ਲੁਧਿਆਣਾ 11 ਮਾਰਚ (ਪਰਮਿੰਦਰ ਸਿੰਘ ਆਹੂਜਾ)-ਲੁਧਿਆਣਾ ਪੁਲਿਸ ਵੱਲੋਂ ਅੱਜ ਸਥਾਨਕ ਫੋਕਲ ਪੁਆਇੰਟ ਸਥਿਤ ਇੱਕ ਕੋਰੀਅਰ ਕੰਪਨੀ ਦੇ ਦਫਤਰ 'ਤੇ ਛਾਪਾਮਾਰੀ ਕਰ ਕੇ ਉਥੋਂ 56 ਕਿਲੋ ਗਾਂਜਾ ਬਰਾਮਦ ਕੀਤਾ ਹੈ¢ ਜਾਣਕਾਰੀ ਅਨੁਸਾਰ ਪੁਲਿਸ ਨੂੰ ਸੂਚਨਾ ਮਿਲੀ ਸੀ ਕਿ ਉੜੀਸਾ ਤੋਂ ਨਸ਼ਾ ਤਸਕਰ ਕੋਰੀਅਰ ਕੰਪਨੀ ਰਾਹੀਂ ਇਹ ਨਸ਼ੀਲਾ ਪਦਾਰਥ ਲੁਧਿਆਣਾ ਭੇਜ ਰਹੇ ਹਨ ਜਿਸ 'ਤੇ ਪੁਲਿਸ ਵੱਲੋਂ ਕਾਰਵਾਈ ਕਰਦਿਆਂ ਅੱਜ ਸ਼ਾਮ ਉੱਥੇ ਛਾਪਾਮਾਰੀ ਕੀਤੀ ਗਈ ਇਹ ਗਾਂਜਾ ਵੱਖ-ਵੱਖ ਪੈਕਟਾਂ ਵਿੱਚ ਸੀ |ਜ਼ਿਕਰਯੋਗ ਹੈ ਕਿ ਅਪਰਾਧ ਸ਼ਾਖਾ ਨੇ ਪਹਿਲਾਂ ਇਸੇ ਕੋਰੀਅਰ ਕੰਪਨੀ ਤੋਂ ਇੱਕ ਕੁਇੰਟਲ ਤੋਂ ਵੱਧ ਗਾਂਜਾ ਜ਼ਬਤ ਕੀਤਾ ਸੀ ਅਤੇ ਉਨ੍ਹਾਂ ਨੂੰ ਇੱਕ ਰਸਮੀ ਨੋਟਿਸ ਜਾਰੀ ਕੀਤਾ ਸੀ¢ ਇਸ ਦੇ ਬਾਵਜੂਦ, ਕੋਰੀਅਰ ਸੇਵਾਵਾਂ ਰਾਹੀਂ ਪੰਜਾਬ ਵਿੱਚ ਗਾਂਜੇ ਦੀ ਸਪਲਾਈ ਜਾਰੀ ਸੀ | ਵੇਰਵੇ ਦਿੰਦੇ ਹੋਏ, ਅਪਰਾਧ ਸ਼ਾਖਾ ਦੇ ਇੰਚਾਰਜ ਨਵਦੀਪ ਸਿੰਘ ਨੇ ਦੱਸਿਆ ਕਿ ਪਿਛਲੀ ਕਾਰਵਾਈ ਦÏਰਾਨ, ਉਨ੍ਹਾਂ ਨੇ ਕੋਰੀਅਰ ਕੰਪਨੀ ਐਕਸਪ੍ਰੈਸਬੀਜ਼ ਨੂੰ ਇੱਕ ਨੋਟਿਸ ਦਿੱਤਾ ਸੀ¢ ਉਸ ਨੋਟਿਸ ਤੋਂ ਬਾਅਦ, ਕੰਪਨੀ ਨੇ ਖੁਦ ਅੱਜ ਪੁਲਿਸ ਨੂੰ ਇੱਕ ਸ਼ੱਕੀ ਖੇਪ ਬਾਰੇ ਸੂਚਿਤ ਕੀਤਾ¢ ਪਹੁੰਚਣ 'ਤੇ ਟੀਮ ਨੇ ਵੱਖ-ਵੱਖ ਪਾਰਸਲਾਂ ਤੋਂ ਲਗਭਗ 56 ਕਿਲੋ ਗਾਂਜਾ ਬਰਾਮਦ ਕੀਤਾ¢ ਉਨ੍ਹਾਂ ਅੱਗੇ ਕਿਹਾ ਕਿ ਇਹ ਖੇਪਾਂ ਓਡੀਸ਼ਾ ਤੋਂ ਆਈਆਂ ਸਨ ਅਤੇ ਲੁਧਿਆਣਾ ਦੇ ਵੱਖ-ਵੱਖ ਸਥਾਨਾਂ 'ਤੇ ਵੰਡਣ ਲਈ ਸਨ; ਹਾਲਾਂਕਿ, ਕਿਸੇ ਵੀ ਪਾਰਸਲ ਦਾ ਪੂਰਾ ਜਾਂ ਸਹੀ ਪਤਾ ਨਹੀਂ ਸੀ¢