ਲੁਧਿਆਣਾ, 1 ਜਨਵਰੀ (ਭੁਪਿੰਦਰ ਸਿੰਘ ਬੈਂਸ)-ਦਸ ਸਾਲ ਸਰਵਿਸ ਪੂਰੀ ਕਰ ਚੁੱਕੇ ਕੱਚੇ ਅਧਿਆਪਕ ਯੂਨੀਅਨ ਪੰਜਾਬ ਨਾਲ ਜੁੜੇ ਕੱਚੇ ਅਧਿਆਪਕ ਗੌਰਵ ਹਾਂਡਾ (ਜਲਾਲਾਬਾਦ) ਦਾ ਨਵੇਂ ਸਾਲ ਦੇ ਦਿਨ ਦਿਹਾਂਤ ਹੋ ਗਿਆ | ਉਹ ਪਿਛਲੇ 12-13 ਸਾਲਾਂ ਤੋਂ ਸਰਕਾਰੀ ਸਕੂਲ ਵਿਚ ਸਿਰਫ 6000 ਰੁਪਏ ਮਾਮੂਲੀ ਤਨਖਾਹ 'ਤੇ ਸੇਵਾ ਨਿਭਾ ਰਿਹਾ ਸੀ ਅਤੇ ਲੰਬੇ ਸਮੇਂ ਤੋ ਮਾਨਸਿਕ ਤਨਾਅ ਵਿਚ ਸੀ | ਕੱਚੇ ਅਧਿਆਪਕ ਯੂਨੀਅਨ ਪੰਜਾਬ ਪ੍ਰਧਾਨ ਜਸਪਾਲ ਸਿੰਘ ਨੇ ਕਿਹਾ ਕਿ ਘੱਟ ਤਨਖਾਹ ਅਤੇ ਸਰਕਾਰੀ ਆਰਡਰ ਨਾ ਮਿਲਣ ਕਾਰਨ ਕਈ ਅਧਿਆਪਕ ਮਾਨਸਿਕ ਤਣਾਅ ਦਾ ਸ਼ਿਕਾਰ ਹਨ | ਉਨ੍ਹਾਂ ਸਰਕਾਰ ਤੋਂ ਮੰਗ ਕੀਤੀ ਕਿ ਗੌਰਵ ਹਾਂਡਾ ਦੇ ਪਰਿਵਾਰ ਨੰੂ ਤੁਰੰਤ ਮਾਲੀ ਮਦਦ ਅਤੇ ਇਕ ਮੈਂਬਰ ਨੰੂੰ ਸਰਕਾਰੀ ਨੌਕਰੀ ਦਿੱਤੀ ਜਾਵੇ | ਇਸ ਮੌਕੇ ਯੂਨੀਅਨ ਮੈਂਬਰ ਬਲਜਿੰਦਰ, ਨੀਲਮ ਰਾਣੀ, ਮਮਤਾ ਵੀ ਹਾਜਰ ਸਨ |
