ਅੰਮਿ੍ਤਸਰ, 27 ਅਪ੍ਰੈਲ (ਰੇਸ਼ਮ ਸਿੰਘ)- ਪਿੰਡ ਸੁਲਤਾਨਵਿੰਡ ਦੀ ਹਦੂਦ 'ਚ ਪੈਂਦੇ ਖੇੇਤਰ ਡਰੰਮਾਂ ਵਾਲਾ ਬਜ਼ਾਰ ਦੇ ਸਾਹਮਣੇ ਕਣਕ ਦੇ ਨਾੜ ਨੂੰ ਕਿਸੇ ਸ਼ਰਾਰਤੀ ਅਨਸਰ ਨੇ ਅੱਗ ਲਾ ਦਿੱਤੀ ਜਿਸ ਕਾਰਨ ਚਾਰੇ ਪਾਸੇ ਧੁੂੰਆਂ ਹੀ ਧੂੰਆਂ ਫੈਲ ਗਿਆ ਤੇ ਸ਼ਹਿਰੀ ਖੇਤਰ ਹੋਣ ਕਾਰਨ ਆਸ ਪਾਸ ਰਹਿੰਦੇ ਲੋਕਾਂ ਦੇ ਵੀ ਸਾਹ ਸੂਤੇ ਗਏ | ਇਸ ਕਣਕ ਨੂੰ ਕਾਫੀ ਜਦੋਂ ਜਹਿਦ ਉਪੰਰਤ ਅੱਗ ਬੁਝਾਊ ਅਮਲੇ ਦੀਆਂ ਗੱਡੀਆਂ ਤੇ ਲੋਕਾ ਦੀ ਮਦਦ ਨਾਲ ਬੁਝਾ ਲਿਆ ਗਿਆ ਹੈ | ਕਿਸਾਨ ਨਰਿੰਦਰ ਸਿੰਘ ਨੇ ਦਸਿਆ ਕਿ ਇਹ ਥਾਣਾ ਬੀ.ਡਵੀਜ਼ਨ ਅਧੀਨ ਪੈਂਦੇ ਖੇਤਰ ਦਾ ਮਾਮਲਾ ਹੈ ਜਦੋਂ ਕਿ ਡਰੰਮਾਂ ਵਾਲਾ ਬਜ਼ਾਰ ਦੇ ਅੰਤ 'ਚ ਪੈਦੀ ਜਮੀਨ 10 ਏਕੜ ਕਣਕ ਕੱਟੀ ਗਈ ਸੀ ਜਿਸ ਨੂੰ ਅੱਜ ਸ਼ਾਮ ਸਾਢੇ 6 ਵਜੇ ਕਿਸੇ ਕਣਕ ਦੇ ਨਾੜ ਨੂੰ ਕਿਸੇ ਅਨਸਰ ਵਲੋਂ ਅੱਗ ਲਾ ਦਿੱਤੀ ਗਈ ਜੋ ਕਿ ਬਾਅਦ 'ਚ ਇਕ ਦਮ ਪੂਰੇ ਖੇਤਾਂ 'ਚ ਫੈਲ ਗਈ ਤੇ ਜਦੋਂ ਅੱਗ ਦਾ ਉਨ੍ਹਾਂ ਨੂੰ ਪਤਾ ਲਗਿਆ ਤਾਂ ਉਨ੍ਹਾਂ ਆਸ ਪਾਸ ਦੇ ਲੋਕਾਂ ਨਾਲ ਬੁਝਾਉਣ ਦੀ ਕਾਫੀ ਕੋਸ਼ਿਸ ਕੀਤੀ ਤੇ ਫਾਇਰ ਬਿ੍ਗੇਡ ਨੂੰ ਵੀ ਸੂਚਿਤ ਕੀਤਾ | ਅੱਗ ਬੁਝਾਊ ਅਮਲੇ ਦੀਆਂ 2 ਗੱਡੀਆਂ ਮੌਕੇ 'ਤੇ ਪੁੱਜੀਆਂ ਜਿਨ੍ਹਾਂ ਵਲੋਂ ਅੱਗ 'ਤੇ ਕਾਬੂ ਪਾ ਲਿਆ ਗਿਆ ਹੈ |
