ਆਲਮਗੀਰ, 13 ਜੂਨ (ਜਰਨੈਲ ਸਿੰਘ ਪੱਟੀ)-ਅੱਜ ਦੇ ਆਧੁਨਿਕ ਯੁੱਗ 'ਚ ਮੈਡੀਕਲ ਵਿਗਿਆਨ ਨੇ ਬਹੁਤ ਤਰੱਕੀ ਕੀਤੀ ਹੈ | ਗੋਡਿਆਂ ਦੀ ਬਿਮਾਰੀ ਅਤੇ ਜੋੜਾਂ ਦੇ ਘਸ ਜਾਣ ਕਾਰਨ ਬਹੁਤ ਸਾਰੇ ਲੋਕ ਤੁਰਨ ਫਿਰਨ 'ਚ ਮੁਸ਼ਕਿਲ ਮਹਿਸੂਸ ਕਰਦੇ ਹਨ | ਅਜਿਹੇ ਮਰੀਜ਼ਾਂ ਲਈ ਰੋਬੋਟਿਕ ਤਕਨੀਕ ਨਾਲ ਕੀਤਾ ਜਾਣ ਵਾਲਾ ਗੋਡਿਆਂ ਦਾ ਆਪ੍ਰੇਸ਼ਨ ਇਕ ਨਵੀਂ ਅਤੇ ਪ੍ਰਭਾਵਸ਼ਾਲੀ ਵਿਧੀ ਵਜੋਂ ਸਾਹਮਣੇ ਆਇਆ ਹੈ | ਇਹ ਜਾਣਕਾਰੀ ਸਥਾਨਕ ਲੁਧਿਆਣਾ ਮਲੇਰਕੋਟਲਾ ਰੋਡ ਪਿੰਡ ਗਿੱਲ ਬਾਈਪਾਸ ਚੌਕ ਨਜ਼ਦੀਕ ਆਧਾਰ ਰਾਸ਼ਨ ਸੈਂਟਰ ਸਥਿਤ ਅਨਹਦ ਰੋਬੋਟਿਕ ਕਲੀਨਿਕ ਦੇ ਮੈਨੇਜਿੰਗ ਡਾਇਰੈਕਟਰ ਤੇ ਜੋੜ ਬਦਲੀ ਦੇ ਮਾਹਿਰ ਸਰਜਨ ਡਾ. ਏ.ਐਸ. ਪਾਸੀ ਨੇ ਦਿੰਦਿਆਂ ਦੱਸਿਆ ਕਿ ਰੋਬੋਟਿਕ ਨੀ-ਰਿਪਲੇਸਮੈਂਟ ਵਿਚ ਸਰਜਨ ਇਕ ਵਿਸ਼ੇਸ਼ ਕੰਪਿਊਟਰ ਅਤੇ ਰੋਬੋਟਿਕ ਸਿਸਟਮ ਦੀ ਮਦਦ ਨਾਲ ਗੋਡੇ ਦਾ ਆਪ੍ਰੇਸ਼ਨ ਕਰਦਾ ਹੈ | ਇਹ ਤਕਨੀਕ ਗੋਡੇ ਦੀ ਸਹੀ ਮਾਪਤੋਲ ਕਰਕੇ ਇੰਪਲਾਂਟ ਨੂੰ ਬਿਲਕੁਲ ਸਹੀ ਥਾਂ 'ਤੇ ਲਗਾਉਣ ਵਿਚ ਮਦਦ ਕਰਦੀ ਹੈ | ਰੋਬੋਟ ਆਪਣੇ ਆਪ ਆਪੇ੍ਰਸ਼ਨ ਨਹੀਂ ਕਰਦਾ, ਸਗੋਂ ਸਰਜਨ ਦੇ ਨਿਯੰਤਰਨ ਹੇਠ ਕੰਮ ਕਰਦਾ ਹੈ | ਰੋਬੋਟਿਕ ਆਪ੍ਰੇਸ਼ਨ ਨਾਲ ਘੱਟ ਕੱਟ ਲੱਗਦਾ ਹੈ, ਖ਼ੂਨ ਦੀ ਕਮੀ ਘੱਟ ਹੁੰਦੀ ਹੈ ਅਤੇ ਦਰਦ ਵੀ ਰਵਾਇਤੀ ਆਪ੍ਰੇਸ਼ਨ ਦੇ ਮੁਕਾਬਲੇ ਜਲਦੀ ਹੁੰਦਾ ਹੈ | ਸਰਜਨ ਡਾ. ਪਾਸੀ ਨੇ ਦੱਸਿਆ ਕਿ ਮਰੀਜ਼ ਜਲਦੀ ਤੁਰਨਾ-ਫਿਰਨਾ ਸ਼ੁਰੂ ਕਰ ਸਕਦਾ ਹੈ ਅਤੇ ਹਸਪਤਾਲ ਵਿਚ ਰਹਿਣ ਦਾ ਸਮਾਂ ਵੀ ਘੱਟ ਹੋ ਸਕਦਾ ਹੈ | ਅੰਤ ਵਿਚ ਉਨ੍ਹਾਂ ਕਿਹਾ ਕਿ ਰੋਬੋਟਿਕ ਤਕਨੀਕ ਨਾਲ ਕੀਤਾ ਜਾਣ ਵਾਲਾ ਗੋਡਿਆਂ ਦਾ ਆਪ੍ਰੇਸ਼ਨ ਆਧੁਨਿਕ ਮੈਡੀਕਲ ਵਿਗਿਆਨ ਦੀ ਇਕ ਮਹੱਤਵਪੂਰਨ ਉਪਲਬਧੀ ਹੈ |
