ਲੁਧਿਆਣਾ, 2 ਅਪ੍ਰੈਲ (ਪਰਮਿੰਦਰ ਸਿੰਘ ਆਹੂਜਾ)-ਨਿਊ ਯੰਗ ਫਾਈਵ ਸਟਾਰ ਕਲੱਬ ਵਲੋਂ ਸ਼੍ਰੀ ਰਜੇਸ਼ ਜੈਨ ਬੋਬੀ ਦੀ ਅਗਵਾਈ ਵਿਚ 49ਵਾਂ ਵਿਸ਼ਾਲ ਖੂਨਦਾਨ ਕੈਂਪ ਕਿੰਗ ਪੈਲੇਸ ਸੁੰਦਰ ਨਗਰ ਵਿਖੇ ਲਗਾਇਆ ਗਿਆ, ਜਿਸ ਵਿਚ ਯੂਥ ਅਕਾਲੀ ਦਲ ਦੇ ਸੀਨੀਅਰ ਆਗੂ ਜਸਦੀਪ ਸਿੰਘ ਕਾਉਂਕੇ ਨੇ ਸਾਥੀਆਂ ਸਮੇਤ ਸ਼ਿਰਕਤ ਕਰਨ ਉਪਰੰਤ ਖੂਨਦਾਨ ਵੀ ਕੀਤਾ | ਨਿਊ ਯੰਗ ਫਾਈਵ ਸਟਾਰ ਕਲੱਬ ਵਲੋਂ ਲਗਾਏ ਗਏ ਖੂਨਦਾਨ ਕੈਂਪ ਦੀ ਸ਼ਲਾਘਾ ਕਰਦਿਆਂ ਸ. ਕਾਉਂਕੇ ਨੇ ਕਿਹਾ ਕਿ ਨਿਰਸਵਾਰਥ ਹੋ ਕੇ ਸਮਾਜ ਸੇਵਾ ਕਰ ਰਹੇ ਰਜੇਸ਼ ਜੈਨ ਬੋਬੀ ਦੀ ਜਿੰਨੀ ਸ਼ਲਾਘਾ ਕੀਤੀ ਜਾਵੇ ਉਹ ਥੋੜੀ ਹੈ ਅਤੇ ਇਸ ਕਾਰਜ 'ਚ ਖੁਦ ਖੂਨਦਾਨ ਕਰਕੇ ਮਾਣ ਮਹਿਸੂਸ ਹੋ ਰਿਹਾ ਹੈ | ਸ਼੍ਰੀ ਰਜੇਸ਼ ਜੈਨ ਬੋਬੀ ਨੇ ਆਪਣੀ ਟੀਮ ਸਮੇਤ ਸਾਰੇ ਆਏ ਮਹਿਮਾਨਾਂ ਨੂੰ ਸਨਮਾਨਿਤ ਵੀ ਕੀਤਾ | ਉਨ੍ਹਾਂ ਖੂਨਦਾਨ ਕਰਨ ਵਾਲੇ ਸਾਰੇ ਦਾਨੀਂ ਸੱਜਣਾ ਦਾ ਧੰਨਵਾਦ ਕੀਤਾ | ਇਸ ਮੌਕੇ ਰਾਜਵਿੰਦਰ ਸਿੰਘ ਮਾਂਗਟ, ਤਰੁਣ ਗੋਇਲ, ਧਰਮ ਸਿੰਘ ਬਾਜਵਾ, ਪਿ੍ਤਪਾਲ ਸਿੰਘ ਰੰਧਾਵਾ, ਮਨੂ ਅਟਵਾਲ, ਕਵਲਜੀਤ ਸਿੰਘ, ਰਮਨ ਸਿੱਧੂ, ਰਜਿੰਦਰ ਸਿੰਘ, ਗੁਰਮੀਤ ਸਿੰਘ ਹੈਬੋਵਾਲ, ਪਿ੍ੰਸ ਮਲਹੋਤਰਾ, ਅਮਨਦੀਪ ਸਿੰਘ ਕੋਲੀ, ਮਨਜੀਤ ਸਿੰਘ ਘੈਂਟ, ਸ਼ਿੰਗਾਰਾ ਸਿੰਘ ਆਦਿ ਹਾਜ਼ਰ ਸਨ |
