ਕੱਲ੍ਹ ਨੂੰ ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਰਿਹਾਇਸ਼ ਦਾ ਹਜ਼ਾਰਾਂ ਨੰਬਰਦਾਰਾਂ ਵਲੋਂ ਕੀਤਾ ਜਾਵੇਗਾ ਘਿਰਾਓ

ਖਡੂਰ ਸਾਹਿਬ, 3 ਅਕਤੂਬਰ (ਰਸ਼ਪਾਲ ਸਿੰਘ ਕੁਲਾਰ)- ਪੰਜਾਬ ਨੰਬਰਦਾਰ ਯੂਨੀਅਨ ਵਲੋਂ 5 ਅਕਤੂਬਰ ਨੂੰ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੀ ਰਿਹਾਇਸ਼ ਸੰਗਰੂਰ ਦੇ ਘਿਰਾਓ ਦੀ ਦਿੱਤੀ ਕਾਲ ਵਿਚ ਸੂਬੇ ਭਰ ਤੋਂ ਹਜਾਰਾਂ ਨੰਬਰਦਾਰ ਸੰਗਰੂਰ ਵਿਚ ਗਰਜਣ ਲਈ ਬਿਲਕੁਲ ਤਿਆਰ ਬਰ ਤਿਆਰ ਹਨ, ਜਿਸ ਦੀਆਂ ਤਿਆਰੀਆਂ ਮੁਕੰਮਲ ਹੋ ਚੁੱਕੀਆਂ ਹਨ । ਖਡੂਰ ਸਾਹਿਬ ਵਿਖੇ ਤਰਨ ਤਾਰਨ ਜ਼ਿਲ੍ਹੇ ਦੇ ਨੰਬਰਦਾਰਾਂ ਨਾਲ ਮੀਟਿੰਗ ਕਰਨ ਉਪਰੰਤ ਸੂਬਾ ਸਕੱਤਰ ਜਨਰਲ ਰਸ਼ਪਾਲ ਸਿੰਘ ਰਾਮਪੁਰ ਨੇ ਕਿਹਾ ਕਿ ਪਿਛਲੇ ਸਾਢੇ ਚਾਰ ਸਾਲ ਤੋਂ ਸਰਕਾਰ ਦੇ ਮੰਤਰੀਆਂ ਦੇ ਲਾਰਿਆਂ ਤੰਗ ਆ ਕਿ ਯੂਨੀਅਨ ਨੂੰ ਸਖਤ ਰੁਖ ਅਪਨਾਉਣ ਦੀ ਨੌਬਤ ਆਈ ਹੈ ਅਤੇ ਜੇਕਰ ਨੰਬਰਦਾਰ ਹੁਣ ਸੰਘਰਸ਼ ਵਿਚ ਕੁਦ ਪਏ ਹਨ ਤਾਂ ਹੱਕ ਲੈਣ ਤੱਕ ਪਿਛੇ ਨਹੀਂ ਹੱਟਣਗੇ।