ਲੁਧਿਆਣਾ, 2 ਜੂਨ (ਜਸਵਿੰਦਰ ਸਿੰਘ)-ਮਹਾਂਨਗਰ ਲੁਧਿਆਣਾ ਦੇ ਹਲਕਾ ਉਤਰੀ ਵਿਖੇ ਨਵੀਂ ਬਣੀ ਸਬ ਤਹਿਸੀਲ ਕੰਪਲੈਕਸ ਦੇ ਉਦਘਾਟਨ ਮੌਕੇ ਹਲਕਾ ਵਿਧਾਇਕ ਚੌਧਰੀ ਮਦਨ ਲਾਲ ਬੱਗਾ ਨੂੰ ਲੁਧਿਆਣਾ ਸਬਜ਼ੀ ਮੰਡੀ ਆੜ੍ਹਤੀ ਐਸੋਸੀਏਸ਼ਨ ਤੋਂ ਵਿੱਕੀ ਗੋਇਲ ਚੇਅਰਮੈਨ, ਗੁਰਪ੍ਰੀਤ ਸਿੰਘ ਜਨਰਲ ਸਕੱਤਰ, ਗੁਰਵਿੰਦਰ ਸਿੰਘ ਸਰਪ੍ਰਸਤ, ਸ਼ੈਂਕੀ ਚਾਵਲਾ ਸੀਨੀਅਰ ਵਾਈਸ ਪ੍ਰਧਾਨ ਨੇ ਉਚੇਚੇ ਤੌਰ 'ਤੇ ਸ਼ਾਮਿਲ ਹੋ ਕੇ ਵਧਾਈਆਂ ਦਿੱਤੀਆਂ | ਇਸ ਮੌਕੇ ਆੜ੍ਹਤੀ ਐਸੋਸੀਏਸ਼ਨ ਨੇ ਪੰਜਾਬ ਸਰਕਾਰ, ਵਿਧਾਇਕ ਚੌਧਰੀ ਮਦਨ ਲਾਲ ਬੱਗਾ, ਕੈਬਨਿਟ ਮੰਤਰੀ ਹਰਦੀਪ ਸਿੰਘ ਮੁੰਡੀਆਂ ਅਤੇ ਪਾਰਟੀ ਹਾਈਕਮਾਨ ਦਾ ਧੰਨਵਾਦ ਕਰਦੇ ਕਿਹਾ ਕਿ ਵਿਧਾਇਕ ਚੌਧਰੀ ਬੱਗਾ ਵਲੋਂ ਸਰਕਾਰ ਕੋਲੋਂ ਹਲਕਾ ਉਤਰੀ ਦੇ ਵਿਚ ਸਬ ਤਹਿਸੀਲ ਬਣਾਉਣਾ ਇਕ ਇਤਿਹਾਸਿਕ ਕਦਮ ਹੈ | ਇਹ ਸਬ ਤਹਿਸੀਲ ਬਣਨ ਦੇ ਨਾਲ ਜਿੱਥੇ ਹਲਕੇ ਦੇ ਲੋਕਾਂ ਨੂੰ ਸਹੂਲਤ ਮਿਲੇਗੀ, ਉੱਥੇ ਹੀ ਹੋਰ ਆਸ ਪਾਸ ਦੇ ਲੋਕਾਂ ਦੇ ਕੰਮ ਵੀ ਆਸਾਨੀ ਨਾਲ ਹੋ ਸਕਣਗੇ | ਇਸ ਮੌਕੇ ਪਿੰਕਾ ਕੋਚਰ, ਜਸਪਾਲ ਸਿੰਘ, ਅਮਨ ਚਾਵਲਾ, ਪਿ੍ੰਸ ਸਿੰਘ ਐਗਜ਼ੈਕਟਿਵ ਮੈਂਬਰ, ਭੁਪਿੰਦਰ ਸਿੰਘ ਚਾਵਲਾ ਸਲਾਹਕਾਰ ਆਦਿ ਹਾਜ਼ਰ ਸਨ |
