ਲੁਧਿਆਣਾ, 6 ਜੂਨ (ਭੁਪਿੰਦਰ ਸਿੰਘ ਬੈਂਸ)-ਵਿਸ਼ਵ ਦੀ ਪਹਿਲੀ ਪੰਜਾਬੀ ਆਨਲਾਈਨ ਰੀਡੇਥਾਨ ਨੇ ਇਕ ਹੋਰ ਮੀਲ ਪੱਥਰ ਕਾਇਮ ਕਰਦਿਆਂ ਆਪਣੀ ਵੈਬਸਾਈਟ ਰਿਲੀਜ਼ ਕੀਤੀ | ਅਕਾਲ ਅਕਾਡਮੀ ਚੁਗਾਵਾਂ ਦੀ ਪਿ੍ੰਸੀਪਲ ਗੁਰਸ਼ਰਨ ਕੌਰ ਨੇ ਵੈਬਸਾਈਟ ਜਾਰੀ ਕਰਦਿਆਂ ਕਿਹਾ ਕਿ ਰੀਡੇਥਾਨ ਰਾਹੀਂ ਬੱਚੇ ਪੰਜਾਬੀ ਮਾਂ ਬੋਲੀ ਨਾਲ ਜੁੜਨ ਦੇ ਨਾਲ-ਨਾਲ ਮੋਬਾਈਲ ਦੀ ਸਾਰਥਕ ਵਰਤੋਂ ਵੀ ਸਿੱਖ ਰਹੇ ਹਨ | ਉਨ੍ਹਾਂ ਦੱਸਿਆ ਕਿ ਅਕਾਲ ਅਕਾਡਮੀ ਚੁਗਾਵਾਂ ਦੇ 900 ਤੋਂ ਵੱਧ ਵਿਦਿਆਰਥੀ ਰੀਡੇਥਾਨ ਦੀਆਂ ਚਾਰ ਰੀਡਿੰਗਾਂ ਪੂਰੀਆਂ ਕਰ ਚੁੱਕੇ ਹਨ | ਰੀਡੇਥਾਨ ਦੀ ਰਜਿਸਟ੍ਰੇਸ਼ਨ ਅਜੇ ਵੀ ਖੁੱਲ੍ਹੀ ਹੈ ਅਤੇ ਹੋਰ ਉਮਰ ਵਰਗ ਦੇ ਲੋਕ ਇਸ ਵਿਚ ਭਾਗ ਲੈ ਸਕਦੇ ਹਨ | ਰੀਡੇਥਾਨ ਵਿਚ ਹਰ ਹਫਤੇ ਪੰਜਾਬੀ ਦੇ ਪ੍ਰਸਿੱਧ ਲੇਖਕਾਂ ਜਿਵੇਂ ਭਾਈ ਵੀਰ ਸਿੰਘ, ਡਾ. ਜਸਵੰਤ ਸਿੰਘ ਨੇਕੀ, ਕਰਮ ਸਿੰਘ ਹਿਸਟੋਰੀਅਨ, ਡਾ. ਹਿਸੋਟਰੀਅਨ, ਡਾ. ਬਿ੍ਜਪਾਲ ਅਤੇ ਸਤਬੀਰ ਸਿੰਘ ਦੀਆਂ ਰਚਨਾਵਾਂ ਭੇਜੀਆਂ ਜਾਂਦੀਆਂ ਹਨ | ਆਯੋਜਕਾਂ ਮੁਤਾਬਕ ਹੁਣ ਤਕ 6700 ਤੋਂ ਵੱਧ ਰੀਡਰ ਇਸ ਮੁਹਿੰਮ ਨਾਲ ਜੁੜ ਚੱੁਕੇ ਹਨ |
