ਔਰਤ ਉੱਦਮੀ ਨੂੰ ਪੰਜਾਬ ਰਾਜ ਵਿਗਿਆਨ ਅਤੇ ਤਕਨਾਲੋਜੀ ਕੌਂਸਲ ਨੇ ਆਰਥਿਕ ਸਹਿਯੋਗ ਲਈ ਚੁਣਿਆ
ਲੁਧਿਆਣਾ, 10 ਅਗਸਤ (ਜਸਵਿੰਦਰ ਸਿੰਘ)-ਪੀ. ਏ.
ਲੁਧਿਆਣਾ, 10 ਅਗਸਤ (ਜਸਵਿੰਦਰ ਸਿੰਘ)-ਪੀ.ਏ.ਯੂ. ਦੇ ਪਾਬੀ ਤੋਂ ਖੇਤੀ ਉਦਮ ਦੀ ਸਿਖਲਾਈ ਲੈਣ ਵਾਲੀ ਔਰਤ ਉਦਮੀ ਡਾ. ਵਿਭਾ ਬਾਵਾ ਵਲੋਂ ਚਲਾਏ ਜਾਂਦੇ ਸਟਾਰਟਅਪ ਵੈਲਨੈਸ ਵੁੱਡਜ਼ ਨੂੰ ਬੀਤੇ ਦਿਨੀਂ ਪੰਜਾਬ ਰਾਜ ਵਿਗਿਆਨ ਅਤੇ ਤਕਨਾਲੋਜੀ ਕੌਂਸਲ ਨੇ ਇਕ ਲੱਖ ਰੁਪਏ ਦੇ ਸਹਿਯੋਗ ਲਈ ਚੁਣਿਆ। ਜ਼ਿਕਰਯੋਗ ਹੈ ਵੈਲਨੈਸ ਵੁੱਡਜ਼ ਵਲੋਂ ਔਰਤਾਂ ਦੀ ਸਿਹਤ ਅਤੇ ਭਾਰ ਨੂੰ ਕਾਬੂ ਹੇਠ ਰੱਖਣ ਲਈ ਕੀਤੇ ਜਾਂਦੇ ਯਤਨਾਂ ਸਦਕਾ ਤਿੰਨ ਹਜ਼ਾਰ ਤੋਂ ਵਧੇਰੇ ਲੋਕ ਉਨ੍ਹਾਂ ਨਾਲ ਜੁੜੇ ਹੋਏ ਹਨ। ਇਸ ਸਹਿਯੋਗ ਸਦਕਾ ਇਹ ਉਦਮੀ ਏ ਆਈ ਦੀ ਵਰਤੋਂ ਆਪਣੇ ਕਾਰਜਾਂ ਲਈ ਵਧਾ ਸਕੇਗੀ। ਪੀ.ਏ.ਯੂ. ਦੇ ਵਾਈਸ ਚਾਂਸਲਰ ਡਾ. ਸਤਿਬੀਰ ਸਿੰਘ ਗੋਸਲ, ਨਿਰਦੇਸ਼ਕ ਪਸਾਰ ਸਿੱਖਿਆ ਡਾ. ਮੱਖਣ ਸਿੰਘ ਭੁੱਲਰ ਅਤੇ ਅਪਰ ਨਿਰਦੇਸ਼ਕ ਸੰਚਾਰ ਅਤੇ ਪਾਬੀ ਦੇ ਨਿਰਦੇਸ਼ਕ ਡਾ. ਤੇਜਿੰਦਰ ਸਿੰਘ ਰਿਆੜ ਨੇ ਇਸ ਪ੍ਰਾਪਤੀ ਲਈ ਡਾ. ਵਿਭਾ ਬਾਵਾ ਨੂੰ ਵਧਾਈ ਦਿੰਦਿਆਂ ਆਸ ਪ੍ਰਗਟਾਈ ਕਿ ਪੀ.ਏ.ਯੂ. ਦੇ ਹੋਰ ਸਿੱਖਿਅਤ ਉੱਦਮੀ ਵੀ ਇਸ ਦਿਸ਼ਾ ਵਿਚ ਪ੍ਰਾਪਤੀਆਂ ਦੇ ਭਾਗੀ ਬਣਨਗੇ।
