ਲੁਧਿਆਣਾ

ਲੁਧਿਆਣਾ ਵਿਚ ਸ਼ੱਕੀ ਹਾਲਾਤ ਵਿਚ ਦੋ ਨਾਬਾਲਗਾਂ ਸਮੇਤ ਤਿੰਨ ਲੜਕੀਆਂ ਲਾਪਤਾ

ਅ

ਅਜੀਤ, ਜਲੰਧਰ 16-09-2026

ਲੁਧਿਆਣਾ, 15 ਸਤੰਬਰ (ਪਰਮਿੰਦਰ ਸਿੰਘ ਆਹੂਜਾ)-ਥਾਣਾ ਸ਼ਿਮਲਾਪੁਰੀ ਦੇ ਘੇਰੇ ਅੰਦਰ ਪੈਂਦੇ ਇਲਾਕੇ ਮੁਹੱਲਾ ਗੁਰੂ ਗੋਬਿੰਦ ਸਿੰਘ ਨਗਰ ਸ਼ਿਮਲਾਪੁਰੀ ਵਿਚ ਦੋ ਨਾਬਾਲਗ ਸਮੇਤ ਤਿੰਨ ਲੜਕੀਆਂ ਦੇ ਸ਼ੱਕੀ ਹਾਲਾਤਾਂ ਵਿਚ ਲਾਪਤਾ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਸਬੰਧੀ ਪੁਲਿਸ ਨੇ ਇਕ ਨੌਜਵਾਨ ਲੜਕੀ, ਜਿਸਦੀ ਉਮਰ 19 ਸਾਲ ਦੇ ਕਰੀਬ ਹੈ, ਉਸਦੀ ਮਾਂ ਦੀ ਸ਼ਿਕਾਇਤ ’ਤੇ ਕੇਸ ਦਰਜ ਕਰ ਲਿਆ ਹੈ। ਪੁਲਿਸ ਪਾਸ ਲਿਖਵਾਈ ਮੁੱਢਲੀ ਰਿਪੋਰਟ ਵਿਚ ਸ਼ਿਕਾਇਤਕਰਤਾ ਨੇ ਦੱਸਿਆ ਕਿ ਉਸ ਦੀ 19 ਸਾਲ ਦੀ ਲੜਕੀ ਆਪਣੀ ਸਹੇਲੀਆਂ ਨਾਲ ਘਰੋਂ ਪੇਪਰ ਲਈ ਪ੍ਰਿੰਟ ਕਢਵਾਉਣ ਦਾ ਕਹਿ ਕੇ ਗਈਆਂ, ਪਰ ਵਾਪਸ ਨਹੀਂ ਆਈਆਂ। ਇਹਨਾਂ ਵਿਚੋਂ ਇਕ ਲੜਕੀ ਦੀ ਉਮਰ 17 ਸਾਲ ਅਤੇ ਇਕ ਦੀ ਉਮਰ 16 ਸਾਲ ਦੇ ਕਰੀਬ ਹੈ। ਸ਼ਿਕਾਇਤਕਰਤਾ ਵਲੋਂ ਆਪਣੇ ਪੱਧਰ ‘ਤੇ ਇਹਨਾਂ ਦੀ ਭਾਲ ਕੀਤੀ ਗਈ, ਪਰ ਉਨ੍ਹਾਂ ਦਾ ਕਿਧਰੇ ਪਤਾ ਨਹੀਂ ਲੱਗਾ। ਸ਼ਿਕਾਇਤਕਰਤਾ ਨੇ ਸ਼ੱਕ ਪ੍ਰਗਟ ਕੀਤਾ ਹੈ ਕਿ ਉਸ ਦੀਆਂ ਲੜਕੀਆਂ ਨੂੰ ਕਿਸੇ ਵਿਅਕਤੀ ਵਲੋਂ ਨਾਜਾਇਜ਼ ਹਿਰਾਸਤ ਵਿਚ ਰੱਖਿਆ ਗਿਆ ਹੈ। ਪੁਲਿਸ ਵਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ, ਪਰ ਹਾਲ ਦੀ ਘੜੀ ਲੜਕੀਆਂ ਦਾ ਪਤਾ ਨਹੀਂ ਲੱਗਾ।

ਪਿਛਲੀ ਖ਼ਬਰ ਵਰਿੰਦਰ ਸਿੰਘ ਦੇ ਹੱਕ ’ਚ ਭਰਵੀਂ ਮੀਟਿੰਗ ਅਗਲੀ ਖ਼ਬਰ ਸੀਸੂ ਐਮ.ਐਸ.ਐਮ.ਈ., ਸਰਕਾਰੀ ਗ੍ਰਾਂਟਾਂ, ਸਬਸਿਡੀਆਂ ਅਤੇ ਟਰੇਡਮਾਰਕ ਸੁਰੱਖਿਆ ’ਤੇ ਉਦਯੋਗ-ਕੇਂਦਰਿਤ ਸੈਮੀਨਾਰ ਕਰਵਾਇਆ

ਲੁਧਿਆਣਾ ਵਿਚ ਸ਼ੱਕੀ ਹਾਲਾਤ ਵਿਚ ਦੋ ਨਾਬਾਲਗਾਂ ਸਮੇਤ ਤਿੰਨ ਲੜਕੀਆਂ ਲਾਪਤਾ

ਸੰਬੰਧਿਤ ਖ਼ਬਰਾਂ