ਲੁਧਿਆਣਾ, 16 ਅਪ੍ਰੈਲ (ਭੁਪਿੰਦਰ ਸਿੰਘ ਬੈਂਸ)-ਵਾਲਮੀਕਿ ਸਮਾਜ ਮਹਾ ਪੰਚਾਇਤ ਵਲੋਂ ਪ੍ਰਧਾਨ ਸਮੇਂ ਸਿੰਘ ਬਿਰਲਾ ਦੀ ਅਗਵਾਈ ਹੇਠ ਡਾ. ਭੀਮ ਰਾਉ ਅੰਬੇਡਕਰ ਜਯੰਤੀ ਮਨਾਈ ਗਈ | ਇਸ ਮੌਕੇ ਕੈਬਿਨੇਟ ਮੰਤਰੀ ਸੰਜੀਵ ਅਰੋੜਾ, ਸਫ਼ਾਈ ਮਜ਼ਦੂਰ ਯੂਨੀਅਨ ਦੇ ਵਾਇਸ ਚੇਅਰਮੈਨ ਸੁਰਿੰਦਰ ਕਲਿਆਣ, ਡਿਪਟੀ ਕਮਿਸ਼ਨਰ ਹਿਮਾਂਸ਼ੂ ਜੈਨ, ਪੁਲਿਸ ਕਮਿਸ਼ਨਰ ਸਵਪਨ ਸ਼ਰਮਾ ਅਤੇ ਨਿਗਮ ਕਮਿਸ਼ਨਰ ਡਾ. ਨੀਰੂ ਕਤਿਆਲ ਗੁਪਤਾ ਵਿਸ਼ੇਸ਼ ਤੌਰ 'ਤੇ ਸ਼ਾਮਿਲ ਹੋਏ | ਇਸ ਦੌਰਾਨ ਡੀ.ਸੀ.ਹਿਮਾਂਸ਼ੂ ਜੈਨ ਨੇ ਕਿਹਾ ਕਿ ਬਾਬਾ ਸਾਹਿਬ ਨੇ ਸਮਾਜ ਵਿਚ ਬਰਾਬਰੀ ਦੇ ਸਿਧਾਂਤ ਨੰੂ ਮਜ਼ਬੂਤ ਕੀਤਾ ਅਤੇ ਪੀੜਤ ਵਰਗਾਂ ਨੰੂ ਨਿਆਂ ਦਾ ਹੱਕ ਦਿਵਾਇਆ | ਇਸ ਮੌਕੇ ਪ੍ਰਧਾਨ ਸਮੇਂ ਸਿੰਘ ਬਿਰਲਾ ਨੇ ਸੂਬਾ ਸਰਕਾਰ ਅੱਗੇ ਮੰਗਾਂ ਰੱਖਦਿਆਂ ਕਿਹਾ ਕਿ ਅਨੁਸੂਚਿਤ ਜਾਤੀ ਵਰਗ ਨੰੂ ਉਨਾਂ ਦੇ ਮਾਲਕੀਅਤ ਹੱਕ ਦਿੱਤੇ ਜਾਣ | ਉਨਾਂ ਨੇ ਮੰਗ ਕੀਤੀ ਕਿ ਦਰਜਾ ਚਾਰ ਕਰਮਚਾਰੀਆਂ ਦੀ ਭਰਤੀ ਡੀ.ਸੀ ਰੇਟ 'ਤੇ ਕੀਤੀ ਜਾਵੇ ਅਤੇ ਨਿੱਜੀ ਸਕੂਲਾਂ ਵਿਚ ਅਨੁਸੂਚਿਤ ਜਾਤੀ ਦੇ ਬੱਚਿਆਂ ਲਈ ਰਾਖਵੇਂ ਹੱਕ ਯਕੀਨੀ ਬਣਾਏ ਜਾਣ | ਇਸ ਮੌਕੇ ਰਾਹੁਲ ਪਾਰਖੀ, ਨਾਥੀ ਰਾਮ, ਪ੍ਰਦੀਪ ਬਿਰਲਾ, ਬੀਰ ਬਹਾਦਰ, ਸੀਤਾ ਰਾਮ, ਵਨ ਸਿੰਘ, ਹਰਸ਼ ਚਾਵਰੀਆ ਆਦਿ ਮੌਜੂਦ ਸਨ |
