ਪਬਲਿਕ ਐਕਸ਼ਨ ਕਮੇਟੀ ਵਲੋਂ ਸੰਤ ਬਲਬੀਰ ਸਿੰਘ ਸੀਚੇਵਾਲ ਦੇ ਕਾਰਜਾਂ ਦੀ ਸ਼ਲਾਘਾ <br/>

ਲੁਧਿਆਣਾ, 4 ਜਨਵਰੀ (ਜਤਿੰਦਰ ਭੰਬੀ/ਭੁਪਿੰਦਰ ਸਿੰਘ ਬੈਂਸ)-ਪਬਲਿਕ ਐਕਸ਼ਨ ਕਮੇਟੀ ਨੇ ਸ਼ਹਿਰ ਵਿਚ ਨਾਲੇ ਵਿਚੋਂ ਗਾਰ ਕੱਢਣ ਦੇ ਸੰਤ ਬਲਵੀਰ ਸਿੰਘ ਸੀਚੇਵਾਲ ਵਲੋਂ ਸ਼ੁਰੂ ਕੀਤੇ ਗਏ ਕੰਮ ਦੀ ਸ਼ਲਾਘਾ ਕੀਤੀ ਹੈ | ਪੀ.ਏ.ਸੀ. ਆਗੂ ਕਰਨਲ ਲਖਨਪਾਲ, ਯੋਗੇਸ਼ ਖੰਨਾ ਤੇ ਹੋਰ ਆਗੂਆਂ ਨੇ ਚਾਂਦ ਸਿਨੇਮਾ ਦੇ ਕੋਲ ਗਾਰ ਕਢਵਾਉਣ ਦੇ ਕੰਮ ਦਾ ਜ਼ਿਕਰ ਕਰਦੇ ਹੋਏ ਇਸ ਨੰੂ ਸ਼ਲਾਘਾਯੋਗ ਦੱਸਿਆ | ਕਮੇਟੀ ਦੇ ਮੈਂਬਰਾਂ ਨੇ ਸੰਤ ਸੀਚੇਵਾਲ ਨਾਲ ਮੁਲਾਕਾਤ ਕਰਕੇ ਬੁੱਢੇ ਨਾਲੇ ਦੇ ਸੁਧਾਰ ਲਈ ਕੀਤੇ ਜਾ ਰਹੇ ਯਤਨਾਂ ਦੀ ਪ੍ਰਸ਼ੰਸਾ ਕੀਤੀ | ਇਸ ਦੌਰਾਨ ਹੈਬੋਵਾਲ ਵਿਖੇ ਗੈਸ ਪਲਾਂਟ ਅਤੇ ਨਾਲੇ ਵਿਚ ਡੇਅਰੀਆਂ ਦੇ ਗੋਹੇ ਨੰੂ ਜਾਣ ਤੋਂ ਰੋਕਣ ਸਬੰਧੀ ਕਦਮਾਂ ਦੀ ਵੀ ਸ਼ਲਾਘਾ ਕੀਤੀ | ਇਸ ਮੌਕੇ ਮੁੱਖ ਸੇਵਾਦਾਰ ਹਰਦੇਵ ਸਿੰਘ ਸਿੱਧੂ ਵੀ ਮੌਜੂਦ ਸਨ |