ਡਾਬਾ/ਲੁਹਾਰਾ, 26 ਮਈ (ਕੁਲਵੰਤ ਸਿੰਘ ਸੱਪਲ)-ਸਮਾਜ ਸੇਵਕ ਅਤੇ ਗੀਤਕਾਰ ਮਲਕੀਤ ਸਿੰਘ ਦਿਓਲ ਨੇ ਕਿਹਾ ਕਿ ਜਿਵੇਂ ਕਿ ਰੋਜ਼ਾਨਾ ਸਾਨੂੰ ਲਾਵਾਰਸ ਕੁੱਤਿਆਂ ਬਾਰੇ ਖ਼ਬਰਾਂ ਪੜ੍ਹਨ ਸੁਣਨ ਨੂੰ ਮਿਲਦੀਆਂ ਹਨ, ਕਿਵੇਂ ਇਹ ਸਕੂਲ ਜਾਂਦੇ ਬੱਚਿਆ ਨੂੰ , ਸੈਰ ਕਰਦੇ ਬਜ਼ੁਰਗਾਂ ਨੂੰ ਆਪਣਾ ਸ਼ਿਕਾਰ ਬਣਾਉਂਦੇ ਹਨ, ਗਲੀ ਮੁਹੱਲੇ ਪੂਰੀ ਰਾਤ ਭੌਂਕ ਕੇ ਮਰੀਜ਼ਾਂ ਨੂੰ ਬੇ-ਆਰਾਮ ਕਰਦੇ ਹਨ, ਗਲੀਆਂ 'ਚ ਗੰਦ ਪਾਉਂਦੇ ਹਨ, ਇਨ੍ਹਾਂ ਕਰਕੇ ਕਤਲ ਹੁੰਦੇ ਹਨ, ਦੁਸ਼ਮਣੀਆਂ ਪੈਂਦੀਆਂ ਹਨ, ਬਿਮਾਰੀਆਂ ਫੈਲਦੀਆਂ ਹਨ | ਦਿਓਲ ਨੇ ਕੁੱਤਾ ਪ੍ਰੇਮੀਆਂ ਨੂੰ ਵੀ ਬੇਨਤੀ ਕੀਤੀ ਕਿ ਜੇਕਰ ਕੁੱਤਾ ਰੱਖਣਾ ਹੀ ਹੈ ਤਾਂ ਆਪਣੇ ਘਰ ਅੰਦਰ ਰੱਖੋ | ਉਸ ਦੀ ਜ਼ਿੰਮੇਵਾਰੀ ਨਾਲ ਸੰਭਾਲ ਕਰੋ ਅਤੇ ਸਭ ਤੋਂ ਪਹਿਲਾਂ ਇਨਸਾਨੀਅਤ ਨਾਲ ਪਿਆਰ ਕਰੋ | ਦੁੱਖ ਦਾ ਉਦੋਂ ਪਤਾ ਲੱਗਦਾ, ਜਦੋਂ ਆਪਣੇ 'ਤੇ ਪੈਂਦਾ ਹੈ | ਉਨ੍ਹਾਂ ਨੇ ਕੁੱਤਿਆਂ 'ਤੇ ਸੁਪਰੀਮ ਕੋਰਟ ਦੇ ਫ਼ੈਸਲੇ ਦੀ ਸ਼ਲਾਘਾ ਕੀਤੀ |
