ਲੁਧਿਆਣਾ

ਹੰਬੜਾਂ ਨੇੜੇ ਭੱਠਾਧੂਹਾ 'ਚ ਤੇਜ਼ ਰਫ਼ਤਾਰ ਕਾਰ ਦੀ ਬਿਜਲੀ ਟਰਾਂਸਫਾਰਮਰ ਦੇ ਖੰਭਿਆਂ ਨਾਲ ਹੋਈ ਭਿਆਨਕ ਟੱਕਰ <br/>

ਹੰਬੜਾਂ ਨੇੜੇ ਭੱਠਾਧੂਹਾ 'ਚ ਸਿੱਧਵਾਂ ਬੇਟ ਮਾਰਗ 'ਤੇ ਬੇਕਾਬੂ ਕਾਰ ਦੇ ਬਿਜਲੀ ਖੰਭਿਆਂ ਨਾਲ ਟਕਰਾਉਣ ਨਾਲ ਬੁਰੀ ਤਰ੍ਹਾਂ ਨਾਲ ਨੁਕਸਾਨੇ ਗਏ ਖੰਭੇ ਤੇ ਟਰਾਂਸਫਾਰਮਰ ਤੇ ਪਲਟੀ ਬਰਿਜਾ ਕਾਰ | ਤਸਵੀਰ : ਮੇਜਰ ਹੰਬੜਾਂ <br/> 04-05-2026

ਹੰਬੜਾਂ, 3 ਮਈ (ਮੇਜਰ ਹੰਬੜਾਂ)-ਕਸਬਾ ਹੰਬੜਾਂ ਨੇੜੇ ਭੱਠਾਧੂਹਾ ਰਾਣਕੇ ਬੱਸ ਅੱਡੇ ਨੇੜੇ ਲੰਘੀ ਰਾਤ ਇਕ ਤੇਜ਼ ਰਫ਼ਤਾਰ ਬਰੀਜਾ ਕਾਰ ਨੰਬਰ ਪੀ.ਬੀ-10 ਐੱਚ. ਸੀ-1934 ਦੇ ਬੇਕਾਬੂ ਹੋ ਕੇ ਬਿਜਲੀ ਦੇ ਖੰਭਿਆਂ ਨਾਲ ਟਕਰਾਉਣ ਕਾਰਨ ਪਲਟੀਆਂ ਖਾਂਦੀ ਹੋਈ ਪਲਟ ਜਾਣ ਦਾ ਵੱਡਾ ਹਾਦਸਾ ਵਾਪਰ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ | ਟੱਕਰ ਇੰਨੀ ਭਿਆਨਕ ਸੀ ਕਿ ਕਾਰ ਦੇ ਟਾਇਰ ਅਸਮਾਨ ਵੱਲ ਹੋ ਗਏ | ਇਸ ਜ਼ਬਰਦਰਸਤ ਟੱਕਰ ਨਾਲ ਬਿਜਲੀ ਦੇ ਖੰਭੇ ਟੁੱਟ ਗਏ ਤੇ ਕਾਰ ਬੁਰੀ ਤਰ੍ਹਾਂ ਨਾਲ ਨੁਕਸਾਨੀ ਗਈ ਤੇ ਪਤਾ ਚੱਲਿਆ ਕਿ ਕਾਰ ਚਾਲਕ ਜ਼ਖ਼ਮੀ ਹੋਇਆ ਹੈ, ਪਰ ਜਾਨੀ ਨੁਕਸਾਨ ਤੋਂ ਬਚਾਅ ਹੈ | ਕਾਰ 'ਚ ਦੋ ਵਿਅਕਤੀ ਸਵਾਰ ਸਨ ਜੋ ਕਿ ਪਿੰਡ ਪੁੜੈਣ ਦੇ ਦੱਸੇ ਜਾ ਰਹੇ ਹਨ | ਇਸ ਮਾਮਲੇ ਸੰਬੰਧੀ ਘਟਨਾ ਸਥਾਨ 'ਤੇ ਪੁੱਜੇ ਐੱਸ. ਡੀ. ਓ. ਅਮਨਦੀਪ ਸਿੰਘ ਪੰਧੇਰ ਨੇ ਦੱਸਿਆ ਕਿ ਸਵੇਰ ਸਮੇਂ ਤੱਕ ਕਾਰ ਮਾਲਕ ਆਪਣੀ ਕਾਰ ਲਿਜਾ ਚੁੱਕੇ ਸਨ ਤੇ ਕਾਰ ਦੀ ਟੱਕਰ ਕਾਰਨ ਬਿਜਲੀ ਦੇ ਕਈ ਖੰਭੇ ਟੁੱਟਣ ਸਮੇਤ ਦੋ ਟਰਾਂਸਫਾਰਮਰ ਬੁਰੀ ਤਰ੍ਹਾਂ ਨਾਲ ਨੁਕਸਾਨੇ ਗਏ ਹਨ | ਪਾਵਰਕਾਮ ਮਹਿਕਮੇ ਵਲੋਂ ਪੁਲਿਸ ਨੂੰ ਘਟਨਾ ਸੰਬੰਧੀ ਜਾਣਕਾਰੀ ਦਿੱਤੀ ਗਈ ਹੈ ਤੇ ਬਾਕੀ ਪੁਲਿਸ ਤਫ਼ਦੀਸ਼ 'ਚ ਹਾਦਸੇ ਬਾਰੇ ਸਾਰੀ ਘਟਨਾਂ ਦਾ ਪਤਾ ਚੱਲ ਸਕੇਗਾ |

ਪਿਛਲੀ ਖ਼ਬਰ ਗੌਰਮਿੰਟ ਪੈਨਸ਼ਨਰਜ਼ ਐਸੋਸੀਏਸ਼ਨ ਨੇ ਮਹੀਨਾਵਾਰ ਮੀਟਿੰਗ ਵਿਚ ਮਸਲੇ ਵਿਚਾਰੇ ਅਗਲੀ ਖ਼ਬਰ ਬੜੂੰਦੀ 'ਚ ਪੰਚਾਇਤ ਵਲੋਂ ਰਸਤਿਆਂ 'ਚ ਇੰਟਰਲਾਕ ਲਗਾਉਣ ਤੇ ਹੋਰ ਵਿਕਾਸ ਕਾਰਜ ਜਾਰੀ

ਹੰਬੜਾਂ ਨੇੜੇ ਭੱਠਾਧੂਹਾ 'ਚ ਤੇਜ਼ ਰਫ਼ਤਾਰ ਕਾਰ ਦੀ ਬਿਜਲੀ ਟਰਾਂਸਫਾਰਮਰ ਦੇ ਖੰਭਿਆਂ ਨਾਲ ਹੋਈ ਭਿਆਨਕ ਟੱਕਰ <br/>

ਸੰਬੰਧਿਤ ਖ਼ਬਰਾਂ