਾ ਬਾਗ ਤੱਕ ਦੀ ਪੈਦਲ ਦੂਰੀ ਦੇ ਬਾਵਜੂਦ ਇਕ ਆਟੋ ਚਾਲਕ ਵਲੋਂ ਮਹਿਲਾ ਸੈਲਾਨੀ ਅਤੇ ਉਸ ਦੀ ਧੀ ਨੂੰ ਆਟੋ ‘ਚ ਘੁਮਾ ਕੇ ਮਨਮਰਜ਼ੀ ਦਾ ਕਿਰਾਇਆ ਵਸੂਲਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਜਲ੍ਹਿਆਂਵਾਲਾ ਬਾਗ ਵਿਖੇ ਪਹੁੰਚੀਆਂ ਪੀੜਤ ਸੈਲਾਨੀਆਂ ਨੇ ਦੋਸ਼ ਲਗਾਇਆ ਕਿ ਉਨ੍ਹਾਂ ਨੂੰ ਆਟੋ ਚਾਲਕ ਵਲੋਂ ਗੁਮਰਾਹ ਕਰਕੇ ਮਨਮਰਜ਼ੀ ਦਾ ਕਿਰਾਇਆ ਵਸੂਲਿਆ ਗਿਆ।
ਅੰਮ੍ਰਿਤਸਰ, 13 ਅਗਸਤ (ਸੁਰਿੰਦਰ ਕੋਛੜ)-ਸ੍ਰੀ ਦਰਬਾਰ ਸਾਹਿਬ ਤੋਂ ਜਲ੍ਹਿਆਂਵਾਲਾ ਬਾਗ ਤੱਕ ਦੀ ਪੈਦਲ ਦੂਰੀ ਦੇ ਬਾਵਜੂਦ ਇਕ ਆਟੋ ਚਾਲਕ ਵਲੋਂ ਮਹਿਲਾ ਸੈਲਾਨੀ ਅਤੇ ਉਸ ਦੀ ਧੀ ਨੂੰ ਆਟੋ ‘ਚ ਘੁਮਾ ਕੇ ਮਨਮਰਜ਼ੀ ਦਾ ਕਿਰਾਇਆ ਵਸੂਲਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਜਲ੍ਹਿਆਂਵਾਲਾ ਬਾਗ ਵਿਖੇ ਪਹੁੰਚੀਆਂ ਪੀੜਤ ਸੈਲਾਨੀਆਂ ਨੇ ਦੋਸ਼ ਲਗਾਇਆ ਕਿ ਉਨ੍ਹਾਂ ਨੂੰ ਆਟੋ ਚਾਲਕ ਵਲੋਂ ਗੁਮਰਾਹ ਕਰਕੇ ਮਨਮਰਜ਼ੀ ਦਾ ਕਿਰਾਇਆ ਵਸੂਲਿਆ ਗਿਆ। ਆਟੋ ਚਾਲਕ ਨੇ ਸ਼ਰਧਾਲੂਆਂ ਨੂੰ ਇਹ ਨਹੀਂ ਦੱਸਿਆ ਕਿ ਸ੍ਰੀ ਦਰਬਾਰ ਸਾਹਿਬ ਤੋਂ ਜਲ੍ਹਿਆਂਵਾਲਾ ਬਾਗ ਮਹਿਜ਼ ਕੁਝ ਹੀ ਕਦਮਾਂ (ਪੈਦਲ) ਦੀ ਦੂਰੀ ‘ਤੇ ਹੈ। ਉਹ ਦੋਵਾਂ ਨੂੰ ਆਟੋ ‘ਚ ਬਿਠਾ ਕੇ ਆਸ-ਪਾਸ ਦੀਆਂ ਗਲੀਆਂ ‘ਚ ਘੁਮਾਉਂਦਾ ਰਿਹਾ ਅਤੇ ਬਾਅਦ ‘ਚ ਜਲ੍ਹਿਆਂਵਾਲਾ ਬਾਗ ਦੇ ਨੇੜੇ ਉਤਾਰ ਕੇ ਉਨ੍ਹਾਂ ਕੋਲੋਂ ਭਾਰੀ ਕਿਰਾਇਆ ਵਸੂਲ ਲਿਆ। ਉਕਤ ਲੜਕੀ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਸਥਾਨਕ ਰਸਤਿਆਂ ਦੀ ਜਾਣਕਾਰੀ ਨਹੀਂ ਸੀ, ਜਿਸ ਦਾ ਫ਼ਾਇਦਾ ਆਟੋ ਵਾਲੇ ਨੇ ਚੁੱਕਿਆ। ਦੱਸਣਯੋਗ ਹੈ ਕਿ ਅੰਮ੍ਰਿਤਸਰ ‘ਚ ਰੋਜ਼ਾਨਾ ਲੱਖਾਂ ਦੀ ਗਿਣਤੀ ‘ਚ ਬਾਹਰੀ ਰਾਜਾਂ ਤੋਂ ਸ਼ਰਧਾਲੂ ਆਉਂਦੇ ਹਨ। ਅਜਿਹੇ ਮਾਮਲਿਆਂ ਕਾਰਨ ਸ਼ਹਿਰ ਦਾ ਅਕਸ ਖ਼ਰਾਬ ਹੋ ਰਿਹਾ ਹੈ।
