ਡਾਬਾ/ਲੁਹਾਰਾ, 26 ਅਪ੍ਰੈਲ (ਕੁਲਵੰਤ ਸਿੰਘ ਸੱਪਲ)-ਵਿਧਾਨ ਸਭਾ ਹਲਕਾ ਲੁਧਿਆਣਾ ਦੱਖਣੀ ਤੋਂ ਵਿਧਾਇਕਾ ਰਾਜਿੰਦਰਪਾਲ ਕੌਰ ਛੀਨਾ ਵਲੋਂ ਅੱਜ ਵਾਰਡ ਨੰਬਰ 33 ਅਧੀਨ ਕਰਮਜੀਤ ਨਗਰ ਅਤੇ ਸਤਿਗੁਰੂ ਨਗਰ ਵਿਚ ਲਗਭਗ 72 ਲੱਖ ਰੁਪਏ ਦੀ ਲਾਗਤ ਨਾਲ ਆਰ.ਐਮ.ਸੀ. ਗਲੀਆਂ ਦੇ ਨਿਰਮਾਣ ਕਾਰਜਾਂ ਦਾ ਉਦਘਾਟਨ ਕੀਤਾ ਗਿਆ | ਇਸ ਮੌਕੇ ਇਲਾਕੇ ਦੇ ਵਸਨੀਕਾਂ ਨੇ ਦੱਸਿਆ ਕਿ ਪਿਛਲੇ ਲਗਭਗ 20 ਸਾਲਾਂ ਤੋਂ ਇਹ ਗਲੀਆਂ ਬਹੁਤ ਹੀ ਖਰਾਬ ਹਾਲਤ ਵਿਚ ਸਨ ਅਤੇ ਕਿਸੇ ਵੀ ਸਰਕਾਰ ਜਾਂ ਨੁਮਾਇੰਦੇ ਵਲੋਂ ਇਸ ਵੱਲ ਧਿਆਨ ਨਹੀਂ ਦਿੱਤਾ ਗਿਆ | ਵਿਧਾਇਕਾ ਛੀਨਾ ਨੇ ਕਿਹਾ ਕਿ ਜਿੱਥੇ ਸਾਲਾਂ ਤੱਕ ਲੋਕ ਬੁਨਿਆਦੀ ਸਹੂਲਤਾਂ ਤੋਂ ਵੰਚਿਤ ਰਹੇ, ਉੱਥੇ ਹੁਣ ਵਿਕਾਸ ਦੀ ਨਵੀਂ ਸ਼ੁਰੂਆਤ ਹੋ ਚੁੱਕੀ ਹੈ | ਇਹ ਸਿਰਫ਼ ਇਕ ਪ੍ਰੋਜੈਕਟ ਨਹੀਂ, ਸਗੋਂ ਪੁਰਾਣੀ ਅਣਡਿੱਠੀ ਦਾ ਕਰਾਰਾ ਜਵਾਬ ਹੈ | ਇਸ ਮੌਕੇ ਰਾਜਿੰਦਰ ਸ਼ਰਮਾ (ਬਲਾਕ ਕੋਆਰਡੀਨੇਟਰ, ਟ੍ਰੇਡ ਵਿੰਗ), ਮਮਤਾ ਸ਼ਰਮਾ (ਬਲਾਕ ਕੋਆਰਡੀਨੇਟਰ, ਮਹਿਲਾ ਵਿੰਗ), ਧਰੀਂਦਰ ਸ਼ਾਹ (ਮੁਹੱਲਾ ਪ੍ਰਧਾਨ, ਕਰਮਜੀਤ ਨਗਰ), ਮੁਹੰਮਦ ਆਸ਼ਿਕ, ਰਿੰਕੂ, ਲਲਿਤਾ, ਮਨੀਸ਼ਾ, ਸ਼ਾਂਤੀ ਅਤੇ ਲੇਡੀ ਵਿੰਗ ਟੀਮ ਦੇ ਨਾਲ ਸਥਾਨਕ ਵਸਨੀਕ ਵੀ ਮੌਜੂਦ ਸਨ |
