ਅੰਮਿ੍ਤਸਰ, 23 ਅਪ੍ਰੈਲ (ਰਾਜੇਸ਼ ਕੁਮਾਰ ਸ਼ਰਮਾ)-ਸਾਰਾਗੜ੍ਹੀ ਮੈਮੋਰੀਅਲ ਸਕੂਲ ਆਫ਼ ਐਮੀਨੈਂਸ ਟਾਊਨ ਹਾਲ ਅੰਮਿ੍ਤਸਰ ਵਿਖੇ 2 ਰੋਜ਼ਾ ਸਕੂਲੀ ਵਾਤਾਵਰਨ ਪ੍ਰੋਗਰਾਮ 'ਹਵਾ, ਪਾਣੀ, ਜ਼ਮੀਨ-ਪੰਜਾਬ ਰੱਖੇ ਹਸੀਨ' ਕਰਵਾਇਆ ਗਿਆ | ਇਹ ਪ੍ਰੋਗਰਾਮ ਪੰਜਾਬ ਸਟੇਟ ਕੌਂਸਲ ਫਾਰ ਸਾਇੰਸ ਐਂਡ ਟੈਕਨਾਲੋਜੀ ਦੁਆਰਾ ਵਾਤਾਵਰਨ ਮੁਆਵਜ਼ਾ ਫੰਡਾਂ ਦੇ ਤਹਿਤ, ਵਾਤਾਵਰਨ ਅਤੇ ਜਲਵਾਯੂ ਪਰਿਵਰਤਨ ਡਾਇਰੈਕਟੋਰੇਟ ਅਤੇ ਜ਼ਿਲ੍ਹਾ ਸਿੱਖਿਆ ਅਫ਼ਸਰ (ਸੈਕੰਡਰੀ ਸਿੱਖਿਆ), ਅੰਮਿ੍ਤਸਰ ਦੇ ਸਹਿਯੋਗ ਨਾਲ ਕਰਵਾਇਆ ਗਿਆ ਸੀ | ਇਸ ਪ੍ਰੋਗਰਾਮ ਦਾ ਸੰਚਾਲਨ ਸੀ. ਐਮ. ਐਸ. ਵਾਤਾਵਰਨ ਨਵੀਂ ਦਿੱਲੀ ਦੁਆਰਾ ਏ. ਐਸ. ਏ. ਆਰ. ਦੇ ਕਲੀਨ ਏਅਰ ਪੰਜਾਬ' ਦੇ ਸਹਿਯੋਗ ਨਾਲ ਕੀਤਾ ਗਿਆ ਸੀ, ਜਿਸ ਨੂੰ ਜ਼ਮੀਨੀ ਪੱਧਰ 'ਤੇ ਨਰਿੰਦਰ ਸਿੰਘ, ਹੈੱਡਮਾਸਟਰ, ਜੀ.ਐਚ.ਐਸ ਘਰਿੰਡਾ ਅਤੇ ਰਾਜੇਸ਼ ਕੁਮਾਰ ਸ਼ਰਮਾ ਜ਼ਿਲ੍ਹਾ ਸਿੱਖਿਆ ਅਫ਼ਸਰ (ਸੈਕੰਡਰੀ), ਅੰਮਿ੍ਤਸਰ ਦੇ ਵਿਸ਼ੇਸ਼ ਸਹਿਯੋਗ ਨਾਲ ਤਾਲਮੇਲ ਕੀਤਾ ਗਿਆ | ਪ੍ਰੋਗਰਾਮ 'ਚ ਅੰਮਿ੍ਤਸਰ ਜ਼ਿਲ੍ਹੇ ਦੇ ਸੈਂਕੜੇ ਵਿਦਿਆਰਥੀਆਂ ਨੇ ਭਾਗ ਲਿਆ ਅਤੇ ਵਾਤਾਵਰਨ ਜਾਗਰੂਕਤਾ ਦੇ ਦੋ ਮੁੱਖ ਪਹਿਲੂਆਂ : ਰਚਨਾਤਮਕ ਪ੍ਰਗਟਾਵੇ ਅਤੇ ਨਵੀਨਤਾ ਦਾ ਪ੍ਰਦਰਸ਼ਨ ਕੀਤਾ | ਇਸ ਦੌਰਾਨ ਵਿਸ਼ੇ ਨਾਲ ਸੰਬੰਧਿਤ ਮੁਕਾਬਲੇ ਵੀ ਕਰਵਾਏ ਗਏ ਅਤੇ ਜੇਤੂਆਂ ਨੂੰ ਸਨਮਾਨਿਤ ਕੀਤਾ ਗਿਆ | ਪੋ੍ਰਗਰਾਮ 'ਚ ਸਬਿਆਸਾਚੀ ਭਾਰਤੀ (ਡਿਪਟੀ ਡਾਇਰੈਕਟਰ, ਸੀ. ਐਮ. ਏ. ਐਸ. ਵਾਤਾਵਰਨ), ਵਿਕਾਸ ਕੁਮਾਰ (ਪਿ੍ੰਸੀਪਲ ਸੀ. ਓ. ਈ. ਟਾਊਨ ਹਾਲ) ਅਤੇ ਨਰਿੰਦਰ ਸਿੰਘ (ਸਟੇਟ ਰਿਸੋਰਸ ਪਰਸਨ) ਨੇ ਵੀ ਆਪਣੇਤ ਵਿਚਾਰ ਪੇਸ਼ ਕੀਤੇ ਅਤੇ ਵਿਦਿਆਰਥੀਆਂ ਦੀ ਪ੍ਰਤਿਭਾ ਨੂੰ ਸਰਾਹਿਆ | ਇਹ ਪੋ੍ਰਗਰਾਮ ਸਕੂਲ ਦੀ ਲੈਕਚਰਾਰ ਮਨੀਸ਼ਾ ਦੀ ਸੁਚੱਜੀ ਦੇਖ-ਰੇਖ 'ਚ ਸਮਾਪਤ ਹੋਇਆ |
