ਲੁਧਿਆਣਾ, 6 ਮਾਰਚ (ਭੁਪਿੰਦਰ ਸਿੰਘ ਬੈਂਸ)-ਜ਼ਿਲ੍ਹਾ ਭਾਜਪਾ ਦੇ ਮੀਤ ਪ੍ਰਧਾਨ ਨਵਲ ਜੈਨ ਦੀ ਪਤਨੀ ਸਨੇਹ ਜੈਨ ਦੇ ਅਚਾਨਕ ਦੇਹਾਂਤ 'ਤੇ ਕਈ ਧਾਰਮਿਕ, ਸਮਾਜਿਕ ਅਤੇ ਰਾਜਨੀਤਿਕ ਆਗੂਆਂ ਨੇ ਦੁੱਖ ਪ੍ਰਗਟ ਕੀਤਾ | ਸ਼੍ਰੀ ਦਿਵਿਆ ਜਯੋਤੀ ਜਾਗਿ੍ਤੀ ਸੰਸਥਾਨ ਦੇ ਸਵਾਮੀ ਪ੍ਰਕਾਸ਼ਾਨੰਦ, ਪੰਜਾਬ ਭਾਜਪਾ ਦੇ ਜਨਰਲ ਸਕੱਤਰ ਅਨਿਲ ਸਰੀਨ, ਲੱਕੀ ਚੋਪੜਾ, ਜਸਦੇਵ ਤਿਵਾੜੀ, ਨਰੇਸ਼ ਗੁਪਤਾ, ਵਿਕਾਸ ਜੈਨ, ਵਿਸ਼ਾਲ ਜੈਨ, ਸੌਰਵ ਜੈਨ, ਪ੍ਰਮੋਦ, ਸੁਰੇਸ਼ ਮਿਗਲਾਨੀ, ਕਮਲ ਭਾਟੀਆ, ਬਲਜਿੰਦਰ ਗਰਚਾ ਅਤੇ ਨਰਿੰਦਰ ਸਿੰਘ ਮੱਲ੍ਹੀ ਨੇ ਨਵਲ ਜੈਨ ਅਤੇ ਉਨ੍ਹਾਂ ਦੇ ਪਰਿਵਾਰ ਨਾਲ ਆਪਣਾ ਦੁੱਖ ਸਾਂਝਾ ਕੀਤਾ | ਇਸ ਮੌਕੇ ਸਵਾਮੀ ਪ੍ਰਕਾਸ਼ਾਨੰਦ ਨੇ ਕਿਹਾ ਕਿ ਇਕ ਔਰਤ ਦਾ ਜੀਵਨ ਪਰਿਵਾਰ ਦੀ ਮੂਲ ਤਾਕਤ ਹੁੰਦਾ ਹੈ ਅਤੇ ਸਨੇਹ ਜੈਨ ਦੇ ਦੇਹਾਂਤ ਨਾਲ ਪਰਿਵਾਰ ਨੂੰ ਹੋਇਆ ਨੁਕਸਾਨ ਕਦੇ ਵੀ ਪੂਰਾ ਨਹੀਂ ਹੋ ਸਕੇਗਾ | ਅਨਿਲ ਸਰੀਨ ਨੇ ਕਿਹਾ ਕਿ ਸਨੇਹ ਜੈਨ ਧਾਰਮਿਕ ਸੁਭਾਅ ਦੀ ਮਹਿਲਾ ਸੀ, ਜੋ ਹਮੇਸ਼ਾ ਲੋੜਵੰਦਾਂ ਦੀ ਮਦਦ ਲਈ ਅੱਗੇ ਰਹਿੰਦੀ ਸੀ ਅਤੇ ਆਪਣੇ ਚੰਗੇ ਵਿਚਾਰਾਂ ਨਾਲ ਲੋਕਾਂ ਨੰੂ ਪ੍ਰੇਰਿਤ ਕਰਦੀ ਸੀ |
